തരൂരിനോട് നാമനിർദേശ പത്രിക പിൻവലിക്കണമെന്ന് തെലങ്കാന പി.സി.സി
text_fieldsകോൺഗ്രസ് അധ്യക്ഷ തെരഞ്ഞെടുപ്പിലേക്ക് മത്സരിക്കുന്ന ശശി തരൂർ എം.പിയെ എതിർത്ത് തെലങ്കാന പാർട്ടി നേതൃത്വവും. അതേസമയം, കഴിഞ്ഞ ദിവസം ഹൈദരാബാദിലെത്തിയ തരൂരിന് വൻ സ്വീകരണമാണ് ലഭിച്ചത്. നാമനിർദേശപത്രിക പിൻവലിക്കാൻ തെലങ്കാന പി.സി.സി ശശി തരൂരിനോട് ആവശ്യപ്പെട്ടു. മുന് കേന്ദ്രമന്ത്രി ചിന്താ മോഹന് ഉള്പ്പെടെയുള്ളവരാണ് ആവശ്യം ഉന്നയിച്ചത്.
തരൂർ ഇന്നലെ നടത്തിയ പ്രചാരണ പരിപാടിയിൽ നിന്ന് സംസ്ഥാനത്തെ മുതിർന്ന നേതാക്കൾ വിട്ടുനിൽക്കുകയും ചെയ്തിരുന്നു. ഔദ്യോഗിക സ്ഥാനാർഥി മല്ലികാർജുൻ ഖാർഗെക്ക് പിന്തുണയുമായി തെലങ്കാന പ്രതിപക്ഷ നേതാവ് കുണ്ടുരു ജന റെഡ്ഡി, പ്രതിപക്ഷ ഉപനേതാവ് മല്ലു ഭട്ടി വിക്രമാര്ക അടക്കമുള്ള നേതാക്കള് രംഗത്തെത്തിയിട്ടുണ്ട്.
സംസ്ഥാനങ്ങളിലെത്തി തരൂര് അതിവേഗം പ്രചാരണം നടത്തുന്നുണ്ടെങ്കിലും പി.സി.സികള് അതിനു വേണ്ട പിന്തുണ നല്കുന്നില്ലെന്ന് തെളിയിക്കുന്നതാണിത്. നേരത്തെ തന്നെ ഔദ്യോഗിക സ്ഥാനാര്ഥി മല്ലികാര്ജുന് ഖാര്ഗെക്ക് തെലങ്കാന പി.സി.സി പിന്തുണ പ്രഖ്യാപിച്ചിരുന്നു. ഇതിനു പിന്നാലെയാണ് മത്സരത്തില് നിന്നും പിന്മാറണമെന്ന് തരൂരിനോട് ആവശ്യപ്പെട്ടിരിക്കുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.