തബ്​ലീഗ്​ വേട്ടക്കെതിരെ പട്​ന ഹൈകോടതിയും; 18 വിദേശികൾക്കെതിരായ ക്രിമിനൽ നടപടി റദ്ദാക്കി

ന്യൂഡൽഹി: തബ്​ലീഗ്​ ജമാഅത്ത്​ പ്രവർത്തകരെ കോവിഡി​െൻറ പേരിൽ രാജ്യമൊട്ടുക്കും വേട്ടയാടിയത്​ തെറ്റാ​യിരു​െന്നന്ന്​ തെളിയിക്കുന്ന മറ്റൊരു വിധി കൂടി. 18 വിദേശികളായ തബ്​ലീഗ്​ പ്രവർത്തകർക്കെതിരെ ബിഹാർ പൊലീസ്​ തുടങ്ങിയ ​ക്രിമിനൽ നടപടികൾ പട്​ന ഹൈകോടതി റദ്ദാക്കി.

വിദേശത്തുനിന്ന്​ തബ്​ലീഗ്​ ജമാഅത്ത്​ പ്രവർത്തകർ ഏതെങ്കിലും നിയമവിരുദ്ധ പ്രവർത്തനത്തിൽ പങ്കാളികളായതായി തെളിയിക്കാൻ പൊലീസി​െൻറ പക്കൽ ഒന്നുമില്ലായിരു​െന്നന്ന്​ പട്​ന ഹൈകോടതി കുറ്റപ്പെടുത്തി.

വിദേശി തബ്​ലീഗുകാർക്കെതിരെ പ്രഥമദൃഷ്​ട്യാ കേസുണ്ടെന്ന്​ പറഞ്ഞ്​ പൊലീസ്​ വാദം യാന്ത്രികമായി അംഗീകരിച്ച അറാറിയ മജിസ്​ട്രേറ്റ്​​ കോടതിയെയും ഹൈകോടതി വിമർശിച്ചു. ഡൽഹി നിസാമുദ്ദീനിൽ പോയ ശേഷം തദ്ദേശീയരായ തബ്​ലീഗുകാർക്കൊപ്പം അറാറിയയിൽ എത്തിയവരായിരുന്നു അറസ്​റ്റിലായ വിദേശികൾ.