ചീഫ് ജസ്റ്റിസ് സാധുത കൽപിച്ചത് ഭരണഘടന വ്യാഖ്യാനിച്ച്

ന്യൂ​ഡ​ൽ​ഹി: ഭ​ര​ണ​ഘ​ട​ന​യു​ടെ 19, 21, 25 അ​നുഛേ​ദ​ങ്ങ​ൾ ഒ​രു​മി​ച്ച് വ്യാ​ഖ്യാ​നി​ച്ചാ​ണ് സ്വ​വ​ർ​ഗ പ​ങ്കാ​ളി​ക​ളു​ടെ ഒ​രു​മി​ച്ചു​ള്ള ജീ​വി​ത​ത്തി​ന് ഭ​ര​ണ​ഘ​ട​നാ സാ​ധു​ത​​യു​ണ്ടെ​ന്ന് ചീ​ഫ് ജ​സ്റ്റി​സ് ഡി.​വൈ ച​ന്ദ്ര​ചൂ​ഡ് വി​ധി പ്ര​സ്താ​വി​ച്ച​ത്.

19(1)എ ​അ​നു​വ​ദി​ക്കു​ന്ന അ​ഭി​പ്രാ​യ സ്വാ​ത​ന്ത്ര്യം, 19(1)സി ​പ്ര​കാ​രം കൂ​ട്ടാ​യ്മ​ക്കും സം​ഘം ചേ​രാ​നു​മു​ള്ള അ​വ​കാ​ശം, 19(1)ഡി ​പ്ര​കാ​രം രാ​ജ്യ​ത്തെ​വി​ടെ​യും സ്വ​ത​ന്ത്ര​മാ​യി സ​ഞ്ച​രി​ക്കാ​നു​ള്ള അ​വ​കാ​ശം 19(1)ഇ ​പ്ര​കാ​രം രാ​ജ്യ​ത്തെ​വി​ടെ​യും താ​മ​സ​മാ​ക്കാ​നു​ള്ള അ​വ​കാ​ശം എ​ന്നി​വ​യെ​ല്ലാം ചേ​ർ​ത്തു​വാ​യി​ച്ചാ​യി​രു​ന്നു ചീ​ഫ് ജ​സ്റ്റി​സി​ന്റെ ഭ​ര​ണ​ഘ​ട​നാ വ്യാ​ഖ്യാ​നം.

എ​ന്നാ​ൽ, ഈ ​വ്യാ​ഖ്യാ​നം ത​ള്ളി​യ ജ​സ്റ്റി​സ് ര​വീ​ന്ദ്ര ഭ​ട്ട് ഏ​തെ​ങ്കി​ലും ത​ര​ത്തി​ലു​ള്ള ഭീ​ഷ​ണി​യോ സ​മ്മ​ർ​ദ​മോ ഇ​ട​പെ​ട​ലോ ഇ​ല്ലാ​തെ സ്വ​വ​ർ​ഗ പ​ങ്കാ​ളി​ക​ൾ​ക്ക് ഒ​രു​മി​ച്ചു​ജീ​വി​ക്കാ​​ൻ ഭ​ര​ണ​ഘ​ട​ന സം​ര​ക്ഷ​ണം ന​ൽ​കു​ന്നു​ണ്ടെ​ങ്കി​ലും വി​വാ​ഹം മൗ​ലി​കാ​വ​കാ​ശ​മാ​ക്കി​യി​ട്ടി​ല്ലെ​ന്ന് ഖ​ണ്ഡി​ച്ചു.

വി​വാ​ഹ​ത്തി​ന് സാ​ർ​വ​ലൗ​കി​ക​മാ​യ ഒ​രു സ​ങ്ക​ൽ​പ​മി​ല്ലെ​ന്നും നി​യ​ന്ത്ര​ണ​ങ്ങ​ൾ വ​ഴി​യാ​ണ് വി​വാ​ഹം നി​യ​മ​പ​ര​മാ​യ സാ​ധു​ത നേ​ടി​യ​തെ​ന്നും ചീ​ഫ് ജ​സ്റ്റി​സ് ചൂ​ണ്ടി​ക്കാ​ട്ടി. സ്വ​വ​ർ​ഗ പ​ങ്കാ​ളി​ക​ളോ​ടൊ​ത്തു​ള്ള ജീ​വി​തം ന​ഗ​ര​വാ​സി​ക​ളു​ടെ​യോ ഉ​പ​രി​വ​ർ​ഗ​ത്തി​​ന്റെ​യോ മാ​ത്ര​മാ​ണെ​ന്ന ധാ​ര​ണ മാ​റി​യെ​ന്നും ഗ്രാ​മ​ങ്ങ​ളി​ലും സ​മൂ​ഹ​ത്തി​ലെ താ​ഴെ ത​ട്ടി​ലു​ള്ള​വ​ർ​ക്കു​മി​ട​യി​ലു​മു​ണ്ടെ​ന്നും ചീ​ഫ് ജ​സ്റ്റി​സ് വ്യ​ക്ത​മാ​ക്കി.

സ്വ​വ​ർ​ഗ പ​ങ്കാ​ളി​ത്ത ജീ​വി​തം ന​യി​ക്കു​ന്ന​വ​രോ​ട് വി​വേ​ച​ന​മ​രു​തെ​ന്നും കേ​ന്ദ്ര, സം​സ്ഥാ​ന സ​ർ​ക്കാ​റു​ക​ളും കേ​ന്ദ്ര ഭ​ര​ണ​പ്ര​ദേ​ശ​ങ്ങ​ളും സ്വ​വ​ർ​ഗ പ​ങ്കാ​ളി​ത്ത ജീ​വി​തം ന​യി​ക്കു​ന്ന​വ​രു​ടെ ആ​നു​കൂ​ല്യ​ങ്ങ​ൾ ത​ട​യ​രു​തെ​ന്നും അ​ഞ്ച് ജ​ഡ്ജി​മാ​രും ഏ​ക​സ്വ​ര​ത്തി​ൽ ആ​വ​ശ്യ​പ്പെ​ട്ടു.

പു​രു​ഷ സ്വ​വ​ർ​ഗ പ​ങ്കാ​ളി​ക​ളാ​യി ക​ഴി​ഞ്ഞ 10 വ​ർ​ഷ​മാ​യി ഹൈ​ദ​രാ​ബാ​ദി​ൽ ക​ഴി​യു​ന്ന സു​പ്രി​യോ ച​ക്ര​വ​ർ​ത്തി​യും അ​ഭ​യ് ഡാം​ഗും ആ​ണ് സ്വ​വ​ർ​ഗ വി​വാ​ഹ​ത്തി​ന് അ​നു​മ​തി തേ​ടി സു​പ്രീം​കോ​ട​തി​യെ ആ​ദ്യം സ​മീ​പി​ച്ച​ത്. പി​ന്നീ​ട് മ​റ്റു ഹ​ര​ജി​ക്കാ​രും കേ​സി​ൽ ക​ക്ഷി ചേ​രു​ക​യാ​യി​രു​ന്നു.