കശ്മീരിലും ഡൽഹിയിലും എൻ.ഐ.എ റെയ്ഡ്

ന്യൂഡൽഹി: ജമ്മു കശ്മിരിലും ഡൽഹിയിലും എൻ.ഐ.എ റെയ്ഡ്. തീവ്രവാദ ഫണ്ട് കേസുമായി ബന്ധപ്പെട്ട് 22 കേന്ദ്രങ്ങളിലാണ് റെയ്ഡ് നടത്തിയത്. 

കശ്മീരിലെ വിഘടനവാദി നേതാക്കളുടെ വീടുകൾ, ഓഫീസുകൾ,  വാണിജ്യ കേന്ദ്രങ്ങൾ എന്നിവിടങ്ങളിലാണ് റെയ്ഡ് നടന്നത്. 
ഹരിയാനയിൽ എട്ട് സ്ഥലങ്ങളിലാണ് റെയ്ഡ് എൻ.ഐ.എ സംഘം പരിശോധന നടത്തിയത്. 

പാകിസ്താനിൽ നിന്നുള്ള കള്ളപ്പണത്തിന്‍റെ ഉറവിടം അന്വേഷിക്കുന്നതിനായി എൻ.ഐ.എ സംഘം കഴിഞ്ഞ മാസം  ശ്രീനഗർ സന്ദർശിച്ചിരുന്നു. അന്വേഷണത്തിന്‍റെ ഭാഗമായി വിഘടനവാദി നേതാക്കളെ ചോദ്യം ചെയ്തിരുന്നു.  വിഘടനവാദി നേതാകളുടെ  ധനസഹായത്തിന്‍റെ ഉറവിടമാണ് എൻ.ഐ.എ അന്വേഷിക്കുന്നത്.