കേരളത്തി​െൻറ​ 20 ലക്ഷം ലിറ്റർ കുടിവെള്ളം ഒറ്റ തവണ; ദിവസവും തരാമോയെന്ന്​ തമിഴ്​നാട്​ മുഖ്യമന്ത്രി

ചെന്നൈ: ട്രെയിൻ മാർഗം ചെന്നൈയിലേക്ക്​ 20 ലക്ഷം ലിറ്റർ കുടിവെള്ളമെത്തിക്കാമെന്ന കേരളത്തി​​​െൻറ വാഗ്​ദാനം ഒറ് റത്തവണ മാത്രമാണെന്നും ദിവസവും 20 ലക്ഷം ലിറ്റർ വെള്ളം എത്തിച്ചു തരാനാവുമോയെന്ന്​ ചോദിച്ച്​ കേരളത്തിന്​ കത്തയക്കുമെന്നും തമിഴ്​നാട്​ മുഖ്യമന്ത്രി എടപ്പാടി പളനിസാമി. വെള്ളിയാഴ്​ച സെക്ര​േട്ടറിയറ്റിൽ ചേർന്ന ഉന്നതതലയോഗശേഷം വാർത്തലേഖകരോട്​ സംസാരിക്കുകയായിരുന്നു അദ്ദേഹം. കേരളം ഒറ്റത്തവണ അനുവദിക്കുന്ന 20 ലക്ഷം ലിറ്റർ വെള്ളം മതിയാവില്ല. ചെന്നൈ നഗരത്തിൽ ദിനംപ്രതി 5.25 കോടി ലിറ്റർ വെള്ളം വേണം. കേരളത്തിൽനിന്ന്​ പ്രതിദിനം 20 ലക്ഷം ലിറ്റർ വെള്ളം കിട്ടിയാൽ പ്രയോജനപ്പെടും.

കേരളത്തി​​​െൻറ സഹായ വാഗ്​ദാനത്തിൽ നന്ദി രേഖപ്പെടുത്തിയ മുഖ്യമന്ത്രി മറ്റു ചില വിഷയങ്ങളിലും അനുകൂല നിലപാട്​ വേണമെന്ന്​ അഭ്യർഥിച്ചു. മുല്ലപ്പെരിയാർ ഡാമിലെ ജലനിരപ്പ്​ 152 അടിയായി ഉയർത്താമെന്ന്​ സുപ്രീംകോടതി ഉത്തരവിട്ടിരുന്നു. ഇതി​​​െൻറ ഭാഗമായി 7.85 കോടി രൂപ ചെലവിൽ മൂന്നു വർഷം മു​േമ്പ പണി തുടങ്ങിയെങ്കിലും കേരള സർക്കാറി​​​െൻറ ഇടപെടലുകൾമൂലം തടസ്സപ്പെട്ടിരിക്കുകയാണ്​. തമിഴ്​നാട്ടിലെ തേനി ഉൾപ്പെടെ അഞ്ച്​ ജില്ലകൾ മുല്ലപ്പെരിയാർ ഡാമിലെ വെള്ളത്തെയാണ്​ ആശ്രയിക്കുന്നത്​. ഇടമലയാർ പദ്ധതി നിർമാണം പൂർത്തിയായിട്ടും എൻ.ഒ.സി നൽകാൻ കേരളം തയാറായിട്ടില്ല. ഇതുകാരണം ആനമലയാർ-നീരാർ- നല്ലാർ പദ്ധതി പ്രാവർത്തികമാക്കാൻ തമിഴ്​നാടിന്​ കഴിയുന്നില്ല. ഇത്തരം വിഷയങ്ങളിൽ കേരള സർക്കാർ അനുകൂല നിലപാട്​ സ്വീകരിക്കുമെന്നാണ്​ പ്രതീക്ഷ​. തമിഴ്​നാടിനെ സംബന്ധിച്ച്​ ഒാരോ തുള്ളിവെള്ളവും അമൂല്യമാണെന്നും മുഖ്യമന്ത്രി അഭിപ്രായപ്പെട്ടു.

കേരളത്തി​​​െൻറ വാഗ്​ദാനം നിരസിച്ച തമിഴ്​നാട്​ സർക്കാറി​​​െൻറ നിലപാടിനെതിരെ സംസ്​ഥാനത്ത്​ വ്യാപക പ്രതിഷേധമാണ്​ ഉയർന്നത്​. കേരളത്തി​​​​െൻറ വാഗ്​ദാനം സ്വീകരിക്കാത്ത തമിഴ്​നാട്​ സർക്കാറിനെ ഡി.എം.​െക അധ്യക്ഷൻ എം.കെ. സ്​റ്റാലിൻ രൂക്ഷമായി വിമർശിച്ചു. കേരള മുഖ്യമന്ത്രിക്ക്​ പ്രതിപക്ഷ നേതാവ്​ കൂടിയായ സ്​റ്റാലിൻ നന്ദി അറിയിച്ചതും കേരളവുമായി സഹകരിച്ച്​ പ്രവർത്തിക്കാൻ തമിഴ്​നാട്​ സർക്കാർ തയാറാവണമെന്ന്​ ആവശ്യപ്പെട്ടതും പളനിസാമി സർക്കാറിനെ പ്രതിക്കൂട്ടിലാക്കിയിരുന്നു. കേരളത്തി​​​െൻറ 20 ലക്ഷം ലിറ്റർ കുടിവെള്ള സഹായ വാഗ്​ദാനം നിരസിച്ചത്​ ‘ഒറ്റത്തവണ’ ആയതിനാലാണെന്ന്​ തമിഴ്​നാട്​ തദ്ദേശമന്ത്രി എസ്​.പി. വേലുമണി നേര​േത്ത വ്യക്തമാക്കിയിരുന്നു.

ചെന്നൈയിലേക്ക്​ ജോലാർപേട്ടയിൽനിന്ന്​ ട്രെയിൻമാർഗം വെള്ളമെത്തിക്കും
ചെന്നൈ: നിലവിലുള്ള ജലക്ഷാമം പരിഹരിക്കുന്നതി​​​െൻറ ഭാഗമായി ജോലാർപേട്ടയിൽനിന്ന്​ ചെന്നൈയിലേക്ക്​ പ്രതിദിനം 10 ദശലക്ഷം ലിറ്റർ വെള്ള​െമത്തിക്കുമെന്ന്​ തമിഴ്​നാട്​ മുഖ്യമന്ത്രി എടപ്പാടി പളനിസാമി അറിയിച്ചു. ഇത്തരത്തിൽ ആറു മാസത്തേക്ക്​ വെല്ലൂർ ജില്ലയിലെ ജോലാർപേട്ടയിൽനിന്ന്​ ട്രെയിൻ വാഗണുകളിൽ വെള്ളം കൊണ്ടുവരും. ഇതിനായി 65 കോടി രൂപ വകയിരുത്തി. കുടിവെള്ള പ്രശ്​നം ചർച്ചചെയ്യാൻ സെക്ര​േട്ടറിയറ്റിൽ ചേർന്ന മന്ത്രി-ഉദ്യോഗസ്ഥതല യോഗത്തിനുശേഷം വാർത്തസമ്മേളനത്തിൽ സംസാരിക്കുകയായിരുന്നു മുഖ്യമന്ത്രി.

മഴ ശരാശരിക്കും ഏറെ താഴെ ലഭിച്ചതിനാൽ ഭൂഗർഭ ജലനിരപ്പ്​ കുറഞ്ഞു. ചെന്നൈ നഗരത്തിന്​ പരമാവധി വെള്ളമെത്തിക്കാനാണ്​ ശ്രമിക്കുന്നത്​. ചെന്നൈ നഗരത്തി​​​െൻറ മുഖ്യ ജലസ്രോതസ്സുകളായ ചെങ്കുൺറം, ചെമ്പരപാക്കം, പൂണ്ടി, ചോളവരം എന്നീ നാല്​ ജലാശയങ്ങളും വറ്റി​. ആന്ധയിൽനിന്നുള്ള കൃഷ്​ണ നദീജലവും മുടങ്ങിയിരിക്കയാണ്​. 12 ടി.എം.സിക്ക്​ പകരം രണ്ട്​ ടി.എം.സി മാത്രമാണ്​ കിട്ടിയത്​. കാവേരി നദീജല അതോറിറ്റി 9.19 ടി.എം.സി ജലം തമിഴ്​നാടിന്​ വിട്ടുകൊടുക്കാൻ നിർദേശിച്ചിട്ടും കർണാടക തയാറായിട്ടില്ല.

ഇതുമായി ബന്ധപ്പെട്ട്​ അതോറിറ്റിയിൽ തമിഴ്​നാടി​​​െൻറ സമ്മർദം തുടരും. മുഖ്യമന്ത്രി ഉൾപ്പെടെ മന്ത്രിമാരുടെ വസതികളിലേക്ക്​ ലോറികളിൽ വെള്ളമെത്തിക്കുന്നതായ വാർത്തകൾ അടിസ്​​ഥാനരഹിതമാണ്​. ടാങ്കർ ലോറികളിൽ വിതരണം ചെയ്യുന്ന വെള്ളത്തിന്​ കൂടുതൽ നിരക്ക്​ ഇൗടാക്കുന്നതുമായി ബന്ധപ്പെട്ട്​ ടാങ്കർ ലോറി ഉടമ സംഘവുമായി ചർച്ച നടത്തുമെന്നും അദ്ദേഹം അറിയിച്ചു.

മഴ: അണ്ണാ ഡി.എം.കെയുടെ ആഭിമുഖ്യത്തിൽ തമിഴ്​നാട്ടിൽ യാഗപൂജ
ചെന്നൈ: മഴ പെയ്യുന്നതിനുവേണ്ടി അണ്ണാ ഡി.എം.കെയുടെ ആഭിമുഖ്യത്തിൽ ശനിയാഴ്​ച സംസ്​ഥാനമൊട്ടുക്കും യാഗപൂജകൾ സംഘടിപ്പിക്കാൻ പാർട്ടി കോ ഒാഡിനേറ്റർ ഒ.പന്നീർശെൽവം, ജോ. കോ ഒാഡിനേറ്റർ എടപ്പാടി പളനിസാമി എന്നിവർ സംയുക്ത പ്രസ്​താവനയിൽ ആവശ്യപ്പെട്ടു. അതാത്​ ജില്ലകളിലെ പ്രധാന ക്ഷേത്രത്തിലാണ്​ യാഗപൂജ നടത്തുക. ഇതിൽ മന്ത്രിമാരും ജനപ്രതിനിധികളും പാർട്ടി ഭാരവാഹികളും പ്രവർത്തകരും പ​െങ്കടുക്കണമെന്ന്​ നിർദേശിച്ചിട്ടുണ്ട്​. ജലക്ഷാമം നേരിടുന്നതിൽ തമിഴ്​നാട്​ സർക്കാറി​​​െൻറ അനാസ്​ഥയിൽ പ്രതിഷേധിച്ച്​ ശനിയാഴ്​ച ഡി.എം.കെ മുന്നണിയുടെ നേതൃത്വത്തിൽ പ്രക്ഷോഭ പരിപാടികൾ നടക്കാനിരിക്കെയാണ്​ അണ്ണാ ഡി.എം.കെ യാഗപൂജകൾ നടത്താൻ തീരുമാനിച്ചത്​.