മന്ത്രവാദം; തീയുടെ മുകളിൽ തലകീഴായി കെട്ടിത്തൂക്കിയ പിഞ്ചു കുഞ്ഞിന്റെ കാഴ്ച നഷ്ടമായി
text_fieldsശിവപുരി: മധ്യപ്രദേശിലെ ശിവപുരിയിൽ മന്ത്രവാദത്തിനിടെ ആറുമാസം പ്രായമുള്ള ആൺ കുഞ്ഞിന്റെ കാഴ്ച നഷ്ടമായി. ചടങ്ങിന്റെ ഭാഗമായി തീയുടെ മുകളിൽ കുഞ്ഞിനെ തലകീഴായി കെട്ടിത്തൂക്കിയതാണ് അപകടത്തിന് കാരണമായതെന്ന് പൊലീസ് അറിയിച്ചു. അസ്വസ്ഥതകൾ പ്രകടിപ്പിച്ചതിനെ തുടർന്ന് രക്ഷിതാക്കൾ വ്യാഴാഴ്ച കുഞ്ഞിനെ മന്ത്രവാദിയുടെയടുത്ത് എത്തിക്കുകയായിരുന്നു. കുട്ടിയെ അദൃശ്യശക്തികൾ വേട്ടയാടുന്നുണ്ടെന്ന് പറഞ്ഞ ഇയാൾ പ്രതിവിധിക്കെന്നും പറഞ്ഞ് തീയുടെ മുകളിൽ തലകീഴായി കെട്ടിത്തൂക്കുകയായിരുന്നു. കുഞ്ഞ് നിലവിളിച്ച് കരയുമ്പോഴും രക്ഷിതാക്കൾ നോക്കിനിൽക്കുകയായിരുന്നു. കൂഞ്ഞിനെ ആശുപത്രിയിൽ പ്രവേശിപ്പിച്ചതിനെ തുടർന്നാണ് വിവരം പുറത്തറിഞ്ഞത്.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.