തെരഞ്ഞെടുപ്പ് കമീഷൻ ഒളിച്ചുവെക്കുന്നത്

ന്യൂ​ഡ​ൽ​ഹി​: വാ​ശി​യേ​റി​യ പോ​രാ​ട്ടം ന​ട​ന്ന വ​ട​ക്കു​കി​ഴ​ക്ക​ൻ ഡ​ൽ​ഹി​യി​ലെ ഭ​ജ​ൻ​പു​ര​യി​ൽ പോ​ളി​ങ് ദി​വ​സം പോ​യ​ത് വോ​ട്ടി​ങ് പ്ര​വ​ണ​ത അ​റി​യാ​നാ​യി​രു​ന്നു. ഡ​ൽ​ഹി ക​ലാ​പ​ത്തി​ൽ ക​ത്തി​യെ​രി​ഞ്ഞ പ്ര​ദേ​ശ​ങ്ങ​​ളി​ലൊ​ന്നാ​ണ് ഭ​ജ​ൻ​പു​ര. ക​ലാ​പ​​ക്കേ​സു​ക​ൾ ചു​മ​ത്തി ജ​യി​ലി​ല​ട​ച്ച ആം ​ആ​ദ്മി പാ​ർ​ട്ടി​യു​ടെ മു​നി​സി​പ്പ​ൽ കൗ​ൺ​സി​ല​ർ താ​ഹി​ർ ഹു​സൈ​ന്റെ വീ​ടി​ന​ടു​ത്താ​ണ് വ​ട​ക്കു​കി​ഴ​ക്ക​ൻ ഡ​ൽ​ഹി ലോ​ക്സ​ഭാ മ​ണ്ഡ​ല​ത്തി​ലെ 202ാം ന​മ്പ​ർ ബൂ​ത്ത്.

ബൂ​ത്തി​ലേ​ക്ക് പോ​കാ​നാ​യി സ്കൂ​ളി​ന്റെ ക​വാ​ടം ക​ട​ന്ന​തും പ​റ്റി​ല്ലെ​ന്ന് പ​റ​ഞ്ഞ് പൊ​ലീ​സ് ത​ട​ഞ്ഞു. പോ​ളി​ങ് ദി​വ​സം ബൂ​ത്തു​ക​ളി​ൽ പോ​യി വോ​ട്ടെ​ടു​പ്പ് പ്ര​വ​ണ​ത അ​റി​യാ​ൻ തെ​ര​ഞ്ഞെ​ടു​പ്പ് ക​മീ​ഷ​ൻ ന​ൽ​കി​യ തി​രി​ച്ച​റി​യ​ൽ കാ​ർ​ഡ് കാ​ണി​ച്ചി​ട്ടും വി​ടി​ല്ലെ​ന്നാ​യി പൊ​ലീ​സ്. ഇ​തി​നി​ടെ പൊ​ലീ​സ് ഉ​ദ്യോ​ഗ​സ്ഥ​ൻ പോ​യി തെ​ര​ഞ്ഞെ​ടു​പ്പ് ക​മീ​ഷ​ൻ നി​യോ​ഗി​ച്ച സെ​ക്ട​ർ ഓ​ഫി​സ​റെ കൊ​ണ്ടു​വ​ന്നു.

ബൂ​ത്തി​ൽ പോ​യി നോ​ക്കാ​ൻ അ​നു​വ​ദി​ക്കി​ല്ലെ​ന്നും എ​ന്ത് വി​വ​രം വേ​ണ​മെ​ങ്കി​ലും താ​ൻ ന​ൽ​കു​മെ​ന്നും സെ​ക്ട​റ​ൽ ഓ​ഫി​സ​ർ ശി​വേ​​ന്ദ്ര ത്യാ​ഗി അ​ദ്ദേ​ഹ​മി​രി​ക്കു​ന്ന മു​റി​യി​ലേ​ക്ക് കൂ​ട്ടി​ക്കൊ​ണ്ടു​പോ​യി. പൊ​തു​തെ​ര​ഞ്ഞെ​ടു​പ്പി​ന്റെ ഒ​ന്ന് മു​ത​ൽ നാ​ലു ഘ​ട്ട​ങ്ങ​ളി​ൽ ഉ​ത്ത​ർ​പ്ര​ദേ​ശി​ലും ബി​ഹാ​റി​ലും നി​ര​വ​ധി ബൂ​ത്തു​ക​ൾ തെ​ര​ഞ്ഞെ​ടു​പ്പ് ക​മീ​ഷ​ന്റെ ഈ ​തി​രി​ച്ച​റി​യ​ൽ കാ​ർ​ഡ് വെ​ച്ച് ക​യ​റി​യി​റ​ങ്ങി​യ​താ​ണെ​ന്ന് ചൂ​ണ്ടി​ക്കാ​ണി​ച്ച​പ്പോ​ൾ ഡ​ൽ​ഹി​യി​ൽ അ​ത് അ​നു​വ​ദി​ക്കു​ന്നി​ല്ലെ​ന്നാ​യി​രു​ന്നു ശി​വേ​ന്ദ്ര ത്യാ​ഗി​യു​ടെ മ​റു​പ​ടി.

എ​ന്തു​കൊ​ണ്ടാ​ണ് ര​ണ്ട് സം​സ്ഥാ​ന​ങ്ങ​ളി​ൽ ര​ണ്ട് രീ​തി എ​ന്ന് ചോ​ദി​ച്ചെ​ങ്കി​ലും ത്യാ​ഗി​ക്ക് മ​റു​പ​ടി​യി​ല്ല. ഡ​ൽ​ഹി​യി​ലെ പോ​ളി​ങ് ബൂ​ത്തി​ൽ മാ​ധ്യ​മ​പ്ര​വ​ർ​ത്ത​ക​രി​ൽ​നി​ന്ന് ഒ​ളി​ച്ചു​വെ​ക്കാ​നെ​ന്താ​ണെ​ന്ന് ചോ​ദി​ച്ച​പ്പോ​ൾ ക​മീ​ഷ​ന് പ​രാ​തി ന​ൽ​കി​ക്കോ​ളൂ എ​ന്നാ​യി​രു​ന്നു ത്യാ​ഗി​യു​ടെ മ​റു​പ​ടി.

സു​താ​ര്യ​മാ​യി ന​ട​ക്കേ​ണ്ട തെ​ര​ഞ്ഞെ​ടു​പ്പ് പ്ര​ക്രി​യ​യി​ൽ പോ​ളി​ങ് ബൂ​ത്തു​ക​ളി​ൽ മാ​ധ്യ​മ​പ്ര​വ​ർ​ത്ത​ക​രെ ക​യ​റ്റാ​തെ ഒ​ളി​ച്ചു​വെ​ക്കാ​നെ​ന്താ​ണ് എ​ന്നാ​ലോ​ചി​ച്ച് തി​രി​ച്ചു​വ​രു​മ്പോ​ഴാ​ണ് കോ​ൺ​ഗ്ര​സ് നേ​താ​വാ​യ ക​ന​യ്യ​ക്ക് പ​ര​മാ​വ​ധി വോ​ട്ട് ചെ​യ്യി​ക്കാ​ൻ വോ​ട്ട​ർ​മാ​ർ​ക്ക് സ്ലി​പ്പ് ന​ൽ​കി​ക്കൊ​ണ്ടി​രി​ക്കു​ന്ന ആ​പ് പ്ര​വ​ർ​ത്ത​ക​ൻ ഇ​ഷ്തി​യാ​കി​നെ പ​രി​ച​യ​പ്പെ​ട്ട​ത്.

202ാം ന​മ്പ​ർ ബൂ​ത്തി​ൽ ഇ​ൻ​ഡ്യ സ​ഖ്യ​ത്തി​ന്റെ ബൂ​ത്ത് ഏ​ജ​ന്റി​ല്ലെ​ന്നും ബി.​ജെ.​പി​യു​ടെ ബൂ​ത്ത് ഏ​ജ​ന്റി​നെ മാ​ത്ര​മേ ഇ​രി​ക്കാ​ൻ അ​നു​വ​ദി​ച്ചി​ട്ടു​ള്ളൂ എ​ന്നും ഇ​ഷ്തി​യാ​ക് പ​റ​ഞ്ഞു. താ​ൻ വോ​ട്ടു ചെ​യ്യാ​നാ​യി ബൂ​ത്തി​ന​ക​ത്ത് ചെ​ന്ന​പ്പോ​ഴാ​ണ് ഇ​ത് ശ്ര​ദ്ധ​യി​ൽ​പെ​ട്ട​തെ​ന്നും ബൂ​ത്ത് ഏ​ജ​ന്റി​നെ ഇ​രു​ത്താ​ൻ ശ്ര​മി​ച്ചി​ട്ട് അ​നു​വ​ദി​ച്ചി​ല്ലെ​ന്നും ആ​പ് പ്ര​വ​ർ​ത്ത​ക​ൻ തു​ട​ർ​ന്നു.

ഡ​ൽ​ഹി​യി​ലെ പ​ല ബൂ​ത്തു​ക​ളി​ലും പ്ര​തി​പ​ക്ഷ ഏ​ജ​ന്റു​മാ​രെ ഇ​രി​ക്കാ​ൻ അ​നു​വ​ദി​ച്ചി​ട്ടി​ല്ലെ​ന്ന് മ​റ്റൊ​രു മാ​ധ്യ​മ​പ്ര​വ​ർ​ത്ത​ക​നും പി​ന്നീ​ട് പ​റ​ഞ്ഞു.

പോളിങ് ബൂത്തിൽ ബി.ജെ.പി പോസ്റ്റർ

ന്യൂഡൽഹിയിലെ ആം ആദ്മി പാർട്ടി സ്ഥാനാർഥി സേമാനാഥ് ഭാരതി തന്റെ മണ്ഡലത്തിലെ പോളിങ് ബൂത്തായ നാനക് പുര എം.സി.ഡി പ്രൈമറി സ്കൂളിൽ ഉച്ചക്ക് എത്തിയപ്പോൾ അവിടെ ആപ് പോളിങ് ഏജന്റിനെ കാണാനില്ല. ബി.ജെ.പി പോളിങ് ഏജന്റാകട്ടെ, ബി.ജെ.പി സ്ഥാനാർഥി ഭാസുരി സ്വരാജിന്റെയും പ്രധാനമന്ത്രി നരേന്ദ്ര മോദിയുടെയും താമരയുടെ ചിത്രമുള്ള പോസ്റ്റർ പോളിങ് ബൂത്തിൽ വോട്ടർമാർ കാണാനായി പ്രദർശിപ്പിച്ചിരിക്കുന്നു.

ബി.ജെ.പി പോളിങ് ഏജന്റിനെ തപ്പിയപ്പോൾ ഒരു സഞ്ചി നിറയെ ബി.ജെ.പി പോസ്റ്ററുകൾ. അതുമായിട്ടാണ് അയാൾ ബൂത്തിലിരിക്കുന്നത്. ഇത് തെരഞ്ഞെടുപ്പ് അട്ടിമറിക്കാനുള്ള നീക്കമാണെന്നും നടപടി വേണമെന്നും പൊലീസ് ഉദ്യോഗസ്ഥരോട് ആവശ്യപ്പെട്ട സേമാനാഥ് ഭാരതിയോട് വേണമെങ്കിൽ തെരഞ്ഞെടുപ്പ് കമീഷനോട് പരാതിപ്പെട്ടോളൂ എന്നായിരുന്നു മറുപടി. ദൃശ്യം പകർത്തിയ സോമനാഥ് ഭാരതിയുടെ മൊബൈൽ ഫോൺ പൊലീസ് പിടിച്ചെടുത്തു. ഈ ​തരത്തിലാണ് തെരഞ്ഞെടുപ്പ് എങ്കിൽ പോളിങ് നടത്താതെ നരേന്ദ്ര മോദിയെ മൂന്നാമതും പ്രധാനമ​ന്ത്രിയായി വിജയിയായി പ്രഖ്യാപിക്കുകയാണ് കമീഷൻ ചെയ്യേണ്ടതെന്ന് പറഞ്ഞ് സോമനാഥ് ഭാരതി ഈ ദൃശ്യം പങ്കുവെച്ചു.

17 (സി) ഫോറത്തിൽ രാവിലെ ഒപ്പിടണമെന്ന്

ജനക്പുരി അനൂജ് നയ്യാർ സ്കൂളിലെ ബൂത്തിൽ ആം ആദ്മി പാർട്ടിയുടെ പോളിങ് ഏജന്റിനോട് 17(സി) ഫോറത്തിൽ രാവിലെ തന്നെ ഒപ്പുവെക്കാനാവശ്യപ്പെട്ട വിവരമാണ് ആപ് നേതാവ് ആതിഷി പങ്കുവെച്ചത്. വോട്ടെടുപ്പ് കഴിഞ്ഞ ശേഷം ആ ബൂത്തിൽ എത്ര വോട്ട് പോൾ ചെയ്തുവെന്ന് വോട്ടുയന്ത്രം നോക്കി രേഖപ്പെടുത്തിയ ശേഷം എല്ലാ സ്ഥാനാർഥികളുടെയും പോളിങ് ഏജന്റുമാർ സാക്ഷ്യപ്പെടുത്താനുള്ളതാണ് 17(സി) ഫോറം. വോട്ടു ചെയ്യുന്നവരുടെ കണക്കുകൾ കടലാസിൽ രേഖപ്പെടുത്തരുതെന്നായിരുന്നു കൽകാജി ഗവൺമെന്റ് സ്കൂളിലെ ബുത്തിൽ പോളിങ് ഏജന്റുമാർക്ക് നൽകിയ നിർദേശം.