തെലങ്കാനയിലെ പൗരത്വ പ്രക്ഷോഭം: മലയാളികളടക്കമുള്ള വിദ്യാർഥികൾക്കെതിരെ പൊലീസ്​ നടപടി

ഹൈദരാബാദ്​: പൗരത്വ ഭേദഗതി നിയമത്തിനെതിരെ പ്രതിഷേധിച്ച വിദ്യാർഥികൾക്കെതിരെ തെലങ്കാനയിൽ പൊലീസ്​ നടപടി തുടങ്ങി. ഹൈദരാബാദ്​ കേന്ദ്രസർവകലാശാലയിലെ മലയാളികളടക്കമുള്ള വിദ്യാർഥികൾക്കെതിരെ നേരെത്തെയുടുത്ത കേസിലാണ്​ പൊലീസ്​ സമൻസ്​ അയച്ചത്​.

കഴിഞ്ഞ ഫെബ്രുവരിയിൽ നടന്ന പ്രതിഷേധത്തിൽ പ​െങ്കടുത്ത എം.എസ്​.എഫ്​, ഫ്ര​േട്ടണിറ്റി, എൻ.എസ്​.യു വിദ്യാർഥികൾക്കെതിരെയാണ്​ നടപടി. വിദ്യാർഥി കൂട്ടായ്​മയുടെ നേതൃത്വത്തിലായിരുന്നു സർവകലാശാലയിലേക്ക്​ മാർച്ച്​ നടത്തിയത്​. അനുമതിയില്ലാതെ പ്രതിഷേധം നടത്തിയതിന് അന്ന്​​ പൊലീസ്​ കേസെടുത്തിരുന്നു. 14 വിദ്യാർഥികളെ പ്രതിയാക്കിയാണ്​ എഫ്​.​െഎ.ആർ രജിസ്​റ്റർ ചെയ്​തത്​.

അതേസമയം, തുടർനടപടികളിലേക്ക്​ പൊലീസ്​ പോയിരുന്നില്ല. എന്നാൽ, ശനിയാഴ്​ച ഏതാനും വിദ്യാർഥികൾക്ക്​ സമൻസ്​ ലഭിക്കുകയായിരുന്നു.

നിസ്സാര വകുപ്പുകൾ മാത്രമേ ചുമത്തിയിട്ടുള്ളൂവെങ്കിലും, ബി.ജെ.പി അനുകൂല നിലപാട്​ സ്വീകരിക്കുന്ന യൂനിവേഴ്​സിറ്റിയുടെയും പൊലീസി​െൻറയും നടപടിയിൽ വിദ്യാർഥികൾക്ക്​ ആശങ്കയുണ്ട്​. ഡൽഹിയിൽ ​പൗ​രത്വ ഭേദഗതി നിയമത്തിനെതിരെ പ്രക്ഷോഭം നയിച്ച വിദ്യാർഥികൾക്കുനേരെ യു.എ.പി.എ അടക്കം ചുമത്തിയതും ഇവരെ ഭീതിയിലാക്കുന്നു.

വിദ്യാർഥികളെ ഭരണകൂടം അതിക്രൂരമായി വേട്ടയാടുകയാണെന്ന്​ എം.എസ്​ഫ്​ ദേശീയ പ്രസിഡൻറ്​ ടി.പി. അഷ്​റഫലി കുറ്റപ്പെടുത്തി. പ്രക്ഷോഭങ്ങൾ അടിച്ചൊതുക്കാനാണ്​ പൊലീസി​െൻറ ശ്രമം. മോദി സർക്കാറിനെതിരെ വിരൽചൂണ്ടുന്നവർ യൂനിവേഴ്​സിറ്റികളിൽനിന്ന്​ ഉയർന്നുവരാൻ പാടില്ല എന്നാണ്​ ഇവരുടെ നിലപാട്​. പൊലീസ്​ വേ​ട്ടക്കെതിരെ നിയമപരമായി നേരിടുമെന്നും അദ്ദേഹം അറിയിച്ചു.

വിദ്യാർഥികൾക്കെതിരായ നടപടി ദുരൂഹത ഉയർത്തുന്നതാണെന്ന്​​ ഫ്ര​േട്ടണിറ്റി മൂവ്​മെൻറ്​ സംസ്​ഥാന പ്രസിഡൻറ്​ ഷംസീർ ഇബ്രാഹിം ചൂണ്ടിക്കാട്ടി.