പുനെ ഇൻഫോടെക്​ പാർക്​ ജീവനക്കാരൻ ഫ്ലാറ്റിൽ ആത്​മഹത്യ ചെയ്​തു

പുനെ: ഹിൻജെവാഡെ രാജീവ്​ ഗാന്ധി ഇൻഫോടെക്​പാർക്കിൽ ഒരു മരണം കൂടി. ഇൻഫോടെക്​പാർക്കിലെ ടാറ്റാ കൺസൾട്ടൻസി സർവീസ്​ ജീവനക്കാരനായ അഭിഷേക്​ കുമാർ(23) ഫ്ലാറ്റിലെ ഫാനിൽ തൂങ്ങി മരിച്ചു.

സോഫ്​റ്റ്​വേർ എഞ്ചിനീയറായ​ അഭി​േഷക്​ കാൺപൂർ സ്വദേശിയാണ്​. വ്യാഴാഴ്​ച ഉച്ചക്കാണ്​ സംഭവം. ഒരേ മുറിയിൽ കഴിയുന്ന കൂട്ടുകാരോടൊപ്പം സംസാരിച്ചിരിക്കുന്നതിനിടെ ഉറങ്ങണമെന്ന്​ പറഞ്ഞ്​ അഭിഷേക്​ റൂമിൽ പോയി വാതിൽ അടച്ച്​ കുറ്റിയിട്ടു. കുറച്ച്​ സമയത്തിനുശേഷം ഇവരു​െട മറ്റൊരു സുഹൃത്ത്​ ഫോണിൽ വിളിച്ച്​ അഭിഷേക്​ ആത്​മഹത്യ ചെയ്​തുവെന്ന് ​അറിയിക്കുകയായിരുന്നു. തുടർന്ന്​ റൂമി​​െൻറ ജനവാതിലിലൂടെ നോക്കിയ സുഹൃത്തുക്കൾ കണ്ടത്​ ഫാനിൽ തൂങ്ങി നിൽക്കുന്ന അഭിഷേകിനെയാണ്​. അടുത്ത ആശുപത്രിയിലെത്തിച്ചപ്പോഴേക്കും മരിച്ചിരുന്നു.

അഭിഷേക്​ സുഹൃത്തിന്​ ആത്​മഹത്യാ കുറിപ്പോ ഫോ​േട്ടായോ അയച്ചിട്ടുണ്ടെന്നാണ് ​പൊലീസ്​ കരുതുന്നത്​. പ്രണയ ബന്ധം തകർന്നതു മൂലം നിരാശനായിരുന്നു അഭിഷേക്​ എന്നാണ്​ പ്രാഥമികാന്വേഷണത്തിൽ നിന്ന്​ വ്യക്​തമായത്​. എന്നാൽ ആത്​മഹത്യാ കുറിപ്പൊന്നും സംഭവസ്​ഥലത്തുനിന്ന്​ ലഭിച്ചിട്ടില്ലെന്ന്​ പൊലീസ്​ അറിയിച്ചു. സുഹൃത്തുക്കളുടെ മൊഴിയെടുക്കുന്നുണ്ട്​. അഭിഷേകി​​െൻറ ഫോൺ പരി​േശാധിച്ചു വരികയാണെന്നും പൊലീസ്​ പറഞ്ഞു.

പോസ്​റ്റ്​ മോർട്ടത്തിന്​ ശേഷം മൃതദേഹം ബന്ധുക്കൾക്ക്​ വിട്ടുകൊടുത്തു. ഇൗആഴ്​ച രാജീവ്​ ഗാന്ധി ഇൻഫോടെക്ക്​പാർക്കിലെ മരണമടയുന്ന രണ്ടാമത്തെ ​ജീവനക്കാരനാണ്​ അഭിഷേക്​. ​കഴിഞ്ഞദിവസം ഇൻഫോസിസ്​ ജീവനക്കാരിയായ കോഴിക്കോട്​ സ്വദേശി രസിലയെന്ന യുവതി കൊല്ല​െപ്പട്ടിരുന്നു.