മുല്ലപ്പെരിയാർ: വിവാദ മരംമുറിക്കായി തമിഴ്​നാട്​ സു​പ്രീംകോടതിയിൽ

ന്യൂ​ഡ​ൽ​ഹി: മു​ല്ല​പ്പെ​രി​യാ​റി​ൽ ബേ​ബി ഡാ​മി​ന് സ​മീ​പ​ത്തെ മ​ര​ങ്ങ​ൾ മു​റി​ക്കാ​ൻ കേ​ര​ളം ന​ൽ​കി​യ അ​നു​മ​തി റ​ദ്ദാ​ക്കി​യ​ത്​ പു​നഃ​സ്ഥാ​പി​ച്ചു​കി​ട്ടാ​ൻ ത​മി​ഴ്നാ​ട് സു​പ്രീം​കോ​ട​തി​യി​ൽ എ​ത്തി. മു​ല്ല​പ്പെ​രി​യാ​ർ-​ബേ​ബി ഡാം ​അ​ണ​ക്കെ​ട്ടു​ക​ൾ ബ​ല​പ്പെ​ടു​ത്താ​നു​ള്ള ന​ട​പ​ടി​ക​ൾ​ക്ക് കേ​ര​ളം ത​ട​സ്സം നി​ൽ​ക്കു​ന്നു​വെ​ന്ന്​ ​ബോ​ധി​പ്പി​ച്ച ത​മി​ഴ്നാ​ട് 15 മ​ര​ങ്ങ​ൾ മു​റി​ക്കാ​ൻ അ​നു​മ​തി വേ​ണ​മെ​ന്ന് വ്യ​ക്ത​മാ​ക്കി.

മു​ല്ല​പ്പെ​രി​യാ​ർ അ​ണ​ക്കെ​ട്ട് വി​ഷ​യ​ത്തി​ൽ വി​ശ​ദ​മാ​യ വാ​ദം കേ​ൾ​ക്കാ​ൻ സു​പ്രീം​കോ​ട​തി തീ​രു​മാ​നി​ച്ചി​രി​ക്കെ​യാ​ണ് ത​മി​ഴ്നാ​ട് പു​തി​യ അ​പേ​ക്ഷ സ​മ​ർ​പ്പി​ച്ച​ത്. ബേ​ബി ഡാ​മി​ന് സ​മീ​പ​ത്തെ മ​ര​ങ്ങ​ൾ മു​റി​ക്കു​ന്ന​തി​ന്​ 2015 മേ​യ് മു​ത​ൽ കേ​ര​ള​ത്തോ​ട് നി​ര​ന്ത​രം അ​നു​മ​തി ആ​വ​ശ്യ​പ്പെ​ട്ട​ു​വ​രു​ന്ന​താ​ണെ​ന്ന്​ ഹ​ര​ജി​യി​ൽ ചൂ​ണ്ടി​ക്കാ​ട്ടി. ഓ​ൺ​ലൈ​നാ​യാ​ണ് 2015 മേ​യി​ൽ കേ​ര​ള​ത്തി​ന് അ​പേ​ക്ഷ അ​യ​ച്ച​ത്. വ​ള്ള​ക്ക​ട​വ് -മു​ല്ല​പ്പെ​രി​യാ​ർ വ​ന​മേ​ഖ​ല​യി​ലെ റോ​ഡ് അ​റ്റ​കു​റ്റ​പ്പ​ണി ന​ട​ത്താ​നും അ​നു​മ​തി തേ​ടി​യ​താ​ണ്.

എ​ന്നാ​ൽ, നി​ഷേ​ധാ​ത്മ​ക നി​ല​പാ​ടാ​ണ് കേ​ര​ളം സ്വീ​ക​രി​ച്ച​തെ​ന്ന്​ ത​മി​ഴ്​​നാ​ട്​ ആ​രോ​പി​ച്ചു. സു​പ്രീം​കോ​ട​തി വി​ധി​ കേ​ര​ളം പാ​ലി​ക്കു​ന്നി​ല്ലെ​ന്നും ബേ​ബി ഡാം ​ശ​ക്തി​പ്പെ​ടു​ത്താ​നു​ള്ള ന​ട​പ​ടി​ കേ​ര​ളം ത​ട​സ്സ​പ്പെ​ടു​ത്തു​ക​യാ​ണെ​ന്നും ആ​രോ​പ​ണം തു​ട​ർ​ന്നു. മേ​ൽ​നോ​ട്ട സ​മി​തി നി​ര​ന്ത​രം ആ​വ​ശ്യ​പ്പെ​ട്ടി​ട്ടും മ​രം​മു​റി​ക്ക് കേ​ര​ളം അ​നു​മ​തി നി​ഷേ​ധി​ക്കു​ന്നു. മ​ഴ​മാ​പി​നി സ്​​റ്റേ​ഷ​നി​ലെ വി​വ​ര​ങ്ങ​ൾ കേ​ര​ളം കൈ​മാ​റു​ന്നി​ല്ലെ​ന്നും ത​മി​ഴ്നാ​ട് പു​തി​യ അ​പേ​ക്ഷ​യി​ൽ ആ​രോ​പി​ച്ചു.