തമിഴ്​നാട്ടിൽ 527 പേർക്ക്​ കൂടി കോവിഡ്​; രോഗബാധിതരുടെ എണ്ണം 3550

ചെന്നൈ: തമിഴ്​നാട്ടിൽ തിങ്കളാഴ്​ച 527 പേർക്ക്​ കൂടി കോവിഡ്​ സ്​ഥിരീകരിച്ചു. ഇതോടെ സംസ്​ഥാനത്ത്​ രോഗം ബാധിച്ചവരുടെ എണ്ണം 3550 ആയി ഉയർന്നു. കഴിഞ്ഞ 24 മണിക്കൂറിനുള്ളിൽ ഒരു മരണം കൂടി റിപ്പോർട്ട്​ ചെയ്​തതോടെ സംസ്​ഥാനത്ത്​ മരിച്ചവരുടെ എണ്ണം 31 ആയി. ചെന്നൈയിലെ കോയ​േമ്പട്​ മൊത്തവ്യാപാര മാർക്കറ്റുമായി ബന്ധപ്പെട്ടാണ്​ പുതുതായി രോഗം സ്​ഥിരീകരിച്ചതിൽ അധികവും. 

രാജ്യത്തെ തന്നെ ഏറ്റവും വലിയ പഴം, പച്ചക്കറി മാർക്കറ്റായ കോയ​േമ്പട്​ കഴിഞ്ഞദിവസം ഹോട്ട്​സ്​പോട്ടായി പ്രഖ്യാപിച്ചിരുന്നു. 295 ഏക്കറോളം വ്യാപിച്ച്​ കിടക്കുന്ന മാർക്കറ്റിൽ 3000ത്തിൽ അധികം പഴം, പച്ചക്കറി കടകളാണുള്ളത്​. 

ചെന്നൈയിൽ മാത്രം 1724 പേർക്കാണ്​​ കോവിഡ്​ സ്​ഥിരീകരിച്ചത്​. 18 പേർ ഇവിടെ മരിക്കുകയും ചെയ്​തു. തമിഴ്​നാട്ടിലെ രോഗവ്യാപന മേഖലകളല്ലാത്ത സ്​ഥലങ്ങളിൽ ഭാഗികമായി ലോക്​ഡൗൺ പിൻവലിച്ചിരുന്നു. കഴിഞ്ഞദിവസം ഇതര സംസ്​ഥാന തൊഴിലാളികൾ നാട്ടിലേക്ക്​ മടങ്ങാൻ സൗകര്യം ഏർപ്പെടു​ത്തണമെന്ന്​ ആവശ്യപ്പെട്ട്​​ ചെന്നെ നഗരത്തിൽ പ്രതിഷേധ പ്രകടനം നടത്തുകയും ചെയ്​തിരുന്നു.