കേ​ന്ദ്ര​ത്തോ​ട് നി​യ​മ ക​മീ​ഷ​ൻ രാജ്യദ്രോഹക്കുറ്റം അനിവാര്യം

ന്യൂ​ഡ​ൽ​ഹി: സു​പ്രീം​കോ​ട​തി മ​ര​വി​പ്പി​ച്ച, ഇ​ന്ത്യ​ൻ ശി​ക്ഷാ നി​യ​മ​ത്തി​ലെ രാ​ജ്യ​ദ്രോ​ഹ​ക്കു​റ്റം അ​നി​വാ​ര്യ​മാ​ണെ​ന്ന് 22ാം നി​യ​മ ക​മീ​ഷ​ൻ റി​പ്പോ​ർ​ട്ട്. രാ​ജ്യ​ദ്രോ​ഹ​ക്കു​റ്റം ചു​മ​ത്തി​യാ​ലു​ള്ള ശി​ക്ഷ മൂ​ന്ന് വ​ർ​ഷ​ത്തി​ന് പ​ക​രം ഏ​ഴ് വ​​ർ​ഷം മു​ത​ൽ ജീ​വ​പ​ര്യ​ന്തം വ​രെ​യാ​ക്കി ഉ​യ​ർ​ത്ത​ണ​മെ​ന്നും പ്രാ​ഥ​മി​ക അ​ന്വേ​ഷ​ണം ന​ട​ത്തി​യ​ശേ​ഷം കു​റ്റം ചു​മ​ത്ത​ണ​മെ​ന്നും ക​മീ​ഷ​ൻ ശി​പാ​ർ​ശ​ചെ​യ്തു. യു.​എ.​പി.​എ, എ​ൻ.​എ​സ്.​എ പോ​ലു​ള്ള ഭീ​ക​ര​വി​രു​ദ്ധ നി​യ​മ​ങ്ങ​ൾ രാ​ജ്യ​​​ദ്രോ​ഹ​ക്കു​റ്റ​ത്തി​ന്റെ അ​നി​വാ​ര്യ​ത ഇ​ല്ലാ​താ​ക്കു​ന്നി​ല്ലെ​ന്നും ക​മീ​ഷ​ൻ സ​മ​ർ​പ്പി​ച്ച റി​പ്പോ​ർ​ട്ട് ഓ​ർ​മി​പ്പി​ച്ചു.

വ്യാ​പ​ക​മാ​യി ദു​രു​പ​യോ​ഗം ചെ​യ്യു​ന്നു​വെ​ന്ന പ​രാ​തി​യെ തു​ട​ർ​ന്ന്, ബ്രി​ട്ടീ​ഷ് കോ​ള​നി​കാ​ല​ത്തെ നി​യ​മ​മാ​ണെ​ന്ന് വി​മ​ർ​ശി​ച്ചാ​ണ് മു​ൻ ചീ​ഫ് ജ​സ്റ്റി​സ് എ​ൻ.​വി. ര​മ​ണ അ​ധ്യ​ക്ഷ​നാ​യ ബെ​ഞ്ച് 2022 മേ​യ് 11ന് ​രാ​ജ്യ​ദ്രോ​ഹ​ക്കു​റ്റം (ഐ.​പി.​സി 124 എ) ​മ​ര​വി​പ്പി​ച്ച​ത്. രാ​ജ്യ​ദ്രോ​ഹ​ക്കു​റ്റം ഇ​ന്ത്യ​ൻ ശി​ക്ഷാ നി​യ​മ​ത്തി​ൽ​നി​ന്ന് നീ​ക്കം​ചെ​യ്യ​ണ​മെ​ന്ന ഹ​ര​ജി​യി​ൽ സു​പ്രീം​കോ​ട​തി അ​തി​ന്റെ വി​ല​പ്പെ​ട്ട സ​മ​യം ക​ള​യ​രു​തെ​ന്നും കേ​ന്ദ്രം വി​ഷ​യം പു​നഃ​പ​രി​ശോ​ധി​ക്കു​ന്നു​ണ്ടെ​ന്നും മോ​ദി​സ​ർ​ക്കാ​ർ അ​റി​യി​ച്ച ശേ​ഷ​മാ​യി​രു​ന്നു ഇ​ത്. ഇ​നി​യൊ​രു​ത്ത​ര​വ് ഉ​ണ്ടാ​കു​ന്ന​ത് വ​രെ വി​വാ​ദ​വ​കു​പ്പ് ഒ​രാ​ൾ​ക്കെ​തി​രെ​യും ചു​മ​ത്ത​രു​തെ​ന്ന് പൊ​ലീ​സി​നെ അ​റി​യി​ക്കാ​ൻ കേ​ന്ദ്ര, സം​സ്ഥാ​ന സ​ർ​ക്കാ​റു​ക​ൾ​ക്ക് സു​പ്രീം​കോ​ട​തി നി​ർ​ദേ​ശ​വും ന​ൽ​കി.

എ​ന്നാ​ൽ ഈ ​വി​ധി​ക്ക് വി​രു​ദ്ധ​മാ​യി, രാ​ജ്യ​ദ്രോ​ഹ​ക്കു​റ്റം പു​നഃ​സ്ഥാ​പി​ക്ക​ണ​മെ​ന്നും ദു​രു​പ​യോ​ഗം ചെ​യ്യു​ന്ന​ത് ത​ട​യാ​ൻ കേ​ന്ദ്ര​സ​ർ​ക്കാ​ർ മാ​ർ​ഗ​നി​ർ​​ദേ​ശ​ങ്ങ​ൾ കൊ​ണ്ടു​വ​ന്നാ​ൽ മ​തി​യെ​ന്നു​മാ​ണ് നി​യ​മ ക​മീ​ഷ​ൻ റി​പ്പോ​ർ​ട്ട്. കോ​ള​നി​കാ​ല​ത്തെ നി​യ​മ​മെ​ന്ന നി​ല​ക്ക് റ​ദ്ദാ​ക്കി​യാ​ൽ ഇ​ന്ത്യ​ൻ ശി​ക്ഷാ നി​യ​മ​മൊ​ന്നാ​കെ ഒ​ഴി​വാ​ക്കേ​ണ്ടി​വ​രു​മെ​ന്ന് ക​മീ​ഷ​ൻ പ​റ​യു​ന്നു. രാ​ജ്യ​ത്തി​​ന്റെ സ്ഥി​ര​ത​ക്കും സു​ര​ക്ഷ​ക്കും നി​യ​മ​പ്ര​കാ​രം സ്ഥാ​പി​ത​മാ​യ സ​ർ​ക്കാ​ർ നി​ല​നി​ൽ​ക്കേ​ണ്ട​ത് ആ​വ​ശ്യ​മാ​ണ്. തെ​ര​ഞ്ഞെ​ടു​ക്ക​പ്പെ​ട്ട സ​ർ​ക്കാ​റു​ക​ളെ ഹിം​സ​യി​ലൂ​ടെ​യും നി​യ​മ​വി​രു​ദ്ധ​മാ​യും പു​റ​ന്ത​ള്ളാ​ൻ നോ​ക്കു​ന്ന ദേ​ശ​വി​രു​ദ്ധ ശ​ക്തി​ക​ൾ​ക്കും വി​ഘ​ട​ന​വാ​ദി​ക​ൾ​ക്കു​മെ​തി​രെ പ്ര​യോ​ഗി​ക്കാ​ൻ ഈ ​വ​കു​പ്പ് ആ​വ​ശ്യ​മാ​ണ്. ശി​ക്ഷാ കാ​ല​യ​ള​വ് നി​ല​വി​ലു​ള്ള മൂ​ന്ന് വ​ർ​ഷ​മെ​ന്ന​ത് ഏ​ഴ് വ​ർ​ഷം മു​ത​ൽ ജീ​വ​പ​ര്യ​ന്തം​വ​രെ ആ​ക്ക​ണ​മെ​ന്നും ആ​വ​ശ്യ​പ്പെ​ട്ടു.

വി​വാ​ദ​വ​കു​പ്പ് ഇ​ന്ത്യ​ൻ ഭ​ര​ണ​ഘ​ട​ന അ​നു​വ​ദി​ക്കു​ന്ന മൗ​ലി​കാ​വ​കാ​ശ​ങ്ങ​ളു​ടെ​യോ അ​ഭി​പ്രാ​യ​സ്വാ​ത​ന്ത്ര്യ​ത്തി​ന്റെ​യോ ലം​ഘ​ന​മാ​ണെ​ന്ന ആ​ക്ഷേ​പം ക​മീ​ഷ​നി​ല്ല. നി​യ​മ വി​രു​ദ്ധ പ്ര​വ​ർ​ത്ത​ന നി​രോ​ധ​ന നി​യ​മം (യു.​എ.​പി.​എ), ദേ​ശ​സു​ര​ക്ഷാ നി​യ​മം (എ​ൻ.​എ​സ്.​എ) നി​ല​വി​ലു​ള്ള​പ്പോ​ൾ രാ​ജ്യ​ദ്രോ​ഹ​ക്കു​റ്റം വേ​ണ്ട എ​ന്ന അ​ഭി​പ്രാ​യ​വും ക​മീ​ഷ​ൻ ത​ള്ളി. യു.​എ.​പി.​എ ഭീ​ക​ര - അ​ട്ടി​മ​റി പ്ര​വ​ർ​ത്ത​ന​ങ്ങ​ൾ ത​ട​യാ​നു​ള്ള​താ​ണെ​ങ്കി​ൽ എ​ൻ.​എ​സ്.​എ ക​രു​ത​ൽ ത​ട​ങ്ക​ലി​നു​ള്ള​താ​ണ്. മ​റി​ച്ച് രാ​ജ്യ​ദ്രോ​ഹ​ക്കു​റ്റം ജ​നാ​ധി​പ​ത്യ സ​ർ​ക്കാ​റി​നെ ഹിം​സാ​ത്മ​ക​വും നി​യ​മ​വി​രു​ദ്ധ​വും ഭ​ര​ണ​ഘ​ട​നാ വി​രു​ദ്ധ​വു​മാ​യി മ​റി​ച്ചി​ടു​ന്ന​ത് ത​ട​യാ​നാ​ണ്.

മു​ൻ ക​ർ​ണാ​ട​ക ചീ​ഫ് ജ​സ്റ്റി​സ് ഋ​തു​രാ​ജ് അ​വ​സ്ഥി ചെ​യ​ർ​പേ​ഴ്സ​നാ​യും മു​ൻ കേ​ര​ള ഹൈ​കോ​ട​തി ജ​ഡ്ജി ജ​സ്റ്റി​സ് കെ.​ടി. ശ​ങ്ക​ര​ൻ അടക്കമുള്ളവർ മു​ഴു​സ​മ​യ അം​ഗ​മാ​യും 2022 ന​വം​ബ​ർ 10നാ​ണ് കേ​ന്ദ്ര​ം നി​യ​മ ക​മീ​ഷ​ൻ പു​നഃ​സം​ഘ​ടി​പ്പി​ച്ച​ത്.

രാജ്യദ്രോഹം: കുറ്റവും ശിക്ഷയും

(നി​യ​മ ക​മീ​ഷ​ൻ നി​ർ​വ​ച​നം)

124 എ (​രാ​ജ്യ​ദ്രോ​ഹം): വാ​ക്കാ​ലോ എ​ഴു​ത്താ​ലോ അ​ട​യാ​ള​ങ്ങ​ളാ​ലോ മ​റ്റു ദൃ​ശ്യ​മാ​യ ത​ര​ത്തി​ലോ, ഇ​ന്ത്യ​യി​ൽ നി​യ​മ​പ്ര​കാ​രം സ്ഥാ​പി​ത​മാ​യ സ​ർ​ക്കാ​റി​നെ​തി​രെ, അ​​ക്ര​മ​ത്തി​നോ ക്ര​മ​സ​മാ​ധാ​ന ലം​ഘ​ന​ത്തി​നോ പ്ര​കോ​പ​ന​മാ​ക​ണ​മെ​ന്ന പ്രേ​ര​ണ​യോ​ടെ വി​ദ്വേ​ഷ​മോ നി​ന്ദ​യോ കാ​ണി​ക്കു​ക​യോ, അ​വ​യു​ണ്ടാ​ക്കാ​ൻ ശ്ര​മി​ക്കു​ക​യോ, അ​ല്ലെ​ങ്കി​ൽ സ​ർ​ക്കാ​റി​നോ​ട് വി​രോ​ധ​മു​ണ്ടാ​ക്കാ​ൻ ശ്ര​മി​ക്കു​ക​യോ പ്രേ​രി​പ്പി​ക്കു​ക​യോ ചെ​യ്താ​ൽ പി​ഴ​യ​ട​ക്കം ഏ​ഴ് വ​ർ​ഷം ത​ട​വ് മു​ത​ൽ ജീ​വ​പ​ര്യ​ന്തം ത​ട​വു വ​രെ ശി​ക്ഷ അ​നു​ഭ​വി​ക്ക​ണം.

വി​ശ​ദീ​ക​ര​ണം (1): സ​ർ​ക്കാ​റി​നോ​ടു​ള്ള വി​രോ​ധ​മെ​ന്നാ​ൽ വി​ധേ​യ​ത്വ​മി​ല്ലാ​യ്മ​യും ശ​ത്രു​ത​യും ഉ​ൾ​പ്പെ​ടും.

വി​ശ​ദീ​ക​ര​ണം (2): സ​ർ​ക്കാ​ർ ന​ട​പ​ടി​ക​ൾ മാ​റ്റാ​നാ​യി നി​യ​മ​പ​ര​മാ​യി സ​ർ​ക്കാ​റി​നെ​തി​രെ വി​ദ്വേ​ഷ​മോ നി​ന്ദ​യോ വി​രോ​ധ​മോ ക്ഷ​ണി​ച്ചു​വ​രു​ത്താ​ൻ ശ്ര​മി​ക്കാ​തെ വി​യോ​ജി​പ്പ് പ്ര​ക​ടി​പ്പി​ക്കു​ന്ന​ത് രാ​ജ്യ​ദ്രോ​ഹ കു​റ്റ​മാ​വി​ല്ല.

വി​ശ​ദീ​ക​ര​ണം (3): വി​ദ്വേ​ഷ​മോ നി​ന്ദ​യോ വി​രോ​ധ​മോ ക്ഷ​ണി​ച്ചു​വ​രു​ത്താ​ൻ ശ്ര​മി​ക്കാ​തെ സ​ർ​ക്കാ​റി​ന്റെ ഭ​ര​ണ​പ​ര​മാ​യ ന​ട​പ​ടി​യോ​ടോ മ​റ്റു പ്ര​വ​ർ​ത്ത​ന​ങ്ങ​ളോ​ടോ വി​യോ​ജി​ച്ചു​കൊ​ണ്ടു​ള്ള അ​ഭി​പ്രാ​യ​ങ്ങ​ളും രാ​ജ്യ​ദ്രോ​ഹ കു​റ്റ​മാ​വി​ല്ല.

ദുരുപയോഗം തടയാൻ നടപടിക്രമം

രാ​ജ്യ​ദ്രോ​ഹ​ക്കു​റ്റ​ത്തി​ന്റെ ദു​രു​പ​യോ​ഗം ത​ട​യാ​ൻ 1962ലെ ​കേ​ദാ​ർ​നാ​ഥ് സി​ങ് കേ​സി​ലെ സു​പ്രീം​കോ​ട​തി വി​ധി​ക്ക് അ​നു​സൃ​ത​മാ​യി ന​ട​പ​ടി​ക്ര​മ​ങ്ങ​ൾ കൊ​ണ്ടു​വ​ന്നാ​ൽ മ​തി​യെ​ന്നാ​ണ് ക​മീ​ഷ​ൻ പ​റ​യു​ന്ന​ത്. സു​പ്രീം​കോ​ട​തി ന​ട​ത്തി​യ നി​രീ​ക്ഷ​ണ​ങ്ങ​ൾ ക​ണ​ക്കി​ലെ​ടു​ത്താ​ണ് ഇ​ത്ത​ര​മൊ​രു നി​ർ​ദേ​ശം മു​ന്നോ​ട്ടു​വെ​ക്കു​ന്ന​തെ​ന്നും ക​മീ​ഷ​ൻ വ്യ​ക്ത​മാ​ക്കി.