തെരഞ്ഞെടുപ്പ് കമീഷനെ പ്രധാനമന്ത്രി തീരുമാനിക്കും

ന്യൂ​ഡ​ൽ​ഹി: രാ​ജ്യ​ത്തെ തെ​ര​ഞ്ഞെ​ടു​പ്പു പ്ര​ക്രി​യ​യി​ൽ ദൂ​ര​വ്യാ​പ​ക പ്ര​ത്യാ​ഘാ​ത​ങ്ങ​ളു​ണ്ടാ​ക്കു​ന്ന നീ​ക്ക​ത്തി​ൽ സു​പ്രീം​കോ​ട​തി വി​ധി അ​ട്ടി​മ​റി​ച്ച് മു​ഖ്യ​തെ​ര​ഞ്ഞെ​ടു​പ്പ് ക​മീ​ഷ​ണ​റു​ടെ നി​യ​മ​ന രീ​തി മാ​റ്റു​ന്ന ബി​ൽ കേ​ന്ദ്ര സ​ർ​ക്കാ​ർ രാ​ജ്യ​സ​ഭ​യി​ൽ അ​വ​ത​രി​പ്പി​ച്ചു. മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​റെ​യും തെ​ര​ഞ്ഞെ​ടു​പ്പു ക​മീ​ഷ​ണ​ർ​മാ​രെ​യും നി​യ​മി​ക്കാ​നു​ള്ള സെ​ല​ക്ഷ​ൻ ക​മ്മി​റ്റി​യി​ൽ​നി​ന്ന് സു​പ്രീം​കോ​ട​തി ചീ​ഫ് ജ​സ്റ്റി​സി​നെ മാ​റ്റി പ​ക​രം കേ​ന്ദ്ര​മ​ന്ത്രി​യെ നി​യോ​ഗി​ക്കു​ന്ന ബി​ൽ ആ​ണ് നി​യ​മ മ​ന്ത്രി അ​ർ​ജു​ൻ റാം ​അ​വ​ത​രി​പ്പി​ച്ച​ത്. സം​ഘ​ർ​ഷം മു​റ്റി​യ അ​ന്ത​രീ​ക്ഷ​ത്തി​ൽ ന​ടു​ത്ത​ള​ത്തി​ലേ​ക്ക് കു​തി​ച്ച പ്ര​തി​പ​ക്ഷ നേ​താ​ക്ക​ളെ സു​ര​ക്ഷ ഗാ​ർ​ഡു​ക​ളെ നി​ര​ത്തി ത​ട​ഞ്ഞാ​യി​രു​ന്നു വി​വാ​ദ ബി​ൽ അ​വ​ത​ര​ണം.

പ്ര​ധാ​ന​മ​ന്ത്രി ന​ൽ​കു​ന്ന ശി​പാ​ർ​ശ​യു​ടെ അ​ടി​സ്ഥാ​ന​ത്തി​ൽ രാ​ഷ്ട്ര​പ​തി നി​യ​മ​നം ന​ട​ത്തു​ന്ന രീ​തി നി​ർ​ത്ത​ലാ​ക്കു​ന്ന​താ​യി​രു​ന്നു സു​പ്രീം​കോ​ട​തി വി​ധി​യെ​ങ്കി​ൽ അ​തേ പ്ര​ധാ​ന​മ​ന്ത്രി​ക്കു​ത​ന്നെ നി​ർ​ണ​യാ​ധി​കാ​രം ന​ൽ​കു​ന്ന​താ​ണ് ‘മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​റും തെ​ര​ഞ്ഞെ​ടു​പ്പു ക​മീ​ഷ​ണ​ർ​മാ​രും (സേ​വ​ന-​കാ​ലാ​വ​ധി നി​യ​മ​ന വ്യ​വ​സ്‍ഥ​ക​ൾ) ബി​ൽ, 2023’ എ​ന്ന ബി​ൽ. ഇ​തു​പ്ര​കാ​രം പ്ര​ധാ​ന​മ​ന്ത്രി​ക്കും ലോ​ക്സ​ഭ​യി​ലെ പ്ര​തി​പ​ക്ഷ നേ​താ​വി​നും പു​റ​മെ പ്ര​ധാ​ന​മ​ന്ത്രി നാ​മ​നി​ർ​ദേ​ശം ചെ​യ്യു​ന്ന ഒ​രു കാ​ബി​ന​റ്റ് മ​ന്ത്രി​യും കൂ​ടി അ​ട​ങ്ങു​ന്ന സെ​ല​ക്ഷ​ൻ ക​മ്മി​റ്റി​യു​ടെ ശി​പാ​ർ​ശ​യു​ടെ അ​ടി​സ്ഥാ​ന​ത്തി​ലാ​യി​രി​ക്കും മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​റെ​യും മ​റ്റു തെ​ര​ഞ്ഞെ​ടു​പ്പു ക​മീ​ഷ​ണ​ർ​മാ​രെ​യും ഇ​നി രാ​ഷ്​​ട്ര​പ​തി നി​യ​മി​ക്കു​ക. ലോ​ക്സ​ഭ​യി​ൽ പ്ര​തി​പ​ക്ഷ നേ​താ​വി​ല്ലെ​ങ്കി​ൽ ത​ൽ​സ്ഥാ​ന​ത്ത് പ്ര​തി​പ​ക്ഷ​ത്തെ ഏ​റ്റ​വും വ​ലി​യ ക​ക്ഷി​യു​ടെ നേ​താ​വി​നെ ക​മ്മി​റ്റി​യി​ൽ ഉ​ൾ​പ്പെ​ടു​ത്തു​മെ​ന്നും ബി​ൽ വ്യ​ക്ത​മാ​ക്കി.

മൂ​ന്നം​ഗ സെ​ല​ക്ട് ക​മ്മി​റ്റി​യി​ൽ പ്ര​തി​പ​ക്ഷ നേ​താ​വി​ന്റെ എ​തി​ർ​പ്പ് ഗൗ​നി​ക്കാ​തെ പ്ര​ധാ​ന​മ​ന്ത്രി​ക്കും കേ​ന്ദ്ര മ​ന്ത്രി​ക്കും ത​ങ്ങ​ളു​ടെ ഇം​ഗി​തം ന​ട​പ്പാ​ക്കാ​ൻ ക​ഴി​യു​ന്ന ത​ര​ത്തി​ലേ​ക്ക് പ്ര​ക്രി​യ മാ​റും. അ​തേ​സ​മ​യം, മൂ​ന്നു പേ​രി​​ല്ലാ​തെ​യും തീ​രു​മാ​ന​മെ​ടു​ക്കാ​ൻ ക​ഴി​യു​ന്ന ത​ര​ത്തി​ൽ ഏ​തെ​ങ്കി​ലും അം​ഗ​ത്തി​െ​ന്റ ഒ​ഴി​വു​ണ്ടെ​ന്ന കാ​ര​ണ​ത്താ​ൽ മാ​ത്രം മു​ഖ്യ തെ​ര​ഞ്ഞെ​ടു​പ്പു ക​മീ​ഷ​ണ​റു​ടെ​യും തെ​ര​ഞ്ഞെ​ടു​പ്പ് ക​മീ​ഷ​ണ​ർ​മാ​രു​ടെ​യും നി​യ​മ​നം അ​സാ​ധു​വാ​കി​ല്ല എ​ന്ന 7(2) വ​കു​പ്പ് കൂ​ടി പു​തി​യ ബി​ല്ലി​ലു​ണ്ട്.

കേ​ന്ദ്ര സ​ർ​ക്കാ​റി​ൽ സെ​ക്ര​ട്ട​റി റാ​ങ്കി​ലോ ത​ത്തു​ല്യ പ​ദ​വി​​യി​ലോ പ്ര​വ​ർ​ത്തി​ച്ച, തെ​ര​ഞ്ഞെ​ടു​പ്പ് ന​ട​ത്തി​പ്പി​ൽ അ​റി​വും പ​രി​ച​യ​വും വി​ശ്വാ​സ്യ​ത​യു​മു​ള്ള​വ​രെ മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​റാ​യും തെ​ര​ഞ്ഞെ​ടു​പ്പ് ക​മീ​ഷ​ണ​ർ​മാ​രാ​യും നി​യ​മി​ക്കാ​മെ​ന്ന് ബി​ല്ലി​ലെ 5-ാം വ​കു​പ്പ് വ്യ​ക്ത​മാ​ക്കു​ന്നു. നി​യ​മ​ത്തി​ലെ 6-ാം വ​കു​പ്പ് പ്ര​കാ​രം മൂ​ന്നം​ഗ സെ​ല​ക്ഷ​ൻ ക​മ്മി​റ്റി മു​ഖ്യ​തെ​ര​ഞ്ഞെ​ടു​പ്പ് ക​മീ​ഷ​ണ​റെ​യും ക​മീ​ഷ​ണ​ർ​മാ​രെ​യും തെ​ര​ഞ്ഞെ​ടു​ക്കു​ന്ന​ത് സെ​ർ​ച്ച് ക​മ്മി​റ്റി ന​ൽ​കു​ന്ന അ​ഞ്ചു പേ​രു​ടെ പ​ട്ടി​ക​യി​ൽ​നി​ന്നാ​യി​രി​ക്കും. കേ​ന്ദ്ര കാ​ബി​ന​റ്റ് സെ​​ക്ര​ട്ട​റി​യും കേ​ന്ദ്ര സെ​ക്ര​ട്ട​റി​യു​ടെ റാ​ങ്കി​ൽ കു​റ​യാ​ത്ത ര​ണ്ട് അം​ഗ​ങ്ങ​ളും അ​ട​ങ്ങു​ന്ന​താ​ണ് ഈ ​സെ​ർ​ച്ച് ക​മ്മി​റ്റി.

സുപ്രീംകോടതി വിധിച്ചത്

സ്വ​ത​ന്ത്ര തെ​ര​ഞ്ഞെ​ടു​പ്പ് ക​മീ​ഷ​ൻ യാ​ഥാ​ർ​ഥ്യ​മാ​ക്കാ​ൻ കേ​ന്ദ്രം നി​യ​മം കൊ​ണ്ടു​വ​രു​ന്ന​തു​വ​രെ പ്ര​ധാ​ന​മ​ന്ത്രി​യും പ്ര​തി​പ​ക്ഷ നേ​താ​വും സു​പ്രീം​കോ​ട​തി ചീ​ഫ് ജ​സ്റ്റി​സും അ​ട​ങ്ങു​ന്ന സ​മി​തി മു​ഖ്യ​തെ​ര​ഞ്ഞെ​ടു​പ്പ് ക​മീ​ഷ​ണ​റെ​യും തെ​ര​ഞ്ഞെ​ടു​പ്പ് ക​മീ​ഷ​ണ​ർ​മാ​രെ​യും തി​ര​​ഞ്ഞെ​ടു​ക്ക​ണം എ​ന്നാ​യി​രു​ന്നു ജ​സ്റ്റി​സ് കെ.​എം. ജോ​സ​ഫ് അ​ധ്യ​ക്ഷ​നാ​യ സു​പ്രീം​കോ​ട​തി​യു​ടെ അ​ഞ്ചം​ഗ ഭ​ര​ണ​ഘ​ട​ന ബെ​ഞ്ച് ഏ​ക​ക​ണ്ഠ​മാ​യി ക​ഴി​ഞ്ഞ മാ​ർ​ച്ചി​ൽ ഉ​ത്ത​ര​വി​ട്ടി​രു​ന്ന​ത്. വി​ധി​പ്ര​സ്താ​വ​ത്തി​ൽ ‘കേ​ന്ദ്ര സ​ർ​ക്കാ​ർ നി​യ​മം കൊ​ണ്ടു​വ​രു​ന്ന​തു​വ​രെ’ എ​ന്ന വാ​ച​ക​ത്തി​ൽ പി​ടി​ച്ചാ​ണ് സ്വ​ത​ന്ത്ര തെ​ര​ഞ്ഞെ​ടു​പ്പ് ക​മീ​ഷ​ൻ എ​ന്ന ല​ക്ഷ്യ​ത്തി​ന് ക​ട​ക​വി​രു​ദ്ധ​മാ​യ ബി​ൽ.