അമർനാഥ്​ തീർഥാടകർക്കുനേരെ  തീവ്രവാദി ആക്രമണം; ഏഴു പേർ കൊല്ലപ്പെട്ടു

ശ്രീനഗർ: അമർനാഥ്​ തീർഥാടകർ സഞ്ചരിച്ച ബസിനു നേരെ തീവ്രവാദികൾ നടത്തിയ വെടിവെപ്പിൽ ഏഴു പേർ കൊല്ലപ്പെടുകയും ഏഴു ​േപർക്ക്​ പരിക്കേൽക്കുകയും ചെയ്​തു. കൊല്ലപ്പെട്ടവരിൽ അഞ്ചു പേർ സ്​ത്രീകളാണ്.​ ജമ്മു-കശ്​മീരിലെ അനന്ത്​നാഗ്​ ജില്ലയിൽ തിങ്കളാഴ്​ച രാത്രി 8.20ഒാടെയാണ്​ സംഭവം. അമർനാഥ്​ സന്ദർശിച്ച്​ മടങ്ങുകയായിരുന്നവരുടെ ബസിനുനേരെ  ഹൈവേയിൽവെച്ചാണ്​ ​ ആക്രമണമുണ്ടായത്​. സോനാമാർഗിൽനിന്നാണ്​ ബസ്​ വന്നത്​. രാത്രി ഏഴിനുശേഷം അമർനാഥ്​ തീർഥാടകർ യാത്രചെയ്യാൻ പാടില്ലെന്ന വിലക്ക്​ ബസ്​ ഡ്രൈവർ ലംഘിച്ചതായി പൊലീസ്​ പറഞ്ഞു. അതേസമയം, തീർഥാടകർ ഒൗദ്യോഗിക സംഘത്തി​​​െൻറ ഭാഗമല്ലെന്നും അമർനാഥ്​ യാത്രാബോർഡിൽ രജിസ്​റ്റർ ചെയ്യാത്തവരാണെന്നും റിപ്പോർട്ടുകളുണ്ട്​. ഒൗദ്യോഗിക യാത്രസംഘം സി.ആർ.പി.എഫ്​ ​ഭടന്മാരുടെ അകമ്പടിയോടെയാണ്​ അമർനാഥിലേക്ക്​ പോകുന്നത്​. ആക്രമണം അറിഞ്ഞയുടൻ സി.ആർ.പി.എഫ്​ ഭടന്മാരുടെ സംഘം സ്​ഥലത്തെത്തി.

സംഭവം അതി ദുഃഖകരമാണെന്ന് മുൻ മുഖ്യമന്ത്രി ഉമർ അബ്​ദുല്ല ട്വീറ്റ്​ ചെയ്​തു. കശ്​മീരി​​​െൻറ ചരിത്രത്തിലെ കറുത്തപാടാണ്​ സംഭവമെന്ന്​ പറഞ്ഞ മന്ത്രി നഇൗം അക്​തർ ഭീകരർക്കെതിരെ ശക്​തമായ നടപടികൾ തുടരുമെന്നും വ്യക്​തമാക്കി. കനത്ത സുരക്ഷയോടെ ജൂൺ 29നാണ്​ ഇൗ വർഷത്തെ അമർനാഥ്​ യാത്ര തുടങ്ങിയത്​.  വടക്കൻ കശ്​മീരിലെ ബൽടൽ ക്യാമ്പ്​ വഴിയും  ദക്ഷിണ കശ്​മീരിലെ പരമ്പരാഗത പഹൽഗാം റൂട്ട്​ വഴിയുമാണ്​ അമർനാഥിലേക്ക്​ തീർഥാടകർ പറപ്പെടുന്നത്​. അതിനിടെ, അനന്ത്​നാഗ്​ ജില്ലയിലെ ബ​േൻറഗു മേഖലയിൽ പൊലീസിനുനേരെയും തീവ്രവാദികളുടെ വെടിവെപ്പുണ്ടായി. തിരിച്ചുണ്ടായ വെടിവെപ്പിനിടെ തീവ്രവാദികൾ രക്ഷപ്പെടുകയായിരുന്നു.