തെലുഗു ദേശം പാർട്ടി സ്​ഥാനാർഥിയുടെ ഓഫീസിലും റെയ്​ഡ്​

ഹൈദരാബാദ്​: തെരഞ്ഞെടുപ്പിന്​ മുന്നോടിയായി ആദായ നികുതി വകുപ്പ്​ നടത്തുന്ന റെയ്​ഡ്​ തുടരുന്നു. ഇത്തവണ തെലുഗു ദേശം പാർട്ടിയുടെ ആ​​ന്ധ്ര ഗുണ്ടൂർ സ്​ഥാനാർഥിയുടെ ഓഫീസിലാണ്​ റെയ്​ഡ്​ നടന്നത്​. പാർട്ടി എം.എൽ.എ കൂടിയായ ഗല്ല ജയദേവിൻെറ ഓഫീസിൽ ചൊവ്വാഴ്​ച അർധരാത്രിയാണ്​ ആദായ നികുതി വകുപ്പ്​ റെയ്​ഡ്​ നടത്തിയത്​.

കോടീശ്വരനായ ഗല്ല ജയദേവ്​ അമര രാജ ഗ്രൂപ്പി​​​െൻറ മാനേജിങ്​ ഡയറക്​ടറാണ്​. 2014 ലാണ്​ ജയദേവ്​ ആദ്യമായി തെരഞ്ഞെടുപ്പിൽ മത്​സരിച്ചത്​. അന്ന്​ 680 കോടിയുടെ സ്വത്തു​െണ്ടന്നായിരുന്നു അദ്ദേഹം വ്യക്​തമാക്കിയിരുന്നത്​. ഓഫീസിൽ ​െറയ്​ഡ്​ നടന്നതിന്​ പിറകെ ജയദേവും ടി.ഡി.പി നേതാക്കളും ഗുണ്ടൂരിലെ പട്ടാഭിപുരത്ത്​ പ്രതിഷേധമിരുന്നു.

തെരഞ്ഞെടുപ്പിനെ​ സ്വാധീനിക്കുന്നതിനായി പ്രധാനമന്ത്രി മോദിയാണ്​ തന്നെയും ടി.ഡി.പിയെയും ലക്ഷ്യമിടുന്നതെന്ന്​ ഗല്ല ആരോപിച്ചു. ഇത്​ അടിയന്തരാവസ്​ഥയിലേക്കും ഫാസിസത്തിലേക്കും നയിക്കുമെന്നും ജയദേവ്​ പറഞ്ഞു.