തേജസ്വിക്കു പിറകെ തേജ്​ പ്രതാപി​െനതിരെയും അഴിമതി ആരോപണം

പാട്​ന: തേജസ്വി യാദവിനു പിറകെ ലാലു പ്രസാദ്​ യാദവി​​െൻറ മൂത്ത പുത്രൻ തേജ്​ പ്രതാപിനെതി​െരയും അഴിമതി ആരോപണം. പാട്​ന മൃഗശാലയിൽ നടപ്പാത നിർമിക്കാൻ​ മണ്ണടിപ്പിച്ചതിൽ അഴിമതിയു​െണ്ടന്നാണ്​ ആരോപണം. ആരോപണത്തെക്കുറിച്ച്​ അന്വേഷിച്ച്​ ആറാഴ്​ചക്കുള്ളിൽ റിപ്പോർട്ട്​ നൽകണമെന്ന്​ പാട്​ന ഹൈകോടതി ബിഹാർ സർക്കാറിനോട്​ ആവശ്യപ്പെട്ടു. 

നിതീഷ്​ കുമാർ സർക്കാറിൽ വനം മന്ത്രിയായിരിക്കെ തേജ്​ പ്രതാപ്​ പാട്​ന മൃഗശാലയിൽ​ നടപ്പാത നിർമിക്കാൻ മണ്ണടിച്ചത്​ അനധികൃതമായാണ്​ എന്നാണ്​ ആരോപണം. പാട്​നയിൽ തേജസ്വി യാദവി​​െൻറ ഉടമസ്​ഥതയിലുള്ള ഭൂമിയിൽ മാൾ പണിയുന്നതിനായി കുഴിച്ചെടുത്ത മണ്ണാണ്​ മൃഗശാലയി​െല നടപ്പാതക്കായി വാങ്ങിയത്​. ടെൻഡർ വിളിക്കാതെ നേരിട്ട്​ ക്വ​േട്ടഷൻ സ്വീകരിച്ചാണ്​ മണ്ണ്​ വാങ്ങിയതെന്നും ആരോപണമുണ്ട്​. 

ബിഹാർ സർക്കാറി​െല ഉപമുഖ്യമന്ത്രിയും വനം മന്ത്രിയുമായ സുശീൽ കുമാർ മോദിയാണ്​ ആരോപണം ഉന്നയിച്ചിരിക്കുന്നത്​. മൃഗശാലക്കുള്ളിൽ നടപ്പാത ആവശ്യമുണ്ടോ എന്ന കാര്യം അന്വേഷിക്കാനും മന്ത്രി ഉത്തരവിട്ടിട്ടുണ്ട്​. 

എന്നാൽ ടെൻഡർ വിളിച്ചിട്ടി​െല്ലങ്കിലും അഞ്ചു വിവിധ ക്വ​േട്ടഷനുകൾ ഉണ്ടായിരു​െന്നന്ന്​ ഒരു ഉദ്യോഗസ്​ഥൻ പറഞ്ഞു. ക്വ​േട്ടഷനുകൾ തമ്മിൽ 100 രൂപയു​െട വ്യത്യാസം മാത്രമേ ഉണ്ടായിരുന്നുള്ളൂ. അതിനർഥം അഴിമതി നടന്നി​ട്ടി​െല്ലന്നാണെന്നും അദ്ദേഹം പറഞ്ഞു. നേരത്തെ, ലാലു പ്രസാദും നിതീഷും സഖ്യത്തിലായിരുന്നപ്പോൾ നടന്ന അ​​േന്വഷണത്തിൽ അഴിമതി കണ്ടെത്തിയിരുന്നി​െല്ലന്നും ഉദ്യോഗസ്​ഥർ പറയുന്നു.