കു​റ്റ​വാ​ളി​യാ​ണെ​ന്ന് ക​ണ്ടെ​ത്തി​യാ​ലും വീ​ട് ഇ​ടി​ച്ചു​നി​ര​ത്താ​നാ​വി​ല്ല; ബുൾഡോസർ രാജിനെതിരെ സുപ്രീംകോടതി

ന്യൂ​ഡ​ൽ​ഹി: പ്ര​തി​ക​ളു​ടെ വീ​ടു​ക​ളും വാ​ണി​ജ്യ​സ്ഥാ​പ​ന​ങ്ങ​ളും കെ​ട്ടി​ട​ങ്ങ​ളും ഇ​ടി​ച്ചു​നി​ര​ത്തു​ന്ന ബു​ൾ​ഡോ​സ​ർ രാ​ജി​നെ​തി​രെ സു​പ്രീം​കോ​ട​തി. ജ​സ്റ്റി​സു​മാ​രാ​യ ബി.​ആ​ർ. ഗ​വാ​യ്, കെ.​വി. വി​ശ്വ​നാ​ഥ​ൻ എ​ന്നി​വ​ര​ട​ങ്ങു​ന്ന ബെ​ഞ്ചി​ന്റെ​താ​ണ് ഇ​ട​പെ​ട​ൽ. ഒ​രാ​ൾ കു​റ്റ​വാ​ളി​യാ​ണെ​ന്ന് ക​ണ്ടെ​ത്തി​യാ​ൽ​പോ​ലും വീ​ട് ഇ​ടി​ച്ചു​നി​ര​ത്താ​നാ​വി​ല്ലെ​ന്ന് ഓ​ർ​മി​പ്പി​ച്ച ജ​സ്റ്റി​സ് ബി.​ആ​ർ. ഗ​വാ​യ് കേ​വ​ലം പ്ര​തി​യാ​ക്കി​യ​ത് കൊ​ണ്ടു​മാ​ത്രം എ​ങ്ങ​നെ വീ​ട് ഇ​ടി​ച്ചു​പൊ​ളി​ക്കു​മെ​ന്ന് ചോ​ദി​ച്ചു. കോ​ട​തി​ക​ൾ കു​റ്റ​വാ​ളി​ക​ളെ​ന്ന് തീ​രു​മാ​നി​ക്കും മു​മ്പ് സ​ർ​ക്കാ​റും പൊ​ലീ​സും ചേ​ർ​ന്ന് രാ​ജ്യ​വ്യാ​പ​ക​മാ​യി ‘ബു​ൾ​ഡോ​സ​ർ നീ​തി’ ന​ട​പ്പാ​ക്കു​ന്ന​ത് ത​ട​യാ​ൻ മാ​ർ​ഗ​നി​ർ​ദേ​ശ​ങ്ങ​ൾ കൊ​ണ്ടു​വ​രു​മെ​ന്ന് കോ​ട​തി വ്യ​ക്ത​മാ​ക്കി. ബു​ൾ​ഡോ​സ​ർ രാ​ജ് ചോ​ദ്യം ചെ​യ്ത് സു​പ്രീം​കോ​ട​തി​യെ സ​മീ​പി​ച്ച ഹ​ര​ജി​ക്കാ​രോ​ട് ഇ​തി​നാ​വ​ശ്യ​മാ​യ നി​ർ​ദേ​ശ​ങ്ങ​ൾ സ​മ​ർ​പ്പി​ക്കാ​ൻ ബെ​ഞ്ച് ആ​വ​ശ്യ​പ്പെ​ട്ടു. ഹ​ര​ജി​ക​ൾ ര​ണ്ടാ​ഴ്ച ക​ഴി​ഞ്ഞ് വീ​ണ്ടും പ​രി​ഗ​ണി​ക്കും.

2022ൽ ​ഡ​ൽ​ഹി ജ​ഹാം​ഗീ​ർ പു​രി​യി​ലും 2023ൽ ​ഹ​രി​യാ​ന​യി​ലെ നു​ഹി​ലും മു​സ്‍ലിം വീ​ടു​ക​ളും കെ​ട്ടി​ട​ങ്ങ​ളും ഇ​ടി​ച്ചു​നി​ര​ത്തി​യ​തി​നെ​തി​രെ ജം​ഇ​യ്യ​തു​ൽ ഉ​ല​മാ​യെ ഹി​ന്ദും ഏ​റ്റ​വു​മൊ​ടു​വി​ൽ രാ​ജ​സ്ഥാ​നി​ലെ ഉ​ദ​യ്പു​രി​ൽ ഓ​ട്ടോ​റി​ക്ഷാ ഡ്രൈ​വ​റാ​യ റാ​ശി​ദ് ഖാ​നും മ​ധ്യ​പ്ര​ദേ​ശി​ലെ മു​ഹ​മ്മ​ദ് ഹു​സൈ​നും സ​മ​ർ​പ്പി​ച്ച ഹ​ര​ജി​ക​ൾ ഒ​രു​മി​ച്ച് പ​രി​ഗ​ണി​ച്ചാ​ണ് സു​പ്രീം​കോ​ട​തി​യു​ടെ നി​ർ​ണാ​യ​ക ഇ​ട​പെ​ട​ൽ. ഉ​ദ​യ്പൂ​രി​ൽ വ​ർ​ഗീ​യ സം​ഘ​ർ​ഷ​മു​ണ്ടാ​യ​തി​ന് ശേ​ഷ​മാ​ണ് ജി​ല്ല ഭ​ര​ണ​കൂ​ടം ആ​ഗ​സ്റ്റ് 17ന് ​റാ​ശി​ദ് ഖാ​ന്റെ വീ​ട് ഇ​ടി​ച്ചു​നി​ര​ത്തി​യ​തെ​ന്ന് അ​ദ്ദേ​ഹ​ത്തി​നു​വേ​ണ്ടി ഹാ​ജ​രാ​യ മു​തി​ർ​ന്ന അ​ഭി​ഭാ​ഷ​ക​ൻ സി.​യു. സി​ങ് ബോ​ധി​പ്പി​ച്ചു. സ്കൂ​ൾ വി​ദ്യാ​ർ​ഥി​യാ​യ ഖാ​ന്റെ മ​ക​ൻ ഹി​ന്ദു സ​മു​ദാ​യ​ക്കാ​രാ​യ കു​ട്ടി​ക​ളെ ക​ത്തി​കൊ​ണ്ട് കു​ത്തി​യ​തി​നെ തു​ട​ർ​ന്നാ​യി​രു​ന്നു സം​ഘ​ർ​ഷം.

ഒ​രു പി​താ​വി​ന് വ​ഴ​ങ്ങാ​ത്ത മ​ക​നു​ണ്ടാ​കാ​മെ​ന്ന് ക​രു​തി അ​തി​ന്റെ പേ​രി​ൽ ആ ​വീ​ട് ഇ​ടി​ച്ചു​നി​ര​ത്തു​ന്ന​ത് അം​ഗീ​ക​രി​ക്കാ​നാ​വി​ല്ലെ​ന്ന് ജ​സ്റ്റി​സ് കെ.​വി. വി​ശ്വ​നാ​ഥ​ൻ പ​റ​ഞ്ഞു. ബു​ൾ​ഡോ​സ​ർ രാ​ജി​നെ രൂ​ക്ഷ​മാ​യി വി​മ​ർ​ശി​ച്ച ജ​സ്റ്റി​സ് ഗ​വാ​യ് അ​ന​ധി​കൃ​ത നി​ർ​മാ​ണ​ങ്ങ​ളെ സം​ര​ക്ഷി​ക്കി​ല്ലെ​ന്നും കൂ​ട്ടി​ച്ചേ​ർ​ത്തു. എ​ന്നാ​ൽ, അ​വ പൊ​ളി​ച്ചു​നീ​ക്കു​ന്ന​തി​ന് മാ​ർ​ഗ​നി​ർ​ദേ​ശ​ങ്ങ​ൾ വേ​ണ​മെ​ന്നും എ​ല്ലാ സം​സ്ഥാ​ന​ങ്ങ​ളി​ലും വ്യ​വ​സ്ഥാ​പി​ത​മാ​യ ഒ​രു രീ​തി ആ​വ​ശ്യ​മാ​യി​രി​ക്കു​ന്നു​വെ​ന്നും ജ​സ്റ്റി​സ് വി​ശ്വ​നാ​ഥ​ൻ പ​റ​ഞ്ഞു. നി​ർ​മാ​ണം അ​ന​ധി​കൃ​ത​മാ​ണെ​ങ്കി​ലും നി​യ​മ​പ്ര​കാ​ര​മു​ള്ള ന​ട​പ​ടി​ക​ൾ അ​നു​സ​രി​ച്ചേ ഇ​ടി​ച്ചു​നി​ര​ത്ത​ൽ ആ​കാ​വൂ എ​ന്ന് ജ​സ്റ്റി​സ് ഗ​വാ​യ് വ്യ​ക്ത​മാ​ക്കി. ഹ​ര​ജി​ക്കാ​രു​ടെ നി​ർ​ദേ​ശ​ങ്ങ​ൾ ശേ​ഖ​രി​ച്ച് ക്രോ​ഡീ​ക​രി​ക്കാ​ൻ മു​തി​ർ​ന്ന അ​ഭി​ഭാ​ഷ​ക നി​ചി​കേ​ത ജോ​ഷി​യെ സു​പ്രീം​കോ​ട​തി നി​യോ​ഗി​ച്ചു.