ഡൽഹി സർക്കാറിന് ജീവനക്കാർക്കുമേലുള്ള അധികാരം തിരിച്ചുപിടിക്കാൻ 'ഇരുട്ടത്ത്' ഓർഡിനൻസ് ഇറക്കി കേന്ദ്രം

ന്യൂ​ഡ​ൽ​ഹി: ഡ​ൽ​ഹി സ​ർ​ക്കാ​ർ ജീ​വ​ന​ക്കാ​ർ​ക്കു മേ​ലു​ള്ള അ​ധി​കാ​രം സു​പ്രീം​കോ​ട​തി വി​ധി മ​റി​ക​ട​ന്ന് തി​രി​ച്ചു​പി​ടി​ക്കാ​ൻ വെ​ള്ളി​യാ​ഴ്ച രാ​ത്രി വൈ​കി ഓ​ർ​ഡി​ന​ൻ​സ് ഇ​റ​ക്കി കേ​ന്ദ്ര​സ​ർ​ക്കാ​ർ. ഭ​ര​ണ​ഘ​ട​ന ബെ​ഞ്ചി​ന്റെ അ​തേ വി​ധി ചോ​ദ്യം​ചെ​യ്ത് ശ​നി​യാ​ഴ്ച പു​നഃ​പ​രി​ശോ​ധ​ന ഹ​ര​ജി​യു​മാ​യി കേ​ന്ദ്രം സു​പ്രീം​കോ​ട​തി​യി​ലു​മെ​ത്തി. പ​ര​മോ​ന്ന​ത കോ​ട​തി​യെ അ​വ​ഹേ​ളി​ച്ച കേ​ന്ദ്ര ഓ​ർ​ഡി​ന​ൻ​സി​നെ​തി​രെ സു​പ്രീം​കോ​ട​തി​യെ സ​മീ​പി​ക്കു​മെ​ന്ന് ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ് കെ​ജ്രി​വാ​ളും വ്യ​ക്ത​മാ​ക്കി​യ​തോ​ടെ കേ​ന്ദ്ര​വും ഡ​ൽ​ഹി​യും ത​മ്മി​ൽ പു​തി​യൊ​രു പോ​രി​ന് തു​ട​ക്ക​മാ​യി.

സു​പ്രീം​കോ​ട​തി അ​വ​ധി​ക്കാ​ല​ത്തേ​ക്ക് അ​ട​ച്ച​തി​ന് തൊ​ട്ടു​പി​ന്നാ​ലെ​യാ​ണ് അ​ഞ്ചം​ഗ ഭ​ര​ണ​ഘ​ട​ന ബെ​ഞ്ച് അ​ന്തി​മ വി​ധി​യി​ലൂ​ടെ അ​റു​തി​വ​രു​ത്തി​യ അ​ധി​കാ​ര​ത്ത​ർ​ക്ക​ത്തി​ന് കേ​ന്ദ്ര​സ​ർ​ക്കാ​ർ പു​തി​യ തു​ട​ക്ക​മി​ട്ട​ത്. ദേ​ശീ​യ ത​ല​സ്ഥാ​ന പ്ര​ദേ​ശ​മാ​യ ഡ​ൽ​ഹി​യി​ൽ ക്ര​മ​സ​മാ​ധാ​നം, പൊ​ലീ​സ്, റ​വ​ന്യൂ എ​ന്നി​വ​യൊ​ഴി​കെ​യു​ള്ള മു​ഴു​വ​ൻ മേ​ഖ​ല​ക​ളി​ലും ഭ​ര​ണാ​ധി​കാ​രം ഡ​ൽ​ഹി സ​ർ​ക്കാ​റി​നാ​ണെ​ന്നും ല​ഫ്റ്റ​ന​ന്റ് ഗ​വ​ർ​ണ​ർ​ക്ക​ല്ലെ​ന്നു​മു​ള്ള ഭ​ര​ണ​ഘ​ട​ന ബെ​ഞ്ചി​ന്റെ വി​ധി പു​നഃ​പ​രി​ശോ​ധി​ക്ക​ണ​മെ​ന്ന് കേ​ന്ദ്ര സ​ർ​ക്കാ​ർ ശ​നി​യാ​ഴ്ച സ​മ​ർ​പ്പി​ച്ച ഹ​ര​ജി​യി​ൽ ആ​വ​ശ്യ​പ്പെ​ട്ടു.

ഡ​ൽ​ഹി സ​ർ​ക്കാ​റി​നു​ള്ള അ​ധി​കാ​രം നി​ർ​ണ​യി​ച്ച് 2018ൽ ​ഭ​ര​ണ​ഘ​ട​ന ബെ​ഞ്ച് പു​റ​പ്പെ​ടു​വി​ച്ച വി​ധി​യും അ​തി​ൽ വ്യ​ക്ത​ത വ​രു​ത്തി അ​ഞ്ചം​ഗ ഭ​ര​ണ​ഘ​ട​ന ബെ​ഞ്ച് ഈ​യി​ടെ പു​റ​പ്പെ​ടു​വി​ച്ച വി​ധി​യും ഒ​രു​പോ​ലെ അ​ട്ടി​മ​റി​ക്കു​ന്ന​താ​ണ് പു​നഃ​പ​രി​ശോ​ധ​ന ഹ​ര​ജി ന​ൽ​കും​മു​മ്പ് കേ​ന്ദ്രം ഇ​റ​ക്കി​യ ഓ​ർ​ഡി​ന​ൻ​സ്.

ഐ.​എ.​എ​സ് ഉ​ദ്യോ​ഗ​സ്ഥ​രു​ടെ നി​യ​മ​ന, സ്ഥ​ലം​മാ​റ്റ അ​ധി​കാ​രം​പോ​ലും ഡ​ൽ​ഹി​യി​ലെ സ​ർ​ക്കാ​റി​നാ​ണെ​ന്നാ​ണ് കോ​ട​തി വി​ധി​ച്ച​ത്. ഡ​ൽ​ഹി സ​ർ​ക്കാ​റി​ന് ന​ൽ​കി​യ ആ ​അ​ധി​കാ​ര​മാ​ണ് ഓ​ർ​ഡി​ന​ൻ​സി​ലൂ​ടെ അ​ട്ടി​മ​റി​ച്ചി​രി​ക്കു​ന്ന​ത്. കേ​ന്ദ്ര​ം അ​തോ​റി​റ്റി​യു​മാ​യി കൂ​ടി​യാ​ലോ​ച​ന ന​ട​ത്തി രാ​ജ്യ​ത​ല​സ്ഥാ​ന​ത്തി​ന് ആ​വ​ശ്യ​മാ​യ ത​സ്തി​ക​ക​ൾ നി​ർ​ണ​യി​ക്കു​ക​യും ഉ​ദ്യോ​ഗ​സ്ഥ​രെ​ നി​യ​മി​ക്കു​ക​യും ചെ​യ്യ​ണ​മെ​ന്ന് കേ​ന്ദ്ര വി​ജ്ഞാ​പ​നം വ്യ​ക്ത​മാ​ക്കു​ന്നു.

ദേ​ശീ​യ ത​ല​സ്ഥാ​ന​ത്തെ ഏ​തൊ​രു സം​ഭ​വ​വും അ​വി​ടെ​യു​ള്ള ജ​ന​ങ്ങ​ളെ മാ​ത്ര​മ​ല്ല, രാ​ജ്യ​ത്തി​ന്റെ മ​റ്റു ഭാ​ഗ​ങ്ങ​ളെ​യും ബാ​ധി​ക്കു​ന്ന​താ​ണെ​ന്നും അ​ന്ത​ർ​ദേ​ശീ​യ ത​ല​ത്തി​ൽ രാ​ജ്യ​ത്തി​ന്റെ പ​ദ​വി​ക്കും പ്ര​തി​ച്ഛാ​യ​ക്കും വി​ശ്വാ​സ്യ​ത​ക്കും അ​ഭി​മാ​ന​ത്തി​നും ക്ഷ​ത​മേ​ൽ​പി​ക്കാ​വു​ന്ന​താ​ണെ​ന്നും വി​ജ്ഞാ​പ​ന​ത്തി​ലു​ണ്ട്.