മൂന്നാം ക്ലാസുകാരിയെ ലൈംഗികമായി പീഡിപ്പിച്ച അധ്യാപകൻ അറസ്റ്റിൽ

ന്യൂഡൽഹി: സർക്കാർ സ്കൂളിലെ 40കാരൻ അധ്യാപകൻ വിദ്യാർഥിനിയെ ലൈംഗികമായി പീഡിപ്പിച്ചതിന് അറസ്റ്റിലായി. കിഴക്കൻ ഡൽഹിയിലെ സ്‌കൂളിലെ കായികാധ്യാപകനാണ് അറസ്റ്റിലായത്.

എട്ടു വയസ്സുകാരിയെ പ്രലോഭിപ്പിച്ച് സ്കൂളിലെ ആളൊഴിഞ്ഞ ഭാഗത്തേക്ക് കൊണ്ടുപോയാണ് ഇയാൾ പീഡനത്തിനിരയാക്കിയത്. 2016 മുതൽ ഇയാൾ ജോലി ചെയ്യുന്ന സ്കൂളാണിത്.

ദിവസങ്ങൾക്ക് ശേഷം കുട്ടിയുടെ പെരുമാറ്റത്തിൽ മാറ്റം കണ്ടത് മാതാവ് ശ്രദ്ധിച്ചതോടെയാണ് സംഭവം പുറത്തറിഞ്ഞത്. ഉടൻ മാതാപിതാക്കൾ പൊലീസിൽ പരാതി നൽകുകയായിരുന്നു.