ആശയവിനിമയമറ്റ് ഏറ്റുമുട്ടലിലേക്ക്

ന്യൂ​ഡ​ൽ​ഹി​: ച​രി​ത്ര​ത്തി​ൽ മു​​മ്പൊ​രി​ക്ക​ലും കാ​ണാ​ത്ത​വി​ധം പൂ​ർ​ണ​മാ​യും ആ​ശ​യ​വി​നി​മ​യ​മ​റ്റ് സ​ർ​ക്കാ​റും പ്ര​തി​പ​ക്ഷ​വും നേ​ർ​ക്കു​നേ​ർ ഏ​റ്റു​മു​ട്ടു​ന്ന കാ​ഴ്ച​ക്കാ​ണ് ര​ണ്ടാം മോ​ദി സ​ർ​ക്കാ​റി​ന്റെ അ​വ​സാ​ന നാ​ളു​ക​ളി​ൽ പാ​ർ​ല​മെ​ന്റി​ന്റെ ഇ​രു​സ​ഭ​ക​ളും സാ​ക്ഷ്യം വ​ഹി​ക്കു​ന്ന​ത്. 17ാം ലോ​ക്സ​ഭ​യു​ടെ അ​വ​സാ​ന സ​മ്പൂ​ർ​ണ സ​മ്മേ​ള​നം അ​വ​സാ​നി​ക്കാ​ൻ നാ​ലു ദി​വ​സം മാ​ത്രം ബാ​ക്കി​നി​ൽ​ക്കെ​യാ​ണ് പ്ര​തി​പ​ക്ഷ ശ​ബ്ദം ത​ന്നെ പാ​ർ​ല​മെ​ന്റി​ൽ​നി​ന്ന് പാ​ടെ ഇ​ല്ലാ​താ​ക്കു​ന്ന നി​ർ​ണാ​യ​ക നീ​ക്കം കേ​ന്ദ്ര​ത്തി​ന്റെ ഭാ​ഗ​ത്തു​നി​ന്നു​ണ്ടാ​യ​ത്. ‘പ്ര​തി​പ​ക്ഷ​ത്തെ ഒ​ന്നി​ച്ച​ങ്ങ് സ​സ്​​പെ​ൻ​ഡ് ചെ​യ്തേ​ക്കൂ’ എ​ന്ന ചി​ല പ്ര​തി​പ​ക്ഷ നേ​താ​ക്ക​ളു​ടെ പ്ര​സ്താ​വ​ന​ക​ളെ അ​ക്ഷ​രാ​ർ​ഥ​ത്തി​ൽ വെ​ല്ലു​വി​ളി​യാ​യി ഏ​റ്റെ​ടു​ത്ത് ന​ട​പ്പാ​ക്കു​ക​യാ​ണി​പ്പോ​ൾ. എ​ത്ര പേ​രെ​യാ​ണി​ന്ന് സ​സ്​​പെ​ൻ​ഡ് ചെ​യ്ത​തെ​ന്ന ചോ​ദ്യ​ത്തി​ന് ഇ​ന്ന് 33 പേ​രു​ടെ കാ​ര്യ​ത്തി​ൽ തീ​രു​മാ​ന​മാ​യെ​ന്നും അ​വ​ശേ​ഷി​ക്കു​ന്ന​വ​രു​ടെ കാ​ര്യ​ത്തി​ൽ ചൊ​വ്വാ​ഴ്ച തീ​രു​മാ​ന​മാ​കു​മെ​ന്നും കേ​ന്ദ്ര പാ​ർ​ല​മെ​ന്റ​റി കാ​ര്യ​മ​ന്ത്രി പ്ര​ഹ്ളാ​ദ് ജോ​ഷി പ്ര​തി​ക​രി​ച്ച​തി​ലൂ​ടെ വ്യ​ക്ത​മാ​ക്കു​ന്ന​ത് ഏ​റ്റു​മു​ട്ട​ലി​ൽ​നി​ന്ന് പി​റ​കോ​ട്ടി​ല്ലെ​ന്നാ​ണ്. ഇ​ത് പ​റ​യു​മ്പോ​ൾ പാ​ർ​ല​മെ​ന്റ​റി​കാ​ര്യ സ​ഹ​മ​ന്ത്രി അ​ർ​ജു​ൻ സി​ങ് മേ​ഘ്‍വാ​ളും ചി​രി​ച്ചു​കൊ​ണ്ട് അ​തി​നെ ശ​രി​വെ​ക്കു​ക​യാ​ണ്. പാ​ർ​ല​മെ​ന്റ​റി സം​വി​ധാ​ന​ത്തി​ൽ പ്ര​തി​പ​ക്ഷ​ത്തെ കൂ​ട്ടി​പ്പി​ടി​ക്കാ​ൻ നി​യോ​ഗി​ക്ക​പ്പെ​ടാ​റു​ള്ള പാ​ർ​ല​മെ​ന്റ​റി​കാ​ര്യ മ​ന്ത്രി​മാ​ർ ഏ​റ്റ​വും വ​ലി​യ പ്ര​തി​പ​ക്ഷ വി​മ​ർ​ശ​ക​രാ​യി ഇ​രു​സ​ഭ​ക​ളി​ലും പോ​രി​നി​റ​ങ്ങു​ക​കൂ​ടി ചെ​യ്ത​തോ​ടെ സ​മ​വാ​യ​ത്തി​ന്റെ സ​ക​ല വ​ഴി​ക​ളു​മ​ട​യു​ക​യാ​യി​രു​ന്നു. ലോ​ക്സ​ഭ​യി​ലും രാ​ജ്യ​സ​ഭ​യി​ലും ഏ​റ്റു​മു​ട്ട​ൽ ഒ​ഴി​വാ​ക്കാ​ൻ സ​ർ​ക്കാ​റി​നും പ്ര​തി​പ​ക്ഷ​ത്തി​നു​മി​ട​യി​ൽ പാ​ല​മാ​യി വ​ർ​ത്തി​ക്കാ​റു​ള്ള സ്പീ​ക്ക​റു​ടെ​യും ചെ​യ​ർ​മാ​ന്റെ​യും ചേം​ബ​റു​ക​ൾ ഒ​രാ​ഴ്ച​യാ​യി പ്ര​തി​പ​ക്ഷ​ത്തി​നെ​തി​രാ​യ ന​ട​പ​ടി​ക​ളി​ൽ മാ​ത്രം കേ​ന്ദ്രീ​ക​രി​ക്കു​ക​യാ​ണ്.

രാ​ജ്യ​സ​ഭ​യി​ൽ മൂ​ന്ന് ദി​വ​സ​മാ​യി പ്ര​തി​പ​ക്ഷ നേ​താ​വ് മ​ല്ലി​കാ​ർ​ജു​ൻ ഖാ​ർ​ഗെ​യെ ചെ​യ​ർ​മാ​ൻ ജ​ഗ്ദീ​പ് ധ​ൻ​ഖ​ർ സം​സാ​രി​ക്കാ​ൻ അ​നു​വ​ദി​ക്കാ​തി​രി​ക്കു​മ്പോ​ൾ കേ​ന്ദ്ര നി​ർ​ദേ​ശ​പ്ര​കാ​രം ചെ​യ​ർ​മാ​ന്റെ ചേം​ബ​റി​ലേ​ക്കു​ള്ള ക്ഷ​ണം ഖാ​ർ​ഗെ നി​ര​സി​ക്കു​ക​യാ​ണ്. 45 അം​ഗ​ങ്ങ​ളെ കൂ​ട്ട​ത്തോ​ടെ സ​സ്​​പെ​ൻ​ഡ് ചെ​യ്ത പ്ര​മേ​യം പാ​സാ​ക്കി​യ​ശേ​ഷ​വും പ്ര​തി​പ​ക്ഷ നേ​താ​വി​നെ ഇ​ത്ര​യും ദി​വ​സ​മാ​യി സം​സാ​രി​ക്കാ​ൻ അ​നു​വ​ദി​ക്കാ​ത്ത​തെ​ന്തു​കൊ​ണ്ടാ​ണെ​ന്ന് ചോ​ദി​ച്ച അം​ഗ​ങ്ങ​ളോ​ട് ചേം​ബ​റി​ൽ​വ​ന്ന് കാ​ണാ​നു​ള്ള ത​ന്റെ ആ​വ​ശ്യ​ത്തെ അം​ഗീ​ക​രി​ക്കാ​ത്ത പ്ര​തി​പ​ക്ഷ നേ​താ​വി​നെ താ​ൻ എ​ങ്ങ​നെ കേ​ൾ​ക്കു​മെ​ന്നാ​ണ് ചെ​യ​ർ​മാ​ൻ ജ​ഗ്ദീ​പ് ധ​ൻ​ഖ​ർ തി​രി​ച്ചു​ചോ​ദി​ച്ച​ത്.

പ്ര​തി​ഷേ​ധം ന​യി​ച്ച പ്ര​തി​പ​ക്ഷ നേ​താ​ക്ക​ളാ​യ അ​ധി​ർ ര​ഞ്ജ​ൻ ചൗ​ധ​രി​യെ​യും ഗൗ​ര​വ് ഗോ​ഗോ​യി​യെ​യും ദ​യാ​നി​ധി മാ​ര​നെ​യും സ​ഭ നി​ർ​ത്തി​വെ​ച്ച വേ​ള​യി​ൽ അ​വ​രു​ടെ ഇ​രി​പ്പി​ട​ത്തി​ൽ ചെ​ന്ന് കേ​ന്ദ്ര​മ​​ന്ത്രി പ്ര​ഹ്ളാ​ദ് ജോ​ഷി ക​ണ്ടു.

പ്ര​തി​പ​ക്ഷ​ത്തെ ഒ​ന്നാ​കെ സ​സ്​​പെ​ൻ​ഡ് ചെ​യ്യാ​ൻ മ​ന്ത്രി​യെ വെ​ല്ലു​വി​ളി​ച്ച ചൗ​ധ​രി​യും ഗോ​ഗോ​യി​യും അ​തി​ന് സ​ർ​ക്കാ​റി​ന് ധൈ​ര്യ​മി​ല്ലെ​ന്ന് പ​റ​ഞ്ഞ് തി​രി​ച്ച​യ​ച്ച​ശേ​ഷ​മാ​ണ് അ​തേ മ​ന്ത്രി​ത​ന്നെ സ​സ്​​പെ​ൻ​ഡ് ചെ​യ്യാ​നു​ള്ള പ്ര​തി​പ​ക്ഷ എം.​പി​മാ​രു​ടെ പ​ട്ടി​ക ത​യാ​റാ​ക്കി പ്ര​മേ​യം അ​വ​ത​രി​പ്പി​ച്ച് വെ​ല്ലു​വി​ളി ഏ​റ്റെ​ടു​ത്ത​ത്.