താനെയിൽ സ്​കൂൾ കുട്ടികളെ വാനിൽവെച്ച്​ പീഡിപ്പിച്ച ഡ്രൈവർ അറസ്​റ്റിൽ

താനെ: മഹാരാഷ്​ട്രയിലെ താനെയിൽ പത്തുവയസിനു താഴെയുള്ള രണ്ട്​ വിദ്യാർഥിനികളെ വാനിൽ വെച്ച്​ പീഡിപ്പിച്ച ഡ്രൈവർ അറസ്​റ്റിൽ. വിദ്യാർഥികളെ സ്​കൂളിൽ കൊണ്ടുപോക​ുന്ന സ്വകാര്യ വാഹനത്തി​​െൻറ ഡ്രൈവർ തുൽസിറാം മനേറെയാണ്​ അറസ്​റ്റിലായത്​.

ആറുമാസത്തോളം വാഹനത്തിലും മറ്റ്​ സ്ഥലങ്ങളിലുമായി ഇയാൾ കുട്ടികളെ പീഡിപ്പിച്ചിരുന്നതായി  പൊലീസ്​ ഇൻസ്​പെക്​ടർ എസ്​.വി ജാവേദ്​ പറഞ്ഞു. കുട്ടികളിലൊരാൾ സ്​കൂൾ ഹാജരാകാത്തതിനെ തുടർന്ന്​ അധ്യാപകർ മാതാപിതാക്കളോട്​ അന്വേഷിച്ചപ്പോഴാണ്​ പീഡനവിവരം പുറത്തറിയുന്നത്​.
വാനിൽ യാത്രചെയ്യുന്ന കൂടുതൽ വിദ്യാർഥിനികളെ ഇയാൾ പീഡിപ്പിച്ചതായി​ സംശയിക്കുന്നുവെന്ന്​ പൊലീസ്​ പറഞ്ഞു. പ്രതിക്കെതിരെ  കൂടുതൽ അന്വേഷണം നടത്തിവരികയാണ്​.