റെയിൽവേ ട്രാക്കിൽ കടുവ; ദൃശ്യങ്ങൾ വൈറൽ -വിഡിയോ

ഹൈദരാബാദ്: തെലങ്കാനയിലെ അസിഫ്ബാദ് ജില്ലയിൽ കടുവ റെയിൽവേ ട്രാക്ക് മുറിച്ചുകടക്കുന്ന ദൃശ്യങ്ങൾ വൈറൽ. കുമുരാം ഭീമിലാണ് സംഭവമുണ്ടായത്. ബുധനാഴ്ചയുണ്ടായ സംഭവത്തിന്റെ ദൃശ്യങ്ങളാണ് സമൂഹമാധ്യമങ്ങളിൽ വൈറലാവുന്നത്.

മ​​ക്കോഡി റെയിൽവേ സ്റ്റേഷനിലാണ് കടുവ എത്തിയത്. സ്റ്റേഷനിലുണ്ടായിരുന്നവർ കടുവ റെയിൽവേ ട്രാക്ക് മുറിച്ച് കടക്കുന്നതിന്റെ ദൃശ്യങ്ങൾ പകർത്തിയിരുന്നു. തെലങ്കാന-മഹാരാഷ്ട്ര അതിർത്തിയിലാണ് റെയിൽവേ സ്റ്റേഷൻ സ്ഥിതി ചെയ്യുന്നത്. തെലങ്കാന-മഹാരാഷ്ട്ര അതിർത്തിയിൽ കടുവകൾ ഇറങ്ങുന്നത് നിത്യസംഭവമായി മാറിയിട്ടുണ്ട്.

ശൈത്യകാലമാണ് പുരുഷ കടുവകൾ ഒരു സ്ഥലത്ത് നിന്ന് മ​റ്റൊരിടത്തേക്ക് കടുവകളെ തേടിപോകുന്ന സമയമാണ്. ബഹദ്രാദ്രി കോതഗുഡേം, മുലുഗു ജില്ലകളിലും ഇത്തരത്തിൽ കടുവകളെ കണ്ടിരുന്നുവെന്ന് റിപ്പോർട്ടുകളുണ്ട്.