സി.പി.എം പാർട്ടി കോൺഗ്രസിലേക്ക്​ സ്റ്റാലിന്​ ക്ഷണം

ചെന്നൈ: ഏപ്രിൽ ഒമ്പതിന് കണ്ണൂരിൽ നടക്കുന്ന സി.പി.എമ്മിന്റെ 23-ാമത് പാർട്ടി കോൺഗ്രസിലേക്ക് ഡി.എം.കെ അധ്യക്ഷനും തമിഴ്​നാട്​ മുഖ്യമന്ത്രിയുമായ എം.കെ സ്റ്റാലിന്​ ക്ഷണം.

കേരള പിന്നോക്ക ക്ഷേമ മന്ത്രി കെ. രാധാകൃഷ്ണൻ ഞായറാഴ്ച അണ്ണാ അറിവാലയത്തിൽ വെച്ച് സ്റ്റാലിനെ നേരിൽകണ്ട്​ ക്ഷണ​പത്രിക നൽകി. തമിഴ്നാട് സി.പി.എം സെക്രട്ടറി കെ.ബാലകൃഷ്ണനോടൊപ്പമെത്തിയ മന്ത്രി മുഖ്യമന്ത്രിക്ക് സ്മരണികയായി കഥകളി പാവയും സമ്മാനിച്ചു.

തമിഴ്നാട് ജലവിഭവ മന്ത്രി ദുരൈമുരുകൻ, ഉന്നത വിദ്യാഭ്യാസ മന്ത്രി കെ. പൊൻമുടി തുടങ്ങിയവരും സന്നിഹിതരായിരുന്നു.