കെ.സി.ആറിന്റെ ഗജ് വേലിൽ റാലിക്ക് കൂലി

രാ​ജേ​ന്ദ്ര​യു​ടെ വീ​ട്‌ തീ​രേ ചെ​റു​താ​ണ്‌. അ​ഞ്ചു​പേ​ർ​ക്ക്‌ ക​ഷ്ടി​ച്ച്‌ കി​ട​ന്നു​റ​ങ്ങാ​ൻ മാ​ത്രം വ​ലു​പ്പ​മു​ള്ള​ത്‌. ‘കു​റ​ച്ച്‌ വ​ർ​ഷ​ങ്ങ​ൾ​ക്ക്‌ മു​മ്പ് ഞ​ങ്ങ​ൾ ഇ​ങ്ങ​നെ​യാ​യി​രു​ന്നി​ല്ല. അ​ൽ​പം കൃ​ഷി​ഭൂ​മി​യും ക​ന്നു​കാ​ലി​യു​മൊ​ക്കെ ഉ​ണ്ടാ​യി​രു​ന്നു. മ​ല്ല​ണ്ണ സാ​ഗ​ർ ലി​ഫ്റ്റ് ഇ​റി​ഗേ​ഷ​ൻ പ​ദ്ധ​തി​ക്കാ​യി ഭൂ​മി വി​ട്ടു​ന​ൽ​കേ​ണ്ടി​വ​ന്നു.

സ​ർ​ക്കാ​ർ അ​പ്പോ​ൾ ന​ൽ​കി​യ വാ​ഗ്‌​ദാ​ന​ങ്ങ​ളൊ​ന്നും ഇ​തു​വ​രെ യാ​ഥാ​ർ​ഥ്യ​മാ​യി​ല്ല. ഞാ​ൻ ഇ​വ​രെ​യും കൂ​ട്ടി ഇ​ങ്ങോ​ട്ടു​പോ​ന്നു. ഇ​വി​ടെ​യാ​കു​മ്പോ​ൾ എ​ന്തെ​ങ്കി​ലും ജോ​ലി​യെ​ങ്കി​ലും തി​ര​യാം’. ര​സ​ത​ന്ത്ര​ത്തി​ൽ ബി​രു​ദാ​ന​ന്ത​ര ബി​രു​ദ​ധാ​രി​യാ​ണ്‌ രാ​ജേ​ന്ദ്ര.

ഭാ​ര്യ​യും അ​ച്ഛ​നും അ​മ്മ​യും ര​ണ്ട്​ കു​ട്ടി​ക​ളും ചേ​ർ​ന്ന​താ​ണ്​ രാ​ജേ​ന്ദ്ര​യു​ടെ കു​ടും​ബം. മ​ല്ല​ണ്ണ സാ​ഗ​ർ പ​ദ്ധ​തി​യു​ടെ ഭാ​ഗ​മാ​യി സൃ​ഷ്ടി​ച്ച പു​ന​ര​ധി​വാ​സ കോ​ള​നി​യാ​ണ്‌ ഗ​ജ്‌​വേ​ലി​ന​ടു​ത്ത്‌ മു​ത് രാ​ജ്‌ പ​ള്ളി. അ​മ​ർ​ഷം അ​ഗ്നി​പ​ർ​വ​തം​പോ​ലെ പു​ക​യു​ന്ന 11,000 വോ​ട്ട​ർ​മാ​രു​ടെ ഗ്രാ​മം.

2022ൽ 7740 ​കോ​ടി ചെ​ല​വ​ഴി​ച്ച് ആ​രം​ഭി​ച്ച മ​ല്ല​ണ്ണ സാ​ഗ​ർ ലി​ഫ്റ്റ് ഇ​റി​ഗേ​ഷ​ൻ പ​ദ്ധ​തി രാ​ജ്യ​ത്തെ​ത​ന്നെ വ​ലി​യ റി​സ​ർ​വോ​യ​റു​ക​ളി​ൽ ഒ​ന്നാ​ണ്. പ​ദ്ധ​തി​ക്കാ​യി രാ​ജേ​ന്ദ്ര അ​ട​ക്കം 3000 കു​ടും​ബ​ങ്ങ​ള​ട​ങ്ങി​യ 14 ഗ്രാ​മ​ങ്ങ​ൾ പ​ദ്ധ​തി​ക്കാ​യി ഭൂ​മി വി​ട്ടു​ന​ൽ​കി​യി​രു​ന്നു.

ഏ​ക്ക​റി​ന് 6.5 ല​ക്ഷം മു​ത​ൽ 11 ല​ക്ഷം രൂ​പ വ​രെ വി​ല, വീ​ടി​ന് 250 ച​തു​ര​ശ്ര അ​ടി പ്ലോ​ട്ട്, അ​ഞ്ചു ല​ക്ഷം രൂ​പ​യു​ടെ വി​വാ​ഹ പാ​ക്കേ​ജ്, ഉ​പ​ജീ​വ​ന​ത്തി​നാ​യി നാ​ല് ക​ന്നു​കാ​ലി​ക​ൾ, മ​ത്സ്യ​ബ​ന്ധ​ന അ​വ​കാ​ശം, പ​ശു​പ​രി​പാ​ല​ന​ത്തി​നു​ള്ള 200 ഏ​ക്ക​ർ ഭൂ​മി എ​ന്നി​വ​യാ​യി​രു​ന്നു സ​ർ​ക്കാ​ർ വാ​ഗ്ദാ​നം. നാ​ളി​തു​വ​രെ, മി​ക്ക​വ​ർ​ക്കും വാ​ഗ്ദാ​നം​ചെ​യ്ത ന​ഷ്ട​പ​രി​ഹാ​രം ല​ഭി​ച്ചി​ട്ടി​ല്ല.

എ​ര​വ​ള്ളി, സി​ൻ​ഗ്രാ​റം, എ​ട്ടി​ഗ​ദ്ധ​കി​ഷ്ടാ​പൂ​ർ, വെ​മൂ​ല​ഘ​ട്ട്, പ​ല്ലേ​പ​ഹാ​ഡ്, രാം​പു​ർ, ല​ക്ഷ്മാ​പു​ർ എ​ന്നീ എ​ട്ട്​ ഗ്രാ​മ​ങ്ങ​ൾ നി​ന്നി​ടം ഇ​ന്ന്​ മ​ല്ല​ണ്ണ സാ​ഗ​ർ റി​സ​ർ​വോ​യ​റി​ന്​​ അ​ടി​യി​ലാ​ണ്. സ​മാ​ന​മാ​ണ്‌ ഏ​താ​നും കി​ലോ​മീ​റ്റ​റു​ക​ൾ അ​ക​ലെ, കൊ​ണ്ട പോ​ച്ച​മ്മ റി​സ​ർ​വോ​യ​റി​നാ​യി കു​ടി​യൊ​ഴി​പ്പി​ക്ക​പ്പെ​ട്ട 1100ല​ധി​കം കു​ടും​ബ​ങ്ങ​ൾ ഉ​ൾ​പ്പെ​ടു​ന്ന ആ​റ് ഗ്രാ​മ​ങ്ങ​ളു​ടെ​യും ക​ഥ.

സം​ഗ​റെ​ഡ്ഡി, സി​ദ്ദി​പേ​ട്ട്, ഭു​വ​ന​ഗി​രി ജി​ല്ല​ക​ളി​ലെ ജ​ല​സേ​ച​നം ല​ക്ഷ്യ​മി​ടു​ന്ന​താ​ണ്‌ പോ​ച്ച​മ്മ റി​സ​ർ​വോ​യ​ർ. പ​ദ്ധ​തി​യി​ൽ സ​ർ​ക്കാ​റി​ന്റെ വാ​ഗ്​​ദാ​നം കി​ട്ടി​യ​വ​രു​ടെ ക​ഥ​യും ദ​യ​നീ​യ​മാ​ണ്. മം​ഡി​യാ​ൽ കോ​ള​നി​യി​ൽ ഇ​ത്ത​ര​ത്തി​ൽ 70 ച​തു​ര​ശ്ര അ​ടി​യി​ൽ നി​ർ​മി​ച്ചു​ന​ൽ​കി​യ ഏ​താ​നും വീ​ടു​ക​ൾ ദ​യ​നീ​യ​മാ​ണ്. മ​ഴ പെ​യ്​​താ​ൽ കു​ട​പി​ടി​ച്ചി​രി​ക്കേ​ണ്ട സ്ഥി​തി.

ഗ​ജ്‌​വേ​ൽ നി​യ​മ​സ​ഭ മ​ണ്ഡ​ല​ത്തി​ൽ ഹാ​ട്രി​ക്‌ വി​ജ​യം തേ​ടു​ന്ന ബി.​ആ​ർ.​എ​സ് മേ​ധാ​വി​യും മു​ഖ്യ​മ​ന്ത്രി​യു​മാ​യ കെ. ​ച​ന്ദ്ര​ശേ​ഖ​ർ റാ​വു​വി​ന്‌ (കെ.​സി.​ആ​ർ) ഇ​ത്ത​വ​ണ കാ​ര്യ​ങ്ങ​ൾ ഇ​ത്തി​രി ക​ടു​പ്പ​മാ​ണ്‌. കെ.​സി.​ആ​റി​ന്റെ മു​ൻ സ​ഹ​പ്ര​വ​ർ​ത്ത​ക​നും ബി.​ജെ.​പി എം.​എ​ൽ.​എ​യു​മാ​യ എ​ട്ട​ല രാ​ജേ​ന്ദ​റും കോ​ൺ​ഗ്ര​സി​ന്റെ തും​കു​ന്ത ന​ർ​സ റെ​ഡ്ഡി​യു​മാ​ണ് മു​ഖ്യ​മ​ന്ത്രി​ക്കെ​തി​രെ മ​ത്സ​ര​രം​ഗ​ത്തു​ള്ള​ത്.

പി​ന്നാ​ക്ക വി​ഭാ​ഗ​ങ്ങ​ൾ​ക്ക്​ വ​ലി​യ സ്വാ​ധീ​ന​മു​ള്ള മ​ണ്ഡ​ല​മാ​ണ്​ ഗ​ജ്​​വേ​ൽ. സ​ർ​ക്കാ​ർ കൊ​ട്ടി​ഘോ​ഷി​ച്ച്​ ന​ട​പ്പി​ലാ​ക്കി​യ ദ​ലി​ത്​ ബ​ന്ധു, ബി.​സി ബ​ന്ധു പ​ദ്ധ​തി​ക​ളി​ൽ പേ​രി​നെ​ങ്കി​ലും എ​ന്തെ​ങ്കി​ലും ല​ഭി​ച്ച​ത്​ 170 പേ​ർ​ക്കാ​ണ്, 60,000 പേ​രു​ള്ളി​ട​ത്താ​ണി​തെ​ന്ന്​ ഓ​ർ​ക്ക​ണം. 90ഓ​ളം ക​ർ​ഷ​ക​ർ ഈ ​കാ​ല​യ​ള​വി​ൽ ആ​ത്​​മ​ഹ​ത്യ ചെ​യ്തു. പ​തി​വു​പോ​ലെ ഇ​ത്ത​വ​ണ​യും മു​ഖ്യ​മ​ന്ത്രി ഗ​ജ്​​വേ​ലി​ൽ ന​വം​ബ​ർ 28ന്​ ​അ​വ​സാ​ന​വ​ട്ട പ്ര​ചാ​ര​ണ​ത്തി​നാ​യാ​ണ്​ എ​ത്തു​ക.

‘ഇ​വി​ടെ റോ​ഡും പാ​ല​വു​മൊ​ക്കെ​യു​ണ്ട്‌. മി​ക്ക​യി​ട​ങ്ങ​ളി​ലും വി​ക​സ​ന​മെ​ത്തി​യി​രു​ന്നു. നോ​ക്കൂ, കെ.​സി.​ആ​ർ ന​ല്ല ഒ​രു ഭ​ര​ണാ​ധി​കാ​രി​യാ​ണ്‌’ -ന​ഗ​ര​പാ​ത​യി​ലേ​ക്ക്‌ പ്ര​വേ​ശി​ക്കു​ന്ന​തി​നി​ടെ ഓ​ട്ടോ ഡ്രൈ​വ​ർ ബാ​ലു പ​റ​ഞ്ഞു. ശ​രി​യാ​ണ്‌ പാ​ല​ങ്ങ​ളും ന​ല്ല റോ​ഡു​ക​ളും എ​ല്ലാം മു​ഖ്യ​മ​ന്ത്രി​യു​ടെ ത​ട്ട​ക​ത്തി​ൽ വി​ക​സ​ന​ത്തി​ന്റെ മ​റ്റൊ​രു മു​ഖം​തീ​ർ​ക്കു​ന്നു.

വൃ​ത്തി​യു​ള്ള പാ​ത​ക​ൾ, ന​ഗ​രാ​സൂ​ത്ര​ണം എ​ല്ലാം മി​ക​വു​ള്ള​തു​ത​ന്നെ. ‘വി​ക​സ​ന​പ​ദ്ധ​തി​ക​ൾ പ​രാ​തി​ക​ളി​ല്ലാ​തെ ന​ട​പ്പാ​ക്കാ​നാ​വു​മോ?. ചി​ല പ്ര​ശ്ന​ങ്ങ​ൾ തീ​ർ​ച്ച​യാ​യു​മു​ണ്ട്‌. അ​വ പ​രി​ഹ​രി​ക്ക​പ്പെ​ടും ഉ​റ​പ്പാ​യും. പ​ക്ഷേ, സ​മ​യം വേ​ണം’. ബി.​ആ​ർ.​എ​സ്‌ പ്രാ​ദേ​ശി​ക നേ​താ​വ്‌ ര​മ​ൺ പ​റ​യു​ന്നു. തെ​ല​ങ്കാ​ന​യി​ൽ മ​റ്റെ​ല്ലാ​യി​ട​ത്തെ​യും പോ​ലെ ഗ​ജ്​​വേ​ലി​ലും തൊ​ഴി​ലി​ല്ലാ​യ്മ വ​ലി​യൊ​രു പ്ര​തി​സ​ന്ധി​യാ​ണ്‌. മി​ക്ക​വ​ർ​ക്കും തൊ​ഴി​ലി​ല്ല.

യു​വാ​ക്ക​ളി​ൽ മി​ക്ക​വ​രും പോ​ക്ക​റ്റ്​ മ​ണി കി​ട്ടു​ന്ന​തു​കൊ​ണ്ടു​ത​ന്നെ പ്ര​ചാ​ര​ണ​രം​ഗ​ത്ത്‌ സ​ജീ​വം. ഉ​ച്ച തി​രി​ഞ്ഞ​തോ​ടെ ഗ​ജ്‌​വേ​ൽ ന​ഗ​ര​ത്തി​ന്‌‌ സ​മീ​പ​മു​ള്ള ഗ്രാ​മ​ങ്ങ​ളി​ൽ പ്രാ​ദേ​ശി​ക നേ​താ​ക്ക​ൾ എ​ത്തി​ത്തു​ട​ങ്ങി. പു​റം മൂ​ടി​യ ലോ​റി​ക​ളി​ൽ ഗ്രാ​മീ​ണ​ർ ഗ​ജ്​​വേ​ലി​ലെ സ​മ്മേ​ള​ന​ങ്ങ​ൾ​ക്ക്‌ പോ​വു​ക​യാ​ണ്‌. കൂ​ലി​യും ഭ​ക്ഷ​ണ​വും കി​ട്ടും, ഒ​ന്ന് മി​നു​ങ്ങേ​ണ്ട​വ​ർ​ക്ക്‌ അ​തും.

പ്രാ​ദേ​ശി​ക നേ​താ​വ്‌ ന​ൽ​കി​യ ടോ​ക്ക​ൺ വാ​ങ്ങി ലോ​റി​യി​ൽ ക​യ​റാ​ൻ നി​ൽ​ക്കു​ന്ന​തി​നി​ടെ എ​ല്ല​മ്മ മു​റി​ഹി​ന്ദി​യി​ൽ പ​റ​ഞ്ഞ​ത്‌ അ​ടു​ത്തു​നി​ന്ന മ​റ്റൊ​രാ​ൾ പ​രി​ഭാ​ഷ​പ്പെ​ടു​ത്തി. ഇ​ത്‌ ബി.​ആ​ർ.​എ​സ്‌ പ​രി​പാ​ടി​യാ​ണ്‌. കോ​ൺ​ഗ്ര​സ്‌, ബി.​ജെ.​പി പ​രി​പാ​ടി​ക​ൾ​ക്ക്‌ വ​രും ദി​വ​സ​ങ്ങ​ളി​ൽ ആ​ളു​ക​ൾ വ​രും.

അ​ൽ​പം അ​ക​ലെ പ്ര​ഗ്​​നാ​പൂ​രി​ൽ വ​ഴി​യോ​ര​ത്ത്​ സ്ത്രീ​ക​ൾ വ​ണ്ടി​കാ​ത്ത്​ നി​ൽ​ക്കു​ന്നു. 400-500 രൂ​പ​യും ചെ​ല​വു​മാ​ണ്​ മി​ക്ക​വ​ർ​ക്കും പ്ര​തി​ഫ​ലം. ഇ​തി​ലും വ​ലി​യ സ​മ്മാ​ന​ങ്ങ​ൾ അ​ണി​യ​റ​യി​ൽ ഒ​രു​ങ്ങു​ന്നു​ണ്ടെ​ന്നും മ​ത്സ​രം ക​ടു​ക്കു​ക​യാ​ണെ​ങ്കി​ൽ ക​വ​റു​ക​ളി​ൽ 10,000 രൂ​പ വീ​തം ന​ൽ​കാ​നാ​ണ്​ പ​ദ്ധ​തി​യെ​ന്നും പ്രാ​ദേ​ശി​ക നേ​താ​ക്ക​ളി​ലൊ​രാ​ൾ അ​ട​ക്കം പ​റ​ഞ്ഞു.

ഇ​ങ്ങ​നെ പ​ണം ന​ൽ​കി പ്ര​ചാ​ര​ണ​ത്തി​ന്​ ആ​ളെ​ക്കൂ​ട്ടി​യാ​ൽ എ​ന്താ​ണ്​ മെ​ച്ച​മെ​ന്ന ചോ​ദ്യ​ത്തി​ന്​ മ​റു​പ​ടി​യും ര​സ​ക​ര​മാ​യി​രു​ന്നു. കു​റ​ച്ചു​നാ​ൾ ചി​ഹ്ന​വും ​വോ​ട്ട​ഭ്യ​ർ​ഥ​ന​യും ച​ട​ങ്ങു​ക​ളി​ലെ പ​ങ്കാ​ളി​ത്ത​വു​മാ​യി ന​ട​ക്കു​ന്ന​വ​ർ​ക്ക്​ ക്ര​മേ​ണ ആ ​പാ​ർ​ട്ടി​യോ​ട്​ ഒ​രു അ​ടു​പ്പ​മു​ണ്ടാ​കു​മ​ത്രെ. അ​ത്​ വ​ർ​ധി​പ്പി​ക്കാ​നാ​ണ്​ കൈ​മ​ട​ക്ക്​ ന​ൽ​കു​ന്ന​ത്.