Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഭാ​ഷയിൽ ഏ​റ്റു​മു​ട്ടി...

ഭാ​ഷയിൽ ഏ​റ്റു​മു​ട്ടി ത​മി​ഴ്നാ​ടും കേ​ന്ദ്ര​വും

text_fields
bookmark_border
ഭാ​ഷയിൽ ഏ​റ്റു​മു​ട്ടി ത​മി​ഴ്നാ​ടും കേ​ന്ദ്ര​വും
cancel
camera_alt

ലോക്സഭയിൽ സംസാരിക്കുന്ന ഡി.എം.കെയിലെ കനിമൊഴി എം.പി 

ന്യൂ​ഡ​ൽ​ഹി: ത​മി​ഴ്നാ​ട് എം.​പി​മാ​രും കേ​ന്ദ്ര സ​ർ​ക്കാ​റും ത​മ്മി​ലു​ണ്ടാ​യ ‘ഭാ​ഷാ​യു​ദ്ധ’​ത്തി​ൽ ബ​ജ​റ്റ് സ​മ്മേ​ള​ന​ത്തി​ന്റെ ര​ണ്ടാം പാ​ദ​ത്തി​ന്റെ തു​ട​ക്കം പ്ര​ക്ഷു​ബ്ധം. ദേ​ശീ​യ വി​ദ്യാ​ഭ്യാ​സ​ന​യ​ത്തെ എ​തി​ർ​ക്കു​ന്ന ത​മി​ഴ്നാ​ട് എം.​പി​മാ​രെ കേ​ന്ദ്ര വി​ദ്യാ​ഭ്യാ​സ മ​ന്ത്രി ധ​ർ​മേ​ന്ദ്ര പ്ര​ധാ​ൻ സം​സ്കാ​ര ശൂ​ന്യ​ർ എ​ന്ന് വി​ളി​ച്ച​തി​നെ തു​ട​ർ​ന്നു​ണ്ടാ​യ പ്ര​തി​ഷേ​ധ​ത്തി​ൽ ലോ​ക്സ​ഭ 12 മ​ണി​വ​രെ നി​ർ​ത്തി​വെ​ച്ചു. തു​ട​ർ​ന്ന് സ​ഭ വീ​ണ്ടും ചേ​ർ​ന്ന​പ്പോ​ൾ ഖേ​ദം പ്ര​ക​ടി​പ്പി​ച്ച ധ​ർ​മേ​ന്ദ്ര പ്ര​ധാ​ൻ വി​വാ​ദ പ​രാ​മ​ർ​ശം പി​ൻ​വ​ലി​ച്ചു.

ത്രി​ഭാ​ഷ പ​ദ്ധ​തി​യി​ലൂ​ടെ ഹി​ന്ദി അ​ടി​ച്ചേ​ൽ​പി​ക്കു​ന്ന ദേ​ശീ​യ വി​ദ്യാ​ഭ്യാ​സ ന​യം (എ​ൻ.​ഇ..​പി) അം​ഗീ​ക​രി​ക്കാ​ത്ത ത​മി​ഴ്നാ​ടി​നോ​ടു​ള്ള പ്ര​തി​കാ​ര ന​ട​പ​ടി രാ​വി​ലെ ചോ​ദ്യോ​ത്ത​ര വേ​ള​യി​ൽ ഡി.​എം.​കെ നേ​താ​വ് ഡോ. ​ടി. സു​മ​തി ഉ​ന്ന​യി​ച്ച​താ​ണ് തു​ട​ക്കം. പ്ര​തി​കാ​ര ന​ട​പ​ടി​യാ​യി കേ​ന്ദ്ര സ​ർ​ക്കാ​ർ ‘പി.​എം ശ്രീ’ ​ഫ​ണ്ടി​ൽ ത​മി​ഴ്നാ​ടി​ന് അ​ർ​ഹ​ത​പ്പെ​ട്ട 2000 കോ​ടി രൂ​പ മ​റ്റു സം​സ്ഥാ​ന​ങ്ങ​ൾ​ക്ക് ന​ൽ​കി​യെ​ന്നാ​യി​രു​ന്നു സു​മ​തി​യു​ടെ ആ​രോ​പ​ണം. സ​ഹ​ക​ര​ണ ഫെ​ഡ​റ​ലി​സ​ത്തി​നെ​തി​രാ​യ ആ​ക്ര​മ​ണ​മാ​ണി​തെ​ന്ന് അ​വ​ർ കു​റ്റ​​പ്പെ​ടു​ത്തി. സ്കൂ​ൾ വി​ദ്യാ​ഭ്യാ​സ​ത്തി​നു​ള്ള ഫ​ണ്ട് നി​യ​മ​പ​ര​മാ​യി ന​ട​പ്പാ​ക്കാ​ൻ ബാ​ധ്യ​സ്ഥ​മ​ല്ലാ​ത്ത ഒ​രു ന​യ​ത്തി​ന്റെ പേ​രി​ൽ പ്ര​തി​കാ​ര ന​ട​പ​ടി​ക്കു​ള്ള ഉ​പ​ക​ര​ണ​മാ​യി ഉ​പ​യോ​ഗി​ക്കാ​മോ എ​ന്ന് സു​മ​തി ചോ​ദി​ച്ചു.

ത​മി​ഴ് എം.​പി​മാ​ർ സം​സ്കാ​ര ശൂ​ന്യ​രെന്ന് കേ​ന്ദ്ര​മ​ന്ത്രി

ഇ​തി​നു​ള്ള മ​റു​പ​ടി​യി​ൽ ‘പി.​എം ​ശ്രീ’ ​അം​ഗീ​ക​രി​ക്കാ​മെ​ന്ന കാ​ര്യ​ത്തി​ൽ ത​മി​ഴ്നാ​ട് കേ​ന്ദ്ര​വു​മാ​യി മാ​ർ​ച്ച് 15ന് ​ധാ​ര​ണ​പ​ത്രം ഒ​പ്പി​ടാ​ൻ ത​യാ​റാ​യ​താ​ണെ​ന്നും ത​മി​ഴ്നാ​ട് വി​ദ്യാ​ഭ്യാ​സ മ​ന്ത്രി​യു​മാ​യി സു​മ​തി അ​ട​ക്ക​മു​ള്ള ത​മി​ഴ്നാ​ട് എം.​പി​മാ​ർ ത​ന്നെ വ​ന്നു​ക​ണ്ട​പ്പോ​ൾ എ​ൻ.​ഇ.​പി അം​ഗീ​ക​രി​ക്കാ​മെ​ന്ന് സ​മ്മ​തി​ച്ച് തി​രി​ച്ചു​പോ​യി ‘യൂ ​ടേ​ൺ’ അ​ടി​ച്ച​താ​ണെ​ന്നും പ്ര​ധാ​ൻ അ​വ​കാ​ശ​പ്പെ​ട്ടു. മു​ഖ്യ​മ​ന്ത്രി എം.​കെ. സ്റ്റാ​ലി​ൻ ഒ​പ്പു​വെ​ക്കാ​ൻ ത​യാ​റാ​ണ്. എ​ന്നാ​ൽ, ക​നി​മൊ​ഴി അ​ട​ക്ക​മു​ള്ള ചി​ല സൂ​പ്പ​ർ മു​ഖ്യ​മ​ന്ത്രി​മാ​ർ അ​ത് ത​ട​സ്സ​പ്പെ​ടു​ത്തു​ക​യാ​യി​രു​ന്നു. ഭാ​ഷ​കൊ​ണ്ട് രാ​ഷ്ട്രീ​യം ക​ളി​ച്ച് ത​മി​ഴ്നാ​ട്ടി​ലെ വി​ദ്യാ​ർ​ഥി​ക​ളോ​ട് അ​നീ​തി കാ​ണി​ക്കു​ക​യാ​ണെ​ന്നു​കൂ​ടി പ്ര​ധാ​ൻ ആ​രോ​പി​ച്ച​തോ​ടെ എം.​പി​മാ​ർ രോ​ഷാ​കു​ല​രാ​യി. സം​സ്കാ​ര​ശൂ​ന്യ​രും ജ​നാ​ധി​പ​ത്യ​വി​രു​ദ്ധ​രു​മാ​ണ് അ​വ​രെ​ന്ന് മ​ന്ത്രി പ്ര​ധാ​ൻ കു​റ്റ​പ്പെ​ടു​ത്തി. ര​ണ്ടു​ത​വ​ണ ഈ ​വാ​ക്കു​ക​ൾ ആ​വ​ർ​ത്തി​ച്ച​തോ​ടെ എം.​പി​മാ​ർ ന​ടു​ത്ത​ള​ത്തി​ലേ​ക്ക് പ്ര​തി​ഷേ​ധ​വു​മാ​യി നീ​ങ്ങി. ചി​ല​ർ ദ​യാ​നി​ധി മാ​ര​ന്റെ നേ​തൃ​ത്വ​ത്തി​ൽ കേ​ന്ദ്ര​മ​ന്ത്രി​യു​ടെ നേ​രെ ചെ​ന്ന് അ​ദ്ദേ​ഹം മാ​പ്പു​പ​റ​യ​ണ​മെ​ന്ന് ആ​വ​ശ്യ​പ്പെ​ട്ടു. സ്പീ​ക്ക​ർ ഓം ​ബി​ർ​ള ന​ട​പ​ടി എ​ടു​ക്കു​മെ​ന്ന് മു​ന്ന​റി​യി​പ്പ് ന​ൽ​കി​യി​ട്ടും ത​മി​ഴ്നാ​ട് എം.​പി​മാ​ർ പി​രി​ഞ്ഞു​പോ​കാ​ത്ത​തി​നെ തു​ട​ർ​ന്ന് സ​ഭ 12 മ​ണി​വ​രെ നി​ർ​ത്തി​വെ​ച്ചു.

പ്ര​തി​ഷേ​ധം; പ​രാ​മ​ർ​ശം മ​ന്ത്രി പി​ൻ​വ​ലി​ച്ചു

തു​ട​ർ​ന്ന് ഡി.​എം.​കെ നേ​താ​വ് സു​മ​തി​ക്കും ക​നി​മൊ​ഴി​ക്കും സം​സാ​രി​ക്കാ​ൻ അ​വ​സ​രം ന​ൽ​കാ​മെ​ന്ന ധാ​ര​ണ​യി​ലാ​ണ് 12 മ​ണി​ക്ക് ന​ട​പ​ടി​ക​ൾ പു​ന​രാ​രം​ഭി​ച്ച​ത്. മ​ന്ത്രി ധ​ർ​മേ​ന്ദ്ര പ്ര​ധാ​ൻ ത​മി​ഴ്നാ​ട്ടി​ലെ എം.​പി​മാ​രെ​യും സ​ർ​ക്കാ​റി​നെ​യും ജ​ന​ങ്ങ​ളെ​യും സം​സ്കാ​ര​ശൂ​ന്യ​ർ എ​ന്ന് വി​ളി​ച്ച​ത് അ​ങ്ങേ​യ​റ്റം വേ​ദ​നി​പ്പി​ച്ചു​വെ​ന്ന് ഡി.​എം.​കെ നേ​താ​വ് ക​നി​മൊ​ഴി മ​ന്ത്രി​ക്ക് മ​റു​പ​ടി ന​ൽ​കി. എ​ൻ.​ഇ.​പി​യി​ൽ ​പ്ര​ശ്ന​ങ്ങ​ളു​ണ്ടെ​ന്നും ത്രി​ഭാ​ഷ ന​യം അ​സ്വീ​കാ​ര്യ​മാ​ണെ​ന്നും മ​ന്ത്രി​യോ​ട് താ​ന​ട​ക്ക​മു​ള്ള എം.​പി​മാ​ർ പ​റ​ഞ്ഞി​ട്ടും അ​ദ്ദേ​ഹം സ​ഭ​യെ തെ​റ്റി​ദ്ധ​രി​പ്പി​ച്ചു​വെ​ന്ന് ക​നി​മൊ​ഴി കു​റ്റ​പ്പെ​ടു​ത്തി. അ​തോ​ടെ എ​ഴു​ന്നേ​റ്റ മ​ന്ത്രി ത​ന്റെ വാ​ക്കു​ക​ൾ ആ​രെ​യെ​ങ്കി​ലും വേ​ദ​നി​പ്പി​ച്ചി​ട്ടു​ണ്ടെ​ങ്കി​ൽ പി​ൻ​വ​ലി​ക്കു​ക​യാ​ണെ​ന്ന് പ​റ​ഞ്ഞു.

കേ​ന്ദ്ര വി​ദ്യാ​ഭ്യാ​സ മ​ന്ത്രി സ​ഭ​യെ തെ​റ്റി​ദ്ധ​രി​പ്പി​ച്ചു​വെ​ന്ന് ഡോ. ​സു​മ​തി​യും വി​മ​ർ​ശി​ച്ചു. ത​മി​ഴ്നാ​ട് വി​ദ്യാ​ഭ്യാ​സ മ​ന്ത്രി​യു​മാ​യി ത​ങ്ങ​ൾ ധ​ർ​മേ​ന്ദ്ര പ്ര​ധാ​നെ ക​ണ്ട​പ്പോ​ൾ ​എ​ൻ.​ഇ.​പി അം​ഗീ​ക​രി​ക്കാ​മെ​ന്ന് ഒ​രി​ക്ക​ലും പ​റ​ഞ്ഞി​ട്ടി​ല്ലെ​ന്നും സു​മ​തി മ​റു​പ​ടി ന​ൽ​കി. ഇ​തി​നു​ള്ള ധാ​ര​ണ​പ​ത്രം ഒ​പ്പ​വെ​ക്കി​​ല്ലെ​ന്ന് സ്റ്റാ​ലി​നും വ്യ​ക്ത​മാ​ക്കി​യ​താ​ണ്. ത​മി​ഴ്നാ​ട് ഇ​തി​ന് മു​ന്നി​ൽ ത​ല​കു​നി​ക്കി​ല്ല. 10,000 കോ​ടി ന​ൽ​കാ​മെ​ന്ന് പ​റ​ഞ്ഞാ​ലും ത​മി​ഴ് ജ​ന​ത എ​ൻ.​ഇ.​പി അം​ഗീ​ക​രി​ക്കി​ല്ലെ​ന്ന് അ​വ​ർ പ​റ​ഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:central governmentparlament indiaTamil Naduclash
News Summary - Tamil Nadu and the Centre clash over language
Next Story