രാഹുൽ ഹിന്ദുവോ ക്രിസ്​ത്യാനിയോ?–ക്ഷേത്ര ദർശനത്തെ പരിഹസിച്ച്​ സ്വാമി

ന്യൂഡല്‍ഹി: ഗുജറാത്ത് പര്യടനത്തിനിടെ ക്ഷേത്രങ്ങൾ സന്ദർശിച്ച കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയെ പരിഹസിച്ച്​ ബി.ജെ.പി എം.പി സുബ്രഹ്മണ്യന്‍ സ്വാമി. രാഹുൽ  ക്രിസ്ത്യാനിയാണോ ഹിന്ദുവാണോ എന്ന് സംശയമുണ്ടെന്നായിരുന്നു സ്വാമിയുടെ പരിഹാസം.
തെരഞ്ഞെടുപ്പിന്​ മുന്നോടിയായി ഗുജറാത്തിൽ  നടത്തിയ ത്രിദിന പര്യടനത്തി​ലാണ്​ രാഹുൽ  നാല്​ ക്ഷേത്രങ്ങള്‍ സന്ദർശിച്ചത്​. 

തിങ്കളാഴ്​ച രാവിലെ​ ദ്വാരകയിലെ ദ്വാരകാധീശ്​ ക്ഷേത്രത്തിൽ പ്രാർഥന നടത്തിയ ശേഷമാണ്​ രാഹുൽ പര്യടനം തുടങ്ങിയത്. ബി.ജെ.പിയുടേയും ആർ.എസ്​.എസി​​െൻറയും ഹിന്ദുത്വ അജണ്ട നേരിടാനാണ് രാഹുല്‍ ക്ഷേത്രങ്ങള്‍ സന്ദര്‍ശിച്ചതെന്നാണ് കോണ്‍ഗ്രസ്​ വിശദീകരണം. 

'അങ്ങനെയെങ്കില്‍  താന്‍ ക്രിസ്​ത്യാനിയല്ല, ഹിന്ദുവാണെന്ന് രാഹുല്‍ പ്രഖ്യാപിക്കണം. 10 ജൻപഥിലെ ക്രിസ്​ത്യൻ പള്ളിയിൽ രാഹുൽ പ്രാർഥിക്കാൻ പോകുന്നതെന്തുകൊണ്ടാണ്​. പിതാവ്​ രാജീവ്​ ഗാന്ധി ചെയ്​തതുപോലെ, താൻ ഹിന്ദുവാണെന്ന്​ രാഹുൽ പ്രഖ്യാപിക്കാതെ ഞങ്ങൾ അ​ദ്ദേഹത്തെ വിശ്വസിക്കില്ല’– സ്വാമി പറഞ്ഞു. 
രാഹുൽ ഗാന്ധി വർഷങ്ങളായി ക്രിസ്​തുമതത്തിലാണ്​ വിശ്വസിച്ചു വരുന്നത്​.  അതിനാൽ ​ക്ഷേത്ര ദർശനത്തിനു മുമ്പ്​ അദ്ദേഹത്തി​​െൻറ മതമേതാണെന്ന്​ വ്യക്തമാക്കണമെന്നും സ്വാമി മാധ്യമങ്ങ​​ളോട്​ പറഞ്ഞു.