സ​മ​രം 50 ദി​വ​സം പി​ന്നിട്ടു; കര്‍ഷക നേതാവ് ജഗ്ജിത് സിങ് ദല്ലേവാളിന്റെ ആരോഗ്യസ്ഥിതി ഗുരുതരം

ന്യൂ​ഡ​ൽ​ഹി: അ​നി​ശ്ചി​ത​കാ​ല നി​രാ​ഹാ​ര​സ​മ​രം ന​ട​ത്തു​ന്ന ക​ര്‍ഷ​ക നേ​താ​വ് ജ​ഗ്ജി​ത് സി​ങ് ദ​ല്ലേ​വാ​ളി​ന്റെ ആ​രോ​ഗ്യ​സ്ഥി​തി ഗു​രു​ത​ര​മാ​യി തു​ട​രു​ന്നു. സ​മ​രം 50 ദി​വ​സം പി​ന്നി​ടു​ന്ന​തി​നി​ടെ തി​ങ്ക​ളാ​ഴ്ച വൈ​കീ​ട്ട്​ ദ​ല്ലേ​വാ​ളി​ന്റെ ര​ക്ത​സ​മ്മ​ർ​ദം കു​റ​യു​ക​യും ഛർ​ദി​ക്കു​ക​യും ചെ​യ്തി​രു​ന്നു.

ആ​രോ​ഗ്യ​നി​ല വ​ഷ​ളാ​വു​ക​യാ​ണെ​ന്നും ഏ​ത് നി​മി​ഷ​വും എ​ന്തും സം​ഭ​വി​ക്കാ​മെ​ന്നു​മാ​ണ്​ വൈ​ദ്യ​സം​ഘ​വും ന​ൽ​കു​ന്ന മു​ന്ന​റി​യി​പ്പ്​. ദ​ല്ലേ​വാ​ളി​ന് ചി​കി​ത്സ ല​ഭ്യ​മാ​ക്കു​ന്ന​തു​മാ​യി ബ​ന്ധ​പ്പെ​ട്ട ഹ​ര​ജി​ സു​പ്രീം​കോ​ട​തി ബു​ധ​നാ​ഴ്​​ച പ​രി​ഗ​ണി​ക്കാ​നി​രി​ക്കു​ക​യാ​ണ്. ക​ർ​ഷ​ക ആ​വ​ശ്യ​ങ്ങ​ൾ പ​രി​ഗ​ണി​ക്കാ​ൻ കേ​ന്ദ്ര സ​ർ​ക്കാ​റി​ന് നി​ർ​ദേ​ശം ന​ൽ​ക​ണ​മെ​ന്നാ​വ​ശ്യ​പ്പെ​ട്ടു​ള്ള ഹ​ര​ജി​ ജ​സ്റ്റി​സു​മാ​രാ​യ സൂ​ര്യ​കാ​ന്ത്, എ​ൻ. കോ​ടീ​ശ്വ​ർ സി​ങ് എ​ന്നി​വ​ര​ട​ങ്ങി​യ ബെ​ഞ്ചാ​ണ് പ​രി​ഗ​ണി​ക്കു​ന്ന​ത്.

മി​നി​മം താ​ങ്ങു​വി​ല ഉ​ൾ​പ്പെ​ടെ വി​ഷ​യ​ങ്ങ​ളി​ൽ സു​പ്രീം​കോ​ട​തി വാ​ദം കേ​ൾ​ക്കും. ഡി​സം​ബ​ർ 20ന് ​ദ​ല്ലേ​വാ​ളി​നെ ആ​ശു​പ​ത്രി​യി​ലേ​ക്ക് മാ​റ്റു​ന്ന​ത് സം​ബ​ന്ധി​ച്ച് പു​റ​പ്പെ​ടു​വി​ച്ച നി​ർ​ദേ​ശ​ങ്ങ​ൾ പാ​ലി​ക്കാ​ത്ത​തി​ന് പ​ഞ്ചാ​ബ് സ​ർ​ക്കാ​റി​നെ​തി​രെ കോ​ട​തി​യ​ല​ക്ഷ്യ ന​ട​പ​ടി ആ​വ​ശ്യ​പ്പെ​ട്ടു​ള്ള ഹ​ര​ജി​​യും കോ​ട​തി പ​രി​ഗ​ണി​ക്കും.

വി​ള​ക​ളു​ടെ മി​നി​മം താ​ങ്ങു​വി​ല നി​യ​മ​പ​ര​മാ​യി ഉ​റ​പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട് ന​വം​ബ​ർ 26 മു​ത​ലാ​ണ് സം​യു​ക്ത കി​സാ​ൻ മോ​ർ​ച്ച (രാ​ഷ്ട്രീ​യേ​ത​ര) ക​ൺ​വീ​ന​റാ​യ ദ​ല്ലേ​വാ​ൾ പ​ഞ്ചാ​ബി​നും ഹ​രി​യാ​ന​ക്കും ഇ​ട​യി​ലു​ള്ള ഖ​നൗ​രി അ​തി​ർ​ത്തി​യി​ൽ നി​രാ​ഹാ​ര സ​മ​രം ആ​രം​ഭി​ച്ച​ത്. അ​തി​ർ​ത്തി​യി​ൽ പ്ര​തി​ഷേ​ധി​ക്കു​ന്ന ക​ർ​ഷ​ക​രു​മാ​യി ച​ർ​ച്ച ന​ട​ത്താ​ൻ കേ​ന്ദ്ര സ​ർ​ക്കാ​ർ നി​യോ​ഗി​ച്ച റി​ട്ട. ജ​സ്റ്റി​സ് ന​വാ​ബ് സി​ങ്ങു​മാ​യി കൂ​ടി​ക്കാ​ഴ്ച ന​ട​ത്താ​ൻ ദ​ല്ലേ​വാ​ൾ സ​മ്മ​തി​ച്ചി​രു​ന്നു. ക​ർ​ഷ​ക വി​ഷ​യ​ങ്ങ​ളി​ൽ കേ​ന്ദ്ര സ​ർ​ക്കാ​ർ ച​ർ​ച്ച​ക്ക് ത​യാ​റാ​കാ​തെ നി​രാ​ഹാ​ര​ത്തി​ൽ​നി​ന്ന് പി​ന്മാ​റി​ല്ലെ​ന്ന് കൂ​ടി​ക്കാ​ഴ്ച​യി​ൽ അ​ദ്ദേ​ഹം വ്യ​ക്ത​മാ​ക്കു​ക​യാ​യി​രു​ന്നു.