കോവിഡ്: താജ്​മഹൽ ഉൾപ്പെടെ ചരിത്ര സ്​മാരകങ്ങൾ ഇന്ന്​ തുറക്കില്ല

ആഗ്ര: താജ്​മഹൽ ഉൾപ്പെടെയുള്ള ചരിത്ര സ്​മാരകങ്ങൾ ഇന്ന് ​(തിങ്കളാഴ്​ച) തുറക്കേണ്ടതില്ലെന്ന്​ ആഗ്ര ജില്ല ഭരണകൂടത്തിൻെറ തീരുമാനം. കോവിഡ്​ ബാധിതർ പെരുകുന്നതിൻെറ പശ്ചാത്തലത്തിലാണ്​ നടപടി. സ്​മാരകങ്ങൾ എത്രകാലം അടഞ്ഞുകിടക്കുമെന്ന കാര്യത്തിൽ തീരുമാനം കൈക്കൊണ്ടിട്ടില്ല.

ജൂലൈ ആറ്​ മുതൽ താജ്​മഹൽ ഉൾപ്പെടെയുള്ള സ്​മാരകങ്ങൾ സന്ദർശകർക്കായി തുറന്നു കൊടുക്കുമെന്ന്​ ഉത്തർപ്രദേശ്​ ടൂറിസം മന്ത്രി നേരത്തേ അറിയിച്ചിരുന്നു. എന്നാൽ, ആഗ്രയിൽ കോവിഡ്​ പടർന്നു പിടിക്കുന്ന സാഹചര്യത്തിൽ തുറക്കേണ്ടതില്ലെന്ന്​ ജില്ല ഭരണകൂടം തീരുമാനിക്കുകയായിരുന്നു.

ബഫർ സോണിലായതിനാൽ താജ്​മഹലിന്​ പുറമെ ആഗ്ര കോട്ട, സിക്കന്ദറിലെ അക്​ബർ ടോമ്പ്​ എന്നിവയും ഇപ്പോൾ തുറക്കില്ല.