കർണാടകയിൽ യു​വ​തി കൊ​ല്ല​പ്പെ​ട്ട സം​ഭ​വം; എ​സ്.​ഐ​ക്കും കോ​ൺസ്റ്റബിളിനും സ​സ്പെ​ൻ​ഷ​ൻ

ബം​ഗ​ളൂ​രു: യു​വ​തി​യു​ടെ ജീ​വ​ന് ഭീ​ഷ​ണി​യു​ണ്ടെ​ന്ന ബ​ന്ധു​ക്ക​ളു​ടെ പ​രാ​തി അ​വ​ഗ​ണി​ച്ച​തി​ന് എ​സ്.​ഐ​ക്കും പൊ​ലീ​സി​നും സ​സ്​​പെ​ൻ​ഷ​ൻ. ഹു​ബ്ബ​ള്ളി ന​ഗ​ര​ത്തി​ൽ ബെ​ൻ​ഡി​ഗേ​രി പൊ​ലീ​സ് സ്റ്റേ​ഷ​ൻ സ​ബ് ഇ​ൻ​സ്പെ​ക്ട​ർ ച​ന്ദ്ര​കാ​ന്ത്, കോ​ൺ​സ്റ്റ​ബി​ൾ രേ​ഖ ഹ​വ​റെ​ഡ്ഡി എ​ന്നി​വ​രെ​യാ​ണ് ഹു​ബ്ബ​ള്ളി-​ധാ​ർ​വാ​ഡ് പൊ​ലീ​സ് ക​മീ​ഷ​ണ​ർ രേ​ണു​ക സു​കു​മാ​ർ സ​സ്പെ​ൻ​ഡ് ചെ​യ്ത​ത്.

ബു​ധ​നാ​ഴ്ച പു​ല​ർ​ച്ചെ കൊ​ല്ല​പ്പെ​ട്ട യു​വ​തി​യു​ടെ ജീ​വ​ന് ഭീ​ഷ​ണി​യു​ണ്ടെ​ന്ന ബ​ന്ധു​ക്ക​ളു​ടെ പ​രാ​തി​യാ​ണ് അ​വ​ഗ​ണി​ച്ച​ത്. വീ​ര​പു​ര ഓ​നി​യി​ൽ അ​ഞ്ജ​ലി അം​ബി​ഗെ​ര​യാ​ണ്(20) കൊ​ല്ല​പ്പെ​ട്ട​ത്. അ​ക്ര​മി കെ. ​വി​ശ്വ എ​ന്ന ഗി​രീ​ഷ് (27) കൃ​ത്യം ചെ​യ്ത​ശേ​ഷം ര​ക്ഷ​പ്പെ​ട്ടു. യു​വ​തി​യു​ടെ വ​ല്ല്യ​മ്മ ഗം​ഗ​മ്മ​യും സ​ഹോ​ദ​രി​മാ​രും മാ​ത്ര​മു​ള്ള സ​മ​യ​ത്താ​ണ് അ​ക്ര​മി വീ​ട്ടി​ൽ എ​ത്തി​യ​തെ​ന്ന് പൊ​ലീ​സ് പ​റ​ഞ്ഞു. യു​വ​തി​യെ വ​ലി​ച്ചി​ഴ​ച്ച് അ​ടു​ക്ക​ള ഭാ​ഗ​ത്തേ​ക്ക് കൊ​ണ്ടു​പോ​യി ക​ത്തി ഉ​പ​യോ​ഗി​ച്ച് തു​രു​തു​രാ കു​ത്തി കൊ​ല്ലു​ക​യാ​യി​രു​ന്നു.

ര​ക്ഷി​താ​ക്ക​ൾ അ​റി​യാ​തെ ഒ​രു​മി​ച്ച് മൈ​സൂ​രു​വി​ൽ പോ​വാ​ൻ അ​ഞ്ജ​ലി​യെ വി​ശ്വ നി​ർ​ബ​ന്ധി​ച്ചി​രു​ന്ന​താ​യി മു​ത്ത​ശ്ശി പ​റ​ഞ്ഞു. യു​വാ​വി​ന്റെ മോ​ശം പ​ശ്ചാ​ത്ത​ലം അ​റി​യു​ന്ന​തി​നാ​ൽ ഇ​തു​സം​ബ​ന്ധി​ച്ച് മു​ത്ത​ശ്ശി പൊ​ലീ​സി​ൽ പ​രാ​തി ന​ൽ​കി​യി​രു​ന്നു. വ​ഴ​ങ്ങി​യി​ല്ലെ​ങ്കി​ൽ നേ​ഹ​യു​ടെ അ​നു​ഭ​വ​മു​ണ്ടാ​കു​മെ​ന്ന് അ​ഞ്ജ​ലി​യെ ഭീ​ഷ​ണി​പ്പെ​ടു​ത്തി​യ കാ​ര്യം ഉ​ണ​ർ​ത്തി​യാ​യി​രു​ന്നു പ​രാ​തി.

എ​ന്നാ​ൽ വെ​റു​തെ തോ​ന്നു​ന്ന​താ​ണെ​ന്നും അ​തി​ന്റെ പേ​രി​ൽ കേ​സെ​ടു​ക്കാ​നാ​വി​ല്ലെ​ന്നും പ​റ​ഞ്ഞ് പൊ​ലീ​സ് തി​രി​ച്ച​യ​ക്കു​ക​യാ​യി​രു​ന്നു. വി​ശ്വ ബൈ​ക്ക് മോ​ഷ​ണം ഉ​ൾ​പ്പെ​ടെ നി​ര​വ​ധി കേ​സു​ക​ളി​ൽ പ്ര​തി​യാ​ണെ​ന്ന് പൊ​ലീ​സി​ന് അ​റി​യാ​മാ​യി​രു​ന്നു.