ഇസ്രായേൽ അതിക്രമം: ഫലസ്​തീന്​ ഐക്യദാർഢ്യം പ്രഖ്യാപിച്ച്​ സി.പി.എം പോളിറ്റ്​ ബ്യൂറോ

ന്യൂഡൽഹി: ഫലസ്​തീനെതിരായ ഇസ്രായേൽ ആക്രമണത്തെ സി.പി.ഐ.എം പോളിറ്റ്​ ബ്യൂറോ അപലപിച്ചു. ഗാസയിലേക്കുള്ള ഇസ്രായേൽ ​േവ്യാമാക്രമണം നിരവധി ഫലസ്​തീൻ പൗരൻമാരുടെ ജീവനെടുത്തതായി സി.പി.എം പുറത്തിറക്കിയ പ്രസ്​താവനയിൽ പറഞ്ഞു.

''കിഴക്കൻ ജറുസലേമിൽ ഒരു സമ്പൂർണ അധിനിവേശത്തിന്​ ഇസ്രായേൽ ഒരുങ്ങുകയാണ്​. ജൂത കുടിയേറ്റക്കാർക്കായി ​ൈശഖ്​ ജറയിൽ പ്രതിഷേധിക്കുന്ന ഫലസ്​തീനികളെ ബലമായി അടിച്ചമർത്തുകയാണ്​. മുസ്​ലിംകളുടെ വിശുദ്ധമായ മൂന്നാം ദേവാലയമായ മസ്​ജിദുൽ അഖ്​സയിൽ സൈന്യം ആക്രമണം നടത്തി. റമദാൻ മാസത്തിൽ പള്ളിയിൽ പ്രാർഥിച്ച നിരവധി പേർക്ക്​ പരിക്കേറ്റു''.

''ഇസ്രയേൽ തെരഞ്ഞെടുപ്പുകളിൽ ഭൂരിപക്ഷം നേടാൻ പരാജയപ്പെട്ട നെതന്യാഹു ചെറിയ രാഷ്​ട്രീയ നേട്ടങ്ങൾക്കും കോവിഡ്​ പ്രതിരോധത്തിലെ വീഴ്ചകൾ മറച്ചുവെക്കാനുമായി ആക്രമണങ്ങൾ നടത്തുകയാണ്​. ഇസ്രയേലിൽ താമസിക്കുന്ന ഫലസ്​തീനികൾ വാക്​സിൻ ലഭിക്കുന്നതിൽ പോലും വിവേചനം നേരിട്ടു''.

''ഇസ്രയേലിന്‍റെ ഇത്തരം നടപടികൾ യു.എൻ പുറത്തിറക്കിയ വിവിധ പ്രമേയങ്ങൾക്കും മനുഷ്യാവകാശങ്ങൾക്കും എതിരാണ്​. സി.പി.എം ഇത്തരം ആക്രമണങ്ങളെ അപലപിക്കുകയും ഫലസ്​തീൻ ജനതക്ക്​ പിന്തുണ അറിയിക്കാൻ ഇന്ത്യൻ സർക്കാറിനോട്​ ആവശ്യപ്പെടുകയും ചെയ്യുന്നു'' - സി.പിഎം പി.ബി പുറത്തിറക്കിയ പ്രസ്​താവനയിൽ പറഞ്ഞു.