സന്ദേശ്ഖലി സംഘർഷം; ബംഗാൾ സർക്കാറിനെ പിരിച്ചുവിടണം -ദേശീയ പട്ടികജാതി കമീഷൻ

ന്യൂ​ഡ​ൽ​ഹി: തൃ​ണ​മൂ​ൽ കോ​ൺ​ഗ്ര​സ് നേ​താ​വ് ഷാ​ജ​ഹാ​ൻ ഷെ​യ്ഖി​നും അ​നു​യാ​യി​ക​ൾ​ക്കു​മെ​തി​രെ സ​മ​രം തു​ട​രു​ന്ന പ​ശ്ചി​മ ബം​ഗാ​ളി​ലെ സ​ന്ദേ​ശ്ഖ​ലി​യും പ​രി​സ​ര​വും ദേ​ശീ​യ പ​ട്ടി​ക​ജാ​തി ക​മീ​ഷ​ൻ അം​ഗ​ങ്ങ​ൾ സ​ന്ദ​ർ​ശി​ച്ചു. അ​ക്ര​മ​സം​ഭ​വ​ങ്ങ​ളു​ടെ പ​ശ്ചാ​ത്ത​ല​ത്തി​ൽ ബം​ഗാ​ളി​ൽ രാ​ഷ്ട്ര​പ​തി ഭ​ര​ണം ഏ​ർ​പ്പെ​ടു​ത്ത​ണ​മെ​ന്ന് രാ​ഷ്ട്ര​പ​തി ദ്രൗ​പ​തി മു​ർ​മു​വി​ന് ക​മീ​ഷ​ൻ റി​​​പ്പോ​ർ​ട്ട് ന​ൽ​കി​യ​താ​യി ചെ​യ​ർ​മാ​ൻ അ​രു​ൺ ഹാ​ൽ​ദ​ർ അ​റി​യി​ച്ചു.

പ​ട്ടി​ക​ജാ​തി​ക്കാ​രെ സം​ര​ക്ഷി​ക്കാ​നു​ള്ള 338ാം അ​നു​ച്ഛേ​ദ​മ​നു​സ​രി​ച്ച് സ​ർ​ക്കാ​റി​നെ പി​രി​ച്ചു​വി​ട​ണ​മെ​ന്നാ​ണ് ക​മീ​ഷ​ന്റെ റി​പ്പോ​ർ​ട്ട്. വി​ഷ​യം പ​രി​ശോ​ധി​ച്ച് ആ​വ​ശ്യ​മാ​യ ന​ട​പ​ടി​യെ​ടു​ക്കു​മെ​ന്ന് രാ​ഷ്​​ട്ര​പ​തി ഉ​റ​പ്പു​ന​ൽ​കി​യ​താ​യി ഹാ​ൽ​ദ​ർ പ​റ​ഞ്ഞു. ക​മീ​ഷ​ൻ അം​ഗ​ങ്ങ​ളെ സ​ന്ദ​ർ​ശ​ന​ത്തി​ൽ​നി​ന്ന് പി​ന്തി​രി​പ്പി​ക്കാ​ൻ സം​സ്ഥാ​ന സ​ർ​ക്കാ​ർ ശ്ര​മി​ച്ച​താ​യി അ​ദ്ദേ​ഹം ആ​രോ​പി​ച്ചു. പ​ട്ടി​ക​ജാ​തി വി​ഭാ​ഗ​ക്കാ​രാ​ണ് അ​തി​ക്ര​മ​ങ്ങ​ൾ​ക്ക് ഇ​ര​ക​ളെ​ന്നും ക​മീ​ഷ​ൻ ചെ​യ​ർ​മാ​ൻ പ​റ​ഞ്ഞു.

കേ​ന്ദ്ര​സ​ർ​ക്കാ​റു​മാ​യി ബ​ന്ധ​​പ്പെ​ട്ട വി​വി​ധ ക​മീ​ഷ​നു​ക​ളും മ​റ്റും ബം​ഗാ​ളി​ലെ വി​ഷ​യ​ങ്ങ​ളി​ൽ നി​ര​ന്ത​രം ഇ​ട​പെ​ടു​ക​യാ​ണ്. പി​ഞ്ചു​കു​ട്ടി​യെ വ​ലി​ച്ചെ​റി​ഞ്ഞ​തു​മാ​യി ബ​ന്ധ​പ്പെ​ട്ട പ​രാ​തി​യി​ൽ ദേ​ശീ​യ ബാ​ലാ​വ​കാ​ശ ക​മീ​ഷ​നും ഇ​ട​പെ​ട്ടി​ട്ടു​ണ്ട്. സ്ത്രീ​ക​ൾ​ക്കെ​തി​രെ പൊ​ലീ​സും തൃ​ണ​മൂ​ൽ കോ​ൺ​ഗ്ര​സ് പ്ര​വ​ർ​ത്ത​ക​രും ശാ​രീ​രി​ക​മാ​യ അ​തി​ക്ര​മം ന​ട​ത്തി​യ​താ​യി ദേ​ശീ​യ വ​നി​ത ക​മീ​ഷ​നും ആ​രോ​പി​ച്ചു.

ഷാ​ജ​ഹാ​ൻ ഷെ​യ്ഖും അ​നു​യാ​യി​ക​ളും ലൈം​ഗി​ക പീ​ഡ​ന​വും ഭൂ​മി കൈ​യേ​റ്റ​വും ന​ട​ത്തി​യെ​ന്നാ​രോ​പി​ച്ചാ​ണ് നോ​ർ​ത്ത് 24 പ​ർ​ഗാ​നാ​സ് ജി​ല്ല​യി​ൽ എ​ട്ട് ദി​വ​സ​മാ​യി സ​മ​രം തു​ട​രു​ന്ന​ത്. ഇ.​ഡി സം​ഘ​ത്തെ ആ​ക്ര​മി​ച്ച​തു​മാ​യി ബ​ന്ധ​പ്പെ​ട്ട് ഷാ​ജ​ഹാ​ൻ ഷെ​യ്ഖ് ജ​നു​വ​രി അ​ഞ്ച് മു​ത​ൽ ഒ​ളി​വി​ലാ​ണ്. കേ​ന്ദ്ര​മ​ന്ത്രി പ്ര​തി​മ ഭൗ​മി​കി​ന്റെ നേ​തൃ​ത്വ​ത്തി​ലു​ള്ള സം​ഘ​ത്തെ പ്ര​ദേ​ശ​ത്ത് എ​ത്തു​ന്ന​ത് പൊ​ലീ​സ് ത​ട​ഞ്ഞു. നി​രോ​ധ​നാ​ജ്ഞ​യു​ള്ള​തി​നാ​ൽ പോ​കാ​നാ​കി​ല്ലെ​ന്ന് പൊ​ലീ​സ് അ​റി​യി​ക്കു​ക​യാ​യി​രു​ന്നു. തു​ട​ർ​ന്ന് ബി.​ജെ.​പി സം​ഘം കു​ത്തി​യി​രി​പ്പ് സ​മ​രം ന​ട​ത്തി. അ​തി​നി​ടെ, അ​ക്ര​മ​ങ്ങ​ളെ​ക്കു​റി​ച്ച് സി.​ബി.​ഐ​യോ പ്ര​​ത്യേ​ക സം​ഘ​മോ അ​ന്വേ​ഷി​ക്ക​ണ​മെ​ന്നാ​വ​ശ്യ​പ്പെ​ട്ടു​ള്ള പൊ​തു​താ​ൽ​പ​ര്യ ഹ​ര​ജി ഉ​ട​ൻ പ​രി​ഗ​ണി​ക്കു​മെ​ന്ന് സു​പ്രീം​കോ​ട​തി അ​റി​യി​ച്ചു.

സാ​മൂ​ഹി​ക ദ്രോ​ഹി​ക​ളും സ​ർ​ക്കാ​ർ സം​വി​ധാ​ന​വും കൈ​​കോ​ർ​ത്ത് പ്ര​വ​ർ​ത്തി​ക്കു​ക​യാ​ണെ​ന്ന് ഗ​വ​ർ​ണ​ർ ആ​ന​ന്ദ​ബോ​സ് കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​ത്തി​നും റി​പ്പോ​ർ​ട്ട് ന​ൽ​കി. സ്ത്രീ​ക​ളു​ടെ ആ​രോ​പ​ണ​ത്തി​ൽ 17​ പേ​രെ അ​റ​സ്റ്റ് ചെ​യ്ത​താ​യും അ​ക്ര​മി​ക​ളെ വെ​റു​തെ​വി​ടി​ല്ലെ​ന്നും ബി.​ജെ.​പി കു​ത്തി​ത്തി​രി​പ്പി​ന് ശ്ര​മി​ക്കു​ക​യാ​ണെ​ന്നും മു​ഖ്യ​മ​ന്ത്രി മ​മ​ത ബാ​ന​ർ​ജി പ​റ​ഞ്ഞു.