ചോദ്യക്കോഴയല്ല, മഹുവയാണ് കൃഷ്ണനഗറിലെ വിഷയം

കൃ​ഷ്ണ​ന​ഗ​റി​ലെ തെ​ര​ഞ്ഞെ​ടു​പ്പി​ന് ഇ​ക്കു​റി മാ​ന​ങ്ങ​ളേ​റെ​യാ​ണ്. ചോ​ദ്യ​ക്കോ​ഴ ആ​രോ​പി​ച്ച് പാ​ർ​ല​മെ​ന്റി​ൽ​നി​ന്ന് പു​റ​ത്താ​ക്ക​പ്പെ​ട്ട മ​ഹു​വ മൊ​യ്ത്ര മ​ത്സ​രി​ക്കു​ന്ന മ​ണ്ഡ​ലം. ശ​ത്രു​വാ​യ മ​ഹു​വ വീ​ണ്ടും പാ​ർ​ല​മെ​ന്റി​ൽ എ​ത്താ​തി​രി​ക്കാ​ൻ എ​ല്ലാ അ​ട​വും പ​യ​റ്റു​ന്നു​ണ്ട് ബി.​​ജെ.​പി. പ്ര​ധാ​ന​മ​ന്ത്രി ന​രേ​​ന്ദ്ര മോ​ദി ഇ​വി​ടെ പ്ര​ചാ​ര​ണ​ത്തി​ന് എ​ത്തി​യ​ത് ര​ണ്ടു ത​വ​ണ​യാ​ണ്. ക​ഴി​ഞ്ഞ ദി​വ​സം അ​മി​ത് ഷാ​യും കൃ​ഷ്ണ​ന​ഗ​റി​ൽ വ​ന്നി​റ​ങ്ങി

എ​ന്നാ​ൽ, ഇ​തൊ​ന്നും ത​ന്റെ വി​ജ​യ​ത്തെ ബാ​ധി​ക്കി​ല്ലെ​ന്ന മ​ട്ടി​ലാ​ണ് മ​ഹു​വ​യു​ടെ പ്ര​ചാ​ര​ണം. പാ​ർ​ല​​മെ​ന്റി​ൽ ​ദേ​ശീ​യ, അ​ന്ത​ർ​ദേ​ശീ​യ വി​ഷ​യ​ങ്ങ​ളി​ൽ ന​ട​ത്തു​ന്ന തീ​പ്പൊ​രി പ്ര​സം​ഗ​മൊ​ന്നും തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ൽ മ​ഹു​വ ഉ​പ​യോ​ഗി​ക്കു​ന്നി​ല്ല. പാ​ർ​ല​മെ​ന്റി​ൽ ത​ന്നെ പു​റ​ത്താ​ക്കി​യ​തും ച​ർ​ച്ച​യാ​ക്കു​ന്നി​ല്ല. മ​ണ്ഡ​ല​ത്തി​ലെ വി​ക​സ​ന​വും തൃ​ണ​മൂ​ൽ കോ​ൺ​ഗ്ര​സ് സ​ർ​ക്കാ​ർ കൊ​ണ്ടു​വ​ന്ന ജ​ന​ക്ഷേ​മ പ്ര​വ​ർ​ത്ത​ന​ങ്ങ​ളും പ​ച്ച​യാ​യ ബം​ഗാ​ളി ഭാ​ഷ​യി​ൽ സം​സാ​രി​ച്ചാ​ണ് വോ​ട്ടു​പി​ടി​ത്തം.

ഉ​ഷ്ണ​ത​രം​ഗം മ​റി​ക​ട​ക്കാ​ൻ അ​തി​രാ​വി​ലെ തു​ട​ങ്ങു​ന്ന റോ​ഡ്​ ഷോ​യാ​ണ് പ്ര​ധാ​ന പ്ര​ചാ​ര​ണ രീ​തി. ബം​ഗ്ലാ​ദേ​ശു​മാ​യി അ​തി​ർ​ത്തി പ​ങ്കി​ടു​ന്ന, വ​ട​ക്ക​ൻ ബം​ഗാ​ൾ വ​രെ നീ​ണ്ടു​കി​ട​ക്കു​ന്ന മ​ണ്ഡ​ല​ത്തി​ലെ മു​ക്കും മൂ​ല​യി​ലും എ​ത്താ​ൻ റോ​ഡ് ഷോ ​മാ​ത്ര​മാ​ണ് മാ​ർ​ഗം. യാ​ത്ര​ക്കി​ടെ കാ​ത്തു​നി​ൽ​ക്കു​ന്ന സ്​​ത്രീ​ക​ളെ ക​ണ്ടാ​ൽ വാ​ഹ​നം നി​ർ​ത്തി ആ​​​ലിം​ഗ​നം ചെ​യ്യും.

വൈ​കീ​ട്ട് ​റാ​ലി​ക​ളെ അ​ഭി​സം​ബോ​ധ​ന ചെ​യ്യും. സ്ത്രീ​ക​ൾ​ക്കു​ള്ള സം​സ്ഥാ​ന സ​ർ​ക്കാ​റി​ന്റെ ക​ന്യാ​ശ്രീ, ല​ക്ഷ്മി ഭ​ണ്ഡാ​ർ, രൂ​പ​ശ്രീ പ​ദ്ധ​തി​ക​ൾ വോ​ട്ടാ​കു​മെ​ന്ന പ്ര​തീ​ക്ഷ​യി​ലാ​ണ് മ​ഹു​വ. പാ​ർ​ട്ടി അ​ധ്യ​ക്ഷ​യും മു​ഖ്യ​മ​ന്ത്രി​യു​മാ​യ മ​മ​ത ബാ​ന​ർ​ജി​യും മ​ണ്ഡ​ല​ത്തി​ൽ പ്ര​ചാ​ര​ണ​ത്തി​നാ​യി ഒ​ന്നി​ല​ധി​കം ത​വ​ണ എ​ത്തി.

ക​ഴി​ഞ്ഞ ത​വ​ണ കൃ​ഷ്ണ​ന​ഗ​ർ മ​ണ്ഡ​ല​ത്തി​ൽ​നി​ന്ന് 65,000 വോ​ട്ടി​നാ​യി​രു​ന്നു മ​ഹു​വ​യു​​ടെ വി​ജ​യം. ഇ​ക്കു​റി ഭൂ​രി​പ​ക്ഷം ല​ക്ഷം ക​ട​ക്കു​മെ​ന്നാ​ണ് മ​ഹു​വ പ​റ​യു​ന്ന​ത്. ലോ​ക്സ​ഭ തെ​ര​ഞ്ഞെ​ടു​പ്പി​നു​ശേ​ഷം ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ ഏ​ഴി​ൽ ആ​റു സീ​റ്റി​ലും മി​ക​ച്ച ഭൂ​രി​പ​ക്ഷ​ത്തി​ന് പാ​ർ​ട്ടി എം.​എ​ൽ.​എ​മാ​ർ ജ​യി​ച്ച​തും മ​ഹു​വ ചൂ​ണ്ടി​ക്കാ​ട്ടു​ന്നു.

എ​ന്നാ​ൽ, മ​ണ്ഡ​ല​ത്തി​ൽ മ​ത്സ​രം ക​ടു​പ്പ​മാ​ണെ​ന്നാ​ണ് പാ​ർ​ട്ടി പ്ര​വ​ർ​ത്ത​ക​രു​ടെ വി​ല​യി​രു​ത്ത​ൽ. കൃ​ഷ്ണ​ന​ഗ​ർ ഉ​ൾ​പ്പെ​ടു​ന്ന നാ​ദി​യ ജി​ല്ല​യി​ലു​ണ്ടാ​യ വ​ർ​ഗീ​യ ക​ലാ​പ​ങ്ങ​ളും പൗ​ര​ത്വ​ ഭേ​ദ​ഗ​തി വി​ജ്ഞാ​പ​ന​വും ബി.​ജെ.​പി ആ​യു​ധ​മാ​ക്കു​ന്നു​ണ്ട്.

മ​ഹു​വ​യു​ടെ പ്ര​ചാ​ര​ണ രീ​തി​യി​ൽ പ്രാ​ദേ​ശി​ക പാ​ർ​ട്ടി പ്ര​വ​ർ​ത്ത​ക​ർ​ക്ക് അ​മ​ർ​ഷ​മു​ണ്ട്. പ്ര​ചാ​ര​ണ​ത്തി​ന് അ​വ​രു​ടെ​താ​യ ടീം ​ഉ​ണ്ടെ​ന്നും ആ​വ​ശ്യ​മു​ണ്ടെ​ങ്കി​ൽ മാ​ത്ര​മേ ത​ങ്ങ​ളു​ടെ സ​ഹാ​യം തേ​ടു​ന്നു​ള്ളൂ എ​ന്നു​മാ​ണ് പ്ര​വ​ർ​ത്ത​ക​രു​ടെ പ​രാ​തി.

കോ​ടീ​ശ്വ​രി​യും രാ​ജ​കു​ടും​ബാം​ഗ​വു​മാ​യ രാ​ജ​മാ​താ എ​ന്ന​റി​യ​പ്പെ​ടു​ന്ന അ​മൃ​ത റോ​യി​യെ​യാ​ണ് ബി.​ജെ.​പി ക​ള​ത്തി​ലി​റ​ക്കി​യി​ട്ടു​ള്ള​ത്. ഫാ​ഷ​ൻ ഡി​സൈ​ന​റാ​യ, രാ​ഷ്ട്രീ​യ പ​രി​ച​യ​മി​ല്ലാ​ത്ത അ​മൃ​ത അ​ടു​ത്തി​ടെ​യാ​ണ് ബി.​ജെ.​പി​യി​ൽ ചേ​ർ​ന്ന​ത്. കൃ​ഷ്ണ​ന​ഗ​റി​ൽ അ​മൃ​ത​യു​ടെ രാ​ജ​കു​ടും​ബ​ത്തി​ന് ച​രി​ത്ര​പ്രാ​ധാ​ന്യം ഉ​ണ്ട്. ഇ​ത് തി​രി​ച്ച​റി​ഞ്ഞ് ബി.​ജെ.​പി അ​വ​രെ തെ​ര​ഞ്ഞെ​ടു​പ്പി​ലേ​ക്ക് ഇ​റ​ക്കു​ക​യാ​യി​രു​ന്നു.

ബം​ഗ്ലാ​ദേ​ശി​ൽ​നി​ന്ന് കു​ടി​യേ​റി​യെ​ത്തി​യ മ​തു​വ സ​മു​ദാ​യ​ത്തി​ലാ​ണ് ബി.​ജെ.​പി​യു​ടെ പ്ര​തീ​ക്ഷ. കൃ​ഷ്ണ​ന​ഗ​ർ മ​ണ്ഡ​ല​ത്തി​ൽ വ​ലി​യ വോ​ട്ടു​ബാ​ങ്കാ​ണ് മ​തു​വ വി​ഭാ​ഗം. ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ലും തു​ട​ർ​ന്ന് ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ലും മ​തു​വ സ​മു​ദാ​യ​ത്തി​ന് സ്വാ​ധീ​ന​മു​ള്ള സൗ​ത്ത് ബം​ഗാ​ളി​ൽ ബി.​ജെ.​പി നേ​ട്ട​മു​ണ്ടാ​ക്കി​യി​രു​ന്നു. ഇ​വ​രു​ടെ വോ​ട്ടു​ബാ​ങ്ക് ല​ക്ഷ്യ​മി​ട്ടാ​ണ് തെ​ര​ഞ്ഞെ​ടു​പ്പി​ന് തൊ​ട്ടു മു​മ്പ് പൗ​ര​ത്വ ഭേ​ദ​ഗ​തി വി​ജ്ഞാ​പ​നം കൊ​ണ്ടു​വ​ന്ന​തെ​ന്ന ആ​ക്ഷേ​പ​മു​ണ്ട്.

കോ​ൺ​ഗ്ര​സു​മാ​യി സ​ഖ്യ​ത്തി​ൽ മ​ത്സ​രി​ക്കു​ന്ന സി.​പി.​എം, എ​സ്.​എം സാ​ദി എ​ന്ന മു​സ്‍ലിം സ്ഥാ​നാ​ർ​ഥി​യെ ആ​ണ് നി​ർ​ത്തി​യി​രി​ക്കു​ന്ന​ത്. മു​ൻ എം.​എ​ൽ.​എ കൂ​ടി​യാ​ണ് സാ​ദി. 29 ശ​ത​മാ​ന​ത്തോ​ളം വ​രു​ന്ന മു​സ്‍ലിം വി​ഭാ​ഗ​ത്തി​ന്റെ വോ​ട്ട് സി.​പി.​എ​മ്മി​ന് പോ​കു​മെ​ന്നും ത​ങ്ങ​ൾ വി​ജ​യി​ക്കു​മെ​ന്നും ബി.​ജെ.​പി നാ​ദി​യ ജി​ല്ല വ​നി​ത നേ​താ​വ് തു​ലി​ക ഭ​ട്ടാ​ചാ​ര്യ പ​റ​ഞ്ഞു.

സി.​പി.​എ​മ്മി​ന് ക​ഴി​ഞ്ഞ ത​വ​ണ 8.9 ശ​ത​മാ​നം വോ​ട്ടാ​ണ് ല​ഭി​ച്ച​ത്. 2014ൽ 29 ​ശ​ത​മാ​ന​ത്തോ​ളം ല​ഭി​ച്ചി​രു​ന്നു. കോ​ൺ​ഗ്ര​സ് സ​ഖ്യ​ത്തി​ൽ മ​ത്സ​രി​ക്കു​ന്ന​തി​ൽ ഇ​ക്കു​റി നേ​ട്ട​മു​ണ്ടാ​ക്കാ​നാ​കു​മെ​ന്നാ​ണ് പാ​ർ​ട്ടി വി​ല​യി​രു​ത്ത​ൽ.