തമിഴ്‌നാട് നിയമസഭാ സമ്മേളനം വീണ്ടും സെൻറ്​ ജോർജ് കോട്ടയിലേക്ക്​

ചെന്നൈ: തമിഴ്​നാട്​ നിയമസഭ സമ്മേളനം വീണ്ടും ചരിത്രമുറങ്ങുന്ന സെൻറ്​ജോർജ്ജ്​ കോട്ടയിലേക്ക്​. പ്രതിദിന കോവിഡ് കേസുകളുടെ എണ്ണം കുറഞ്ഞ നിലയിലാണ്​ തീരുമാനം.

കോവിഡ്​ വ്യാപനത്തി​െൻറ പശ്ചാത്തലത്തിൽ ശാരീരിക അകലം പാലിക്കുന്നതി​െൻറ ഭാഗമായി നഗരത്തിലെ 'കലൈവാണർ അരങ്ക'ത്തിലാണ്​ താൽക്കാലികമായി നിയമസഭ സമ്മേളനം നടന്നിരുന്നത്​.

രണ്ടു വർഷത്തെ ഇടവേളയ്ക്കു ശേഷം 2022 ജനു.അഞ്ചിന്​ സെൻറ്​ ജോർജ് കോട്ടയിലെ പരമ്പരാഗത അസംബ്ലി ഹാളിൽ ഗവർണറുടെ നയപ്രഖ്യാപന പ്രസംഗത്തോടെയാണ്​ പുതുവർഷത്തെ ആദ്യ നിയമസഭ സമ്മേളനം നടക്കുക.

രാവിലെ 10 മണിക്ക് ഗവർണർ ആർ. എൻ രവി സഭയെ അഭിസംബോധന ചെയ്യുമെന്ന്​ സ്പീക്കർ എം. അപ്പാവു അറിയിച്ചു.നിയമസഭ സമ്മേളനം നടപടികൾ കടലാസ്​രഹിതമാക്കുന്നതി​െൻറ ഭാഗമായി എം.എൽ.എമാർക്ക്​ ടച്ച് സ്‌ക്രീൻ കമ്പ്യൂട്ടറുകൾ ലഭ്യമാക്കുമെന്നും അദ്ദേഹം പറഞ്ഞു. സെക്രട്ടറിയേറ്റ്​ പ്രവർത്തിക്കുന്നതും സെൻറ്​ ജോർജ്​ കോട്ടയിലാണ്​.