മോദിയുടെ തൊലിയുരിച്ച്​ കളയുമെന്ന്​ ലാലുവി​െൻറ മകൻ

ന്യൂഡൽഹി: ആർ.ജെ.ഡി നേതാവ് ലാലു പ്രസാദ്​ യാദവി​​െൻറ സെഡ്​ പ്ലസ്​ സുരക്ഷാ പിൻവലിച്ചതിനെ രൂക്ഷ ഭാഷയിൽ വിമർശിച്ച്  മകൻ തേജ്​ പ്രതാപ്​ യാദവ്. പ്രധാനമന്ത്രി നരേ​ന്ദ്ര മോദിയുടെ തൊലിയുരിച്ച്​ കളയുമെന്ന്​​ തേജ്​ പ്രതാപ്​ ഭീഷണി മുഴക്കി. ഈ നടപടി ലാലുവി​െന വധിക്കാനുള്ള ഗൂഢാലോചനയാണെന്ന​ും ഇതിനുള്ള അർഹമായ മറുപടി നൽകുമെന്നും അദ്ദേഹം പറഞ്ഞു.   

ലാലുവി​​െൻറ സുരക്ഷ പിൻവലിച്ചതിലൂടെ​ കേന്ദ്രത്തി​​െൻറ വൃത്തികെട്ട രാഷ്​ട്രീയമാണ്​ കാണാനായത്. ആർ.ജെ.ഡി നേതാവിന്​​ എന്ത്​ സംഭവിച്ചാലും അതി​​െൻറ ഉത്തരവാദിത്തം മോദിക്കും നിതീഷ്​ കുമാറിനുമായിരിക്കുമെന്നും ​തേജ്​ പ്രതാപ് കൂട്ടിച്ചേർത്തു.

രാജ്യത്തിലെ വി​.െഎ.പികൾ നേരിടുന്ന സുരക്ഷാ ഭീഷണി വ്യാപകമായി പരിശോധിച്ച് അവർക്ക്​​ നൽകി വരുന്ന സുരക്ഷാ സംവിധാനത്തിൽ മാറ്റം വരുത്തുന്നതി​​െൻറ ഭാഗമായാണ്​ ലാലുവി​​െൻറ സെഡ്​ പ്ലസ്​ കാറ്റഗറി സുരക്ഷ പിൻവലിച്ച്​ സെഡ്​ കാറ്റഗറിയാക്കി ചുരുക്കാൻ​ കേന്ദ്ര ആഭ്യന്തര മന്ത്രാലയം തീരുമാനിച്ചത്​.  

നേരത്തെ എൻ.എസ്​.ജി കമാ​ൻഡോസി​​െൻറ സുരക്ഷാ സന്നാഹമുണ്ടായിരുന്ന ലാലുവിന്​ ഇനിമുതൽ സെൻട്രൽ റിസർവ്​ ​പൊലീസി​​െൻറ സായുധ സേനയുടെ സുരക്ഷയാണ്​ ലഭിക്കുക.