ഇന്ത്യ ഭരിക്കുന്നത്​ ഏറ്റവും മോശം സർക്കാർ, പ്രധാനമന്ത്രി വിഡ്ഡിത്തം പ്രചരിപ്പിക്കുന്നതിൽ​ നേതൃത്വം നൽകുന്നു -പ്രശാന്ത്​ ഭൂഷൺ

ന്യൂഡൽഹി: ഇന്ത്യ ഭരിക്കുന്നത്​ ഇതുവരെ കണ്ടതിൽ ഏറ്റവും മോശം സർക്കാരാണെന്ന്​ മുതിർന്ന അഭിഭാഷകൻ പ്രശാന്ത്​ ഭൂഷൺ. രാജ്യത്തി​െൻറ പ്രധാനമന്ത്രി തന്നെ വിഡ്​ഢിത്തങ്ങൾ പ്രചരിപ്പിക്കുന്നു. കാലാവസ്​ഥ വ്യതിയാനം ​എന്നൊന്നില്ല എന്നാണ്​ പ്രചാരണം. ഗണപതിയുടെ തുമ്പിക്കെ പ്ലാസ്​റ്റിക്​ സർജറിയിലൂടെ പിടിപ്പിച്ചതാണെന്ന്​ പറയുന്നു. 'ഗോ കൊറോണ ഗോ' എന്നുപറഞ്ഞാൽ കൊറോണ വൈറസ്​ പോകുമെന്ന്​ പ്രധാനമന്ത്രിയുടെ മന്ത്രിമാർ പ്രചരിപ്പിക്കുന്നു. ഇതെല്ലാം നമ്മുടെ സമൂഹത്തിന്​ നേരെയുള്ള ആക്രമണമാണെന്നും 'ദ ക്വിൻറ്​' ഒാൺലൈൻ മാധ്യമത്തിന്​ നൽകിയ അഭിമുഖത്തിൽ പ്രശാന്ത്​ ഭൂഷൺ പറഞ്ഞു.

നിലവിലെ ഭരണകൂടത്തെ 2014ന്​ മുമ്പുള്ള ഒന്നുമായി താരതമ്യപ്പെടുത്താൻ കഴിയില്ല. രാജ്യം കണ്ടതിനേക്കാൾ, ഒരുപക്ഷേ ലോകം കണ്ടതിനേക്കാൾ ഏറ്റവും മോശപ്പെട്ട സർക്കാരാണ്​ ഇപ്പോൾ ഭരിക്കുന്നതെന്നും അദ്ദേഹം കൂട്ടിച്ചേർത്തു.

സുപ്രീംകോടതി ജസ്​റ്റിസുമാരെ വിമർശിച്ചതിനെതിരായ കോടതിയലക്ഷ്യ കേസിൽ ഒരു രൂപ പിഴ അടക്കും. ജയിലിൽ പോകാൻ എനിക്ക്​ താൽപര്യമില്ല. ഒരുപക്ഷേ സുപ്രീംകോടതി ജയിൽ ശിക്ഷ വിധിച്ചിരുന്നെങ്കിൽ ജയിലിൽ പോകുമായിരുന്നു. എന്നാൽ ശിക്ഷ വിധിച്ചത്​ ഒരു രൂപ പിഴയടക്കാനായിരുന്നു. അതിനാൽ ആ പിഴ അടക്കാനാണ്​ തീരുമാനം.

സുപ്രീംകോടതിയുമായി ബന്ധപ്പെട്ട വിവാദത്തിൽ എന്താണ്​ സംഭവിക്കുന്നതെന്നതിൽ കുടുംബത്തി​ലെ ചില അംഗങ്ങൾക്ക്​ ആശങ്ക ഉണ്ടായിരുന്നു. അതിൽ പ്രധാനം ജയിലിൽ അടക്കാനുള്ള സാധ്യതയായിരുന്നു. എന്നാൽ പിതാവിനോ, എനിക്കോ അക്കാര്യത്തിൽ യാതൊരു ആശങ്കയുമില്ലായിരുന്നു. ഇക്കാര്യത്തിൽ ജയിലിൽ പോകാനുള്ള സാധ്യത ഞാൻ പരിശോധിച്ചിരുന്നു. അങ്ങനെ പലരും ജയിലിൽ പോകുന്നു. സ്വാതന്ത്ര്യ സമരവുമായി ബന്ധപ്പെട്ട്​ മുത്തച്ഛൻമാർ വർഷങ്ങളായി ജയിലിൽ കിടന്നു. ഭീമ കൊറേഗാവ്​ കേസുമായി ബന്ധപ്പെട്ട്​ രണ്ടുമൂന്നു വർഷമായി നിരവധിപേർ ജയിലിൽ കഴിയുന്നു. ഒരുപക്ഷേ ആറുമാസത്തേക്ക്​ എനിക്കും ജയിൽ ശിക്ഷ വിധിച്ചിരുന്നെങ്കിൽ ഏറ്റവും ഫലപ്രദമായി ആ സമയം ഞാൻ വിനിയോഗിക്കുമായിരുന്നു. വായനക്കായി കൂടുതൽ സമയം കണ്ടെത്തും. ജുഡീഷ്യറിയുമായി ബന്ധപ്പെട്ട ബുക്ക്​ തന്നെ എഴുതിയേനെ. ജയലിലെ അവസ്​ഥ മനസിലാക്കും. അവിടെ ധാരാളം ​പേരെ കണ്ടുമുട്ടും. ഏതു തരത്തിലുള്ളവരാണെന്ന്​ മനസിലാക്കും. ഒരുപക്ഷേ, ​തന്നെ ജയലിൽ അടച്ചാൽ ഇതിൽ കൂടുതൽ പ്രശ്​നങ്ങൾ നേരിടേണ്ടിവരുമെന്ന്​ അവർ മനസിലാക്കിയിരിക്കാമെന്നും അദ്ദേഹം കൂട്ടിച്ചേർത്തു.

2014 ന്​ മുമ്പും രാജ്യം നിരവധി പ്രശ്​നങ്ങളെ അഭിമുഖീകരിച്ചിരുന്നു. എന്നാൽ എല്ലാത്തരം പ്രശ്​നങ്ങളും 2014ന്​ ശേഷം വ്യത്യസ്​തമായ ക്രമത്തിലായിരുന്നു. തെരുവുകളിൽ ആൾക്കൂട്ടത്തെ ആക്രമണത്തിനായി അഴിച്ചുവിട്ടു. സാമൂഹിക മാധ്യമങ്ങളിലുടെ അടക്കം വധിക്കുമെന്നും ബലാത്സംഗം ചെയ്യുമെന്നുമുള്ള ഭീഷണികൾ ഉയർന്നുവന്നു. മുഖ്യധാരാ മാധ്യമങ്ങൾ അടക്കം ഭരണകൂടത്തിനൊപ്പം നിന്ന്​ വർഗീയ വിദ്വേഷം ചൊരിയുന്നു. ഇതോ​ടെ സത്യം, അസത്യം എന്നിവ തിരിച്ചറിയാൻ ജനങ്ങൾക്കും കഴിയാതെ വരുന്നു. പ്രധാനമന്ത്രിയടക്കം ഇത്തരം പ്രചരണങ്ങളുമായി വരുന്നതാണ് ഇതി​െൻറ​ പ്രധാന കാരണമെന്നും ​അദ്ദേഹം കൂട്ടിച്ചേർത്തു.

സുപ്രീംകോടതിയിൽ ഒരിക്കലും പ്രതീക്ഷ നശിച്ചിട്ടില്ല. പരിഷ്​കരണമുണ്ടാകുമെന്ന വിശ്വാസത്തിലാണ്​ സുപ്രീംകോടതിക്ക്​ നേരെയുള്ള ത​െൻറ വിമർശനം. പ്രതീക്ഷ നശിക്കാൻ പാടില്ല. ഇതെല്ലാം നോക്കികാണു​േമ്പാൾ ഒരിക്കലും നിഷ്​കളങ്കതയുടെ മുഖം അണിയാനും കഴിയില്ല. നിരന്തരം പരിശ്രമിച്ചുകൊണ്ടിരിക്കണം. പ്രധാനമായും യുവജനങ്ങളും യുവ അഭിഭാഷകരും ഇൗ വ്യവസ്​ഥിതിയോട്​ താൽപര്യം പുലർത്തുന്നവരും. നോക്കൂ, ജുഡീഷ്യൽ വ്യവസ്​ഥയുടെ ഭാഗമാകുന്നതിന്​ മു​മ്പുതന്നെ അവരുടെ ജീവിതവും കരിയറും അവരുടെ മുമ്പിലുണ്ട്​. അതിനാൽ നീതിന്യായ വ്യവസ്​ഥ അഴിമതി നിറഞ്ഞതും പ്രവർത്തന രഹിതവുമാകാൻ പോകുന്നതിൽ എല്ലാവരും ബുദ്ധിമുട്ടും. പ്രത്യേകിച്ചും അവർ തന്നെ. -അദ്ദേഹം പറഞ്ഞു.

ഡോക്​ടർ കഫീൽ ഖാൻ, ദേവാംഗന കലിത എന്നിവരെ പുറത്തിറക്കി ഹൈകോടതി വിധികൾ വരുന്നു. സുപ്രീംകോടതിയും ഇതിൽ പ്രധാന പങ്കുവഹിക്കേണ്ടതി​െൻറ ആവശ്യകത ഉയർന്നുവരുന്നു. യു.എ.പി.എ നിയമത്തി​െൻറ ഭരണഘടന സാധുത സുപ്രീംകോടതി പരിശോധിക്കണം. എ​െൻറ കാഴ്​ചപ്പാടിൽ തികച്ചും ഭരണഘടന വിരുദ്ധമാണ്​ ഇൗ നിയമം. എന്നാൽ എല്ലാവരും ധരിക്കു​ന്നതാക​െട്ട ഭരണഘടനക്ക്​ അനുകൂലമെന്നും. യു.എ.പി.എ നിയമം സംബന്ധിച്ച വിധികൾ സുപ്രീംകോടതി പുനപരിശോധിക്കണമെന്ന്​ ഞാൻ കരുതുന്നു.

നമ്മുടെ സമൂഹത്തിൽ പല തരത്തിൽ വലിയ അഴിമതികൾ നടക്കുന്നു. ഇവയെല്ലാം പൊതുതാൽപര്യ ഹരജി നൽകി അ​േന്വഷിക്കാം. എ​െൻറ ശേഷിയിലുള്ള കാര്യങ്ങൾ മാത്രമേ എനിക്ക്​ ഏറ്റെടുക്കാനാകൂ. അവക്ക്​ ഞാൻ മുൻഗണന നൽകുന്നു. അവ ഏറ്റവും ആദ്യം ശ്രദ്ധയിൽ കൊണ്ടുവരണമെന്ന്​ ഞാൻ ചിന്തിക്കുന്നു. ഞാൻ ഒരിക്കലും ഒരു പൊതുതാൽപര്യ ഹരജിയായി ഏറ്റെടുക്കാൻ കഴിയാത്ത ഒരു കാര്യവും ഞാൻ ഏ​െറ്റടുത്തിട്ടുള്ളതായി കരുതുന്നില്ല.

സഹാറ ബിർള കേസിലും മെഡിക്കൽ കോളജ്​ കേസിലും മറ്റുള്ളവരുടേതിനേക്കാൾ കൂടുതൽ വിവരങ്ങൾ എനിക്ക്​ ലഭിച്ചിരുന്നു. സാധാരണ ജനങ്ങൾക്ക്​ ലഭിക്കാത്ത വിവരങ്ങൾ ചില താൽപര്യക്കാർ എനിക്ക്​ ലഭ്യമാക്കിതന്നു. ഒരിക്കൽ മാത്രമേ ഇത്തരത്തിൽ വിലപിടിപ്പുള്ള വിവരങ്ങൾ നമുക്ക്​ ലഭ്യമാക്കു. ഞാൻ ഇൗ വിഷയങ്ങൾ ശരിയായ രീതിയിൽ ഏ​റ്റെടുക്കുമെന്ന വിശ്വാസമുള്ളതുകൊണ്ടായിരിക്കാം താൽപര്യ സംരക്ഷകർ കൂടുതൽ വിവരങ്ങൾ എനിക്ക്​ നൽകിയതെന്ന്​ കരുതുന്നു.

കോടതിയലക്ഷ്യ കേസിൽ തനിക്കെതിരായ വിധി പരിശോധിച്ചാൽ നീതിന്യായ വ്യവസ്​ഥയെ ഇതിലും കൂടുതൽ വിമർശിക്കാൻ ഇടം നൽകുന്നു. എന്നാൽ ചർച്ചകളും മറ്റും കേസിനെ പ്രകോപിപ്പിച്ചു.​ ഇൗ ചർച്ച ഇത്തരത്തിൽ നീണ്ടുനിന്നാൽ കോടതിയലക്ഷ്യ കേസുമായി ബന്ധപ്പെട്ട നിയമങ്ങളിൽ ഇളവു വരുത്താനാകുമെന്ന്​ വിശ്വസിക്കുന്നതായും ​പ്രശാന്ത്​ ഭൂഷൺ പറഞ്ഞു.