മോദി സ്വയം രാഷ്​ട്രപിതാവാകുന്നു– ഉദ്ധവ്​ താക്കറെ

മുംബൈ: പ്രധാനമന്ത്രി നരേന്ദ്രമോദിക്കെതിരെ രൂക്ഷ വിമർശനവുമായി ശിവസേനാ അധ്യക്ഷൻ ഉദ്ധവ്​ താക്കറെ. ഇന്ത്യയുടെ സൃഷ്​ടാവും രാഷ്​ട്രപിതാവും താനെന്ന്​ സങ്കൽപ്പിച്ചാണ്​ മോദിയുടെ പ്രവർത്തനമെന്ന്​ താക്കറെ പരിഹസിച്ചു. താനെ മുൻസിപ്പൽ കോർപറേഷൻ തെരഞ്ഞെടുപ്പിനു മുന്നോടിയായി ശിവസേന സംഘടിപ്പിച്ച തെരഞ്ഞെടുപ്പ്​ റാലിയിൽ പ്രസംഗിക്കുകയായിരുന്നു അദ്ദേഹം.

സർക്കാറി​​െൻറ നോട്ട്​ പിൻവലിക്കൽ തീരുമാനത്തെയും താക്കറെ വിമർശിച്ചു. നോട്ട്​ പിൻവലിക്കൽ തീരുമാനം പരാജയമായിരുന്നു. തീരുമാനം മൂലം കള്ളപ്പണം തിരിച്ച്​ കൊണ്ടുവരാനോ അഴിമതി തടയാനോ സാധിച്ചില്ല. നോട്ട്​ നിരോധനം ബഹുഭൂരിപക്ഷം വരുന്ന സാധരണക്കാരെ പ്രതികൂലമായി​ ബാധിച്ചു​. ധനികരെ തീരുമാനം ഒരു തരത്തിലും ബാധിച്ചിട്ടില്ലെന്നും താക്കറെ പറഞ്ഞു.

നോട്ട്​ പിൻവലിക്കൽ മൂലം തനിക്ക്​ എന്തെങ്കിലും ബുദ്ധിമുട്ട്​ നേരി​േട്ടാ എന്നാണ്​ അവർ ചോദിക്കുന്നത്​.  രാജ്യത്തെ ബഹുഭൂരിപക്ഷം സാധാരണ ജനങ്ങൾ ക്യൂവിൽ നിൽക്കു​േമ്പാഴും  ആളുകൾ ക്യൂവിൽ നിന്ന്​ മരിച്ച്​ വീഴു​​േമ്പാഴും തനിക്ക്​  ബുദ്ധിമുട്ടുണ്ടായി. രാജ്യത്തെ സൈനികർക്ക്​ പണം പിൻവലിക്കാൻ കഴിയാത്ത അവസ്ഥയും തനിക്ക്​ ബുദ്ധിമുട്ട്​ സൃഷ്​ടിച്ചതായും താക്കറെ പറഞ്ഞു.