ഒ.പി.എസിന്‍റെ ഉപമുഖ്യമന്ത്രി സ്​ഥാനത്തിനെതിരായ ഹരജി മദ്രാസ്​ ഹൈകോടതി തള്ളി

ചെന്നൈ: അണ്ണാ ഡി.എം.കെ സർക്കാറിൽ ഉപമുഖ്യ​മന്ത്രിയായ ഒ. പന്നീർസെൽവത്തി​​​െൻറ സ്​ഥാനാരോഹണം ചോദ്യംചെയ്​ത്​ നൽകിയ ഹരജി മദ്രാസ്​ ഹൈകോടതി തള്ളി.  ഭരണഘടനയിൽ ഉപമുഖ്യമന്ത്രി സ്​ഥാനത്തെക്കുറിച്ച്​ പ്രതിപാദിക്ക​ാത്ത സാഹചര്യത്തിൽ ഉപമുഖ്യമന്ത്രിയായി നേരിട്ട്​ സത്യപ്രതി​ജ്​ഞ ചെയ്​തത്​ റദ്ദാക്കണമെന്ന്​ ചൂണ്ടിക്കാട്ടിയാണ്​ ചെന്നൈ സ്വദേശിയായ അഭിഭാഷകൻ വി. ഇള​േങ്കാളവൻ ഹരജി നൽകിയത്​. ഭരണഘടന പ്രകാരം മുഖ്യമന്ത്രി, മന്ത്രി എന്നീ രണ്ടു സ്​ഥാനങ്ങളെ സംബന്ധി​േച്ച​ പ്രതിപാദിക്കുന്നുള്ളൂവെന്നും ഹരജിക്കാരൻ വാദിച്ചു.

കേസ്​ പരിഗണിച്ച ചീഫ്​ ജസ്​റ്റിസ്​ ഇന്ദിര ബാനർജി, ജസ്​റ്റിസ്​ എം. സുന്ദർ എന്നിവരടങ്ങിയ ബെഞ്ച്​ സമാനമായ കേസുകളിൽ സുപ്രീംകോടതി വിധി ചൂണ്ടിക്കാട്ടിയാണ്​ ഹരജി തള്ളിയത്​. ഉപമുഖ്യമന്ത്രി എന്നത്​ മന്ത്രിക്ക്​ സമാനമാണെന്നും ഉപമുഖ്യമന്ത്രിയായി സത്യപ്രതി​ജ്​ഞ ചെയ്​തതുകൊണ്ട്​ റദ്ദാക്കാനാകില്ലെന്നും ഭരണഘടന വിരുദ്ധമല്ലെന്നും ബെഞ്ച്​ വ്യക്​തമാക്കി.

കെ.എം. ശർമ/  ദേവിലാൽ കേസിൽ 1990ൽ സുപ്രീംകോടതി ഉത്തരവും ദേവിദാസ്​ പവാർ, ഗോപിനാഥ്​ മു​​ണ്ടെ എന്നിവർ കക്ഷികളായ കേസിൽ ബോംബെ ഹൈകോടതിയുടെ 1996ലെ വിധിയും കോടതി ആധാരമാക്കി​. എം.എൽ.എയിൽനിന്ന്​ നേരിട്ട്​ ഉപമുഖ്യമന്ത്രി സ്​ഥാനത്തേക്കുള്ള പന്നീ​ർസെൽവത്തി​​​െൻറ സ്​ഥാനക്കയറ്റം നിയമങ്ങളെ തെറ്റായി വ്യാഖ്യാനിക്കുന്നതാ​െണന്ന്​ ഹരജിയിൽ ആരോപിച്ചിരുന്നു. മന്ത്രിസ്​ഥാനം നൽകിയ ശേഷമാണ്​ ഉപമുഖ്യമന്ത്രിയാക്കേണ്ടത്​. ഉപമുഖ്യമന്ത്രിയായി സ്ഥാനമേറ്റ്​ ഒാഫിസ്​ ഉപയോഗിക്കുന്നത്​ ഏതു വകുപ്പി​​​െൻറ അടിസ്​ഥാനത്തിലാണെന്നു വ്യക്​തമാക്കണമെന്നാവശ്യപ്പെട്ട്​ പന്നീർസെൽവത്തിന്​ നോട്ടീസ്​ അയക്കണമെന്നും ഹരജിക്കാരൻ ആവശ്യപ്പെട്ടിരുന്നു.