ഊഞ്ഞാൽ കഴുത്തിൽ കുരുങ്ങി സഹോദരങ്ങൾ മരിച്ചു

സോമവാർപേട്ട: സോമവാർപേട്ട ഗണഗൂർ ഉഞ്ചിഗനഹള്ളിയിൽ ഊഞ്ഞാൽ കഴുത്തിൽ കുരുങ്ങി സഹോദരങ്ങൾ മരിച്ചു. ഉഞ്ചിഗനഹള്ളിയിലെ കൂലിത്തൊഴിലാളികളായ ഗിരീശ് ​-ജയന്തി ദമ്പതികളുടെ മക്കൾ മനീക്ഷ (15), പൂർണേശ്​ (13) എന്നിവരാണ്​ മരിച്ചത്​.

മാതാപിതാക്കൾ അകലെയുള്ള ഇഞ്ചിക്കൃഷിയിടത്തിലേക്ക്​ പോകു​േമ്പാൾ മക്കളെ ബന്ധുവീട്ടിൽ ഏൽപിച്ചതായിരുനു. ബന്ധുഗൃഹത്തിലുള്ളവരും തോട്ടത്തിൽ പോയ സമയത്ത്​ കുട്ടികൾ ഇരുവരും രണ്ട്​ സാരികൾ കൊണ്ട്​ ഊഞ്ഞാലുണ്ടാക്കി കളിക്കുന്നതിനിടെയാണ്​ കഴുത്തിൽ കുരുങ്ങിയത്​.

വലിയമ്മയും മറ്റ്​ മുതിർന്നവരും വീട്ടിൽ വന്നപ്പോഴാണ്​ കുട്ടികൾ മരിച്ച നിലയിൽ കണ്ടത്​. മനീക്ഷ ബാഗമണ്ഡല മൊറാർജി ദേശായി റസിഡൻഷ്യൽ സ്​കൂൾ പത്താംക്ലാസ്​ വിദ്യാർഥിനിയും പൂർണേശ്​​ ഗവ. പ്രൈമറി സ്​കൂൾ ഏഴാം ക്ലാസ്​ വിദ്യാർഥിയുമാണ്​.