പ്ലസ്​ വൺ വിദ്യാർഥി​െയ സഹപാഠിയും സുഹൃത്തുക്കളും ചേർന്ന്​ ബലാത്​സംഗം ചെയ്​തു

ഗ്രേറ്റർ നോയിഡ: വീട്ടിനു മുന്നിൽ ഇറക്കാ​െമന്ന്​ വാഗ്​ദാനം ചെയ്​ത്​ പ്ലസ്​ വൺ വിദ്യാർഥിയെ കാറിൽ കയറ്റി സഹപാഠിയും സുഹൃത്തുക്കളും ബലാത്​സംഗം ചെയ്​തു. ഗ്രേറ്റർ നോയിഡയിൽ ഒരാഴ്​ച മുമ്പാണ്​ സംഭവം. മണിക്കൂറുകളോളം കാറിൽ കൂട്ട ബലാത്​സംഗം ചെയ്​ത ശേഷം പെൺകുട്ടിയെ റോഡിൽ തള്ളി. സംഭവത്തിൽ പ്ലസ്​ വൺ വിദ്യാർഥികളെ പിന്നീട്​ പൊലീസ്​ അറസ്​റ്റ്​ ചെയ്​തു.  

കഴിഞ്ഞ ബുധനാഴ്​ചയാണ്​ സംഭവം. 16 കാരിയായ പെൺകുട്ടി ക്ലാസ്​ കഴിഞ്ഞ്​ പുറത്തിറങ്ങാൻ അൽപ്പം വൈകിയതിനാൽ​ സ്​കൂൾ ബസ്​ കിട്ടിയില്ല. വീട്ടിലേക്ക്​ നടന്നു​ പോകുന്നതിനി​െടയാണ്​ സഹപാഠിയും സുഹൃത്തുക്കളും കാറിൽ വന്നത്​. കാർ നിർത്തിയ സുഹൃത്തുക്കൾ വീടിനു മുന്നിൽ ഇറക്കാമെന്ന്​ പറഞ്ഞു. കൂട്ടുകാരുടെ വാക്ക്​ വിശ്വസിച്ച്​ പെൺകുട്ടി കാറിൽ കയറുകയായിരുന്നു. 

കാറിൽ വച്ച് മയക്കുമരുന്ന്​ ചേർത്ത പാനീയം നിർബന്ധിച്ച്​ കുടിപ്പിച്ച ശേഷം വായ്​ മൂടിക്കെട്ടി കൂട്ട ബലാത്​സംഗം െചയ്യുകയായിരുന്നു. കാണാതായി മണിക്കൂറുകൾക്ക്​ ശേഷം വിജനമായ റോഡരികിൽ അബോധാവസ്​ഥയിലാണ്​ പൊലീസ്​ പെൺകുട്ടിയെ കണ്ടെത്തിയത്​. പ്രതികളിൽ മൂന്നാമൻ ഒളിവിലാണ്​.