മു​ഖം ക​റു​പ്പി​ച്ച്​

ന്യൂ​ഡ​ൽ​ഹി: പ്ര​തി​പ​ക്ഷ നേ​താ​ക്ക​ൾ​ക്കും പാ​ർ​ട്ടി​ക​ൾ​ക്കും നേ​രെ അ​ന്വേ​ഷ​ണ ഏ​ജ​ൻ​സി​ക​ളെ മോ​ദി​സ​ർ​ക്കാ​ർ ദു​രു​പ​യോ​ഗി​ക്കു​ന്ന​തു​മാ​യി ബ​ന്ധ​പ്പെ​ട്ട ന​യ​ത​ന്ത്ര പോ​രി​ന്​ പു​തി​യ മാ​നം. ന​യ​ത​ന്ത്ര പ്ര​തി​നി​ധി​യെ വി​ളി​ച്ചു​വ​രു​ത്തി അ​തൃ​പ്തി പ്ര​ക​ട​മാ​ക്കി​യ ഇ​ന്ത്യ​യു​ടെ ന​ട​പ​ടി അ​മേ​രി​ക്ക വ​ക​വെ​ച്ചി​ല്ല. അ​തേ​സ​മ​യം, നി​ല​പാ​ട്​ ആ​വ​ർ​ത്തി​ച്ച്​ ഇ​ന്ത്യ.

ഡ​ൽ​ഹി​യി​ലെ യു.​എ​സ്​ എം​ബ​സി ഉ​പ​മേ​ധാ​വി ഗ്ലോ​റി​യ ബ​ർ​ബേ​ന​യെ വി​ദേ​ശ​കാ​ര്യ മ​ന്ത്രാ​ല​യ​ത്തി​ലേ​ക്ക്​ വി​ളി​ച്ച്​ ക​ഴി​ഞ്ഞ ദി​വ​സം ഇ​ന്ത്യ പ്ര​തി​ഷേ​ധം അ​റി​യി​ച്ചി​രു​ന്നു. എ​ന്നാ​ൽ, തൊ​ട്ടു​പി​ന്നാ​ലെ നി​ല​പാ​ട്​ കൂ​ടു​ത​ൽ ശ​ക്​​ത​മാ​യി പ്ര​ക​ടി​പ്പി​ക്കു​ക​യാ​ണ്​ അ​മേ​രി​ക്ക ചെ​യ്ത​ത്.

ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ്​ കെ​ജ്രി​വാ​ളി​നെ അ​റ​സ്റ്റു ചെ​യ്ത​തി​നെ​തി​രെ​യാ​യി​രു​ന്നു ആ​ദ്യ പ​രാ​മ​ർ​ശം. കോ​ൺ​ഗ്ര​സി​ന്‍റെ ബാ​ങ്ക്​ അ​ക്കൗ​ണ്ട്​ മ​ര​വി​പ്പി​ച്ച​തു​കൂ​ടി എ​ടു​ത്തു​പ​റ​ഞ്ഞാ​ണ്​ ര​ണ്ടാ​മ​ത്തെ പ്ര​തി​ക​ര​ണം വ​ന്ന​ത്.

തെ​ര​ഞ്ഞെ​ടു​പ്പ്​ പ്ര​ചാ​ര​ണം ന​ട​ത്തു​ന്ന​തു വെ​ല്ലു​വി​ളി​യാ​യി​മാ​റു​ന്ന വി​ധം നി​കു​തി അ​ധി​കൃ​ത​ർ ചി​ല ബാ​ങ്ക്​ അ​ക്കൗ​ണ്ടു​ക​ൾ മ​ര​വി​പ്പി​ച്ചു​വെ​ന്ന കോ​ൺ​ഗ്ര​സി​ന്‍റെ ആ​രോ​പ​ണ​ത്തെ​ക്കു​റി​ച്ചും ത​ങ്ങ​ൾ​ക്ക്​ ബോ​ധ്യ​മു​ണ്ടെ​ന്ന്​ യു.​എ​സ്​ വി​ദേ​ശ​കാ​ര്യ വ​ക്​​താ​വ്​ മാ​ത്യു മി​ല്ല​ർ വാ​ഷി​ങ്​​ട​ണി​ൽ പ​റ​ഞ്ഞു. ന​യ​ത​ന്ത്ര പ്ര​തി​നി​ധി​യെ വി​ളി​ച്ചു​വ​രു​ത്തി​യ​തി​നെ​ക്കു​റി​ച്ച ചോ​ദ്യ​ത്തി​ന്, സ്വ​കാ​ര്യ ന​യ​ത​ന്ത്ര സം​ഭാ​ഷ​ണ​ങ്ങ​ളെ​ക്കു​റി​ച്ച്​ പ​റ​യു​ന്നി​ല്ലെ​ന്നാ​യി​രു​ന്നു മ​റു​പ​ടി.

എ​ന്നാ​ൽ, പ​ര​സ്യ​മാ​യി ഇ​തി​ന​കം പ​റ​ഞ്ഞ​ത്​ ആ​വ​ർ​ത്തി​ക്കു​ന്നു. ന്യാ​യ​യു​ക്​​ത​വും സു​താ​ര്യ​വും സ​മ​യ​ബ​ന്ധി​ത​വു​മാ​യ നി​യ​മ പ്ര​ക്രി​യ​യെ​യാ​ണ്​ അ​മേ​രി​ക്ക ​പ്രോ​ത്സാ​ഹി​പ്പി​ക്കു​ന്ന​തെ​ന്ന്​ ആ​വ​ർ​ത്തി​ച്ചു പ​റ​യു​ന്നു. അ​ത്ത​ര​മൊ​രു നി​ല​പാ​ടി​നെ ആ​രും എ​തി​ർ​ക്കേ​ണ്ട​തു​ണ്ടെ​ന്ന്​ ക​രു​തു​ന്നി​ല്ല.

ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ്​ കെ​ജ്രി​വാ​ളി​ന്‍റെ അ​റ​സ്റ്റ്​ അ​ട​ക്കം ഇ​ത്ത​ര​ത്തി​ലു​ള്ള ന​ട​പ​ടി​ക​ൾ തു​ട​ർ​ന്നും സ​സൂ​ക്ഷ്മം യു.​എ​സ്​ നി​രീ​ക്ഷി​ക്കു​മെ​ന്നും മാ​ത്യു മി​ല്ല​ർ കൂ​ട്ടി​ച്ചേ​ർ​ത്തു.

ഇ​തേ​ത്തു​ട​ർ​ന്ന്​ ഇ​ന്ത്യ​ൻ വി​ദേ​ശ​കാ​ര്യ മ​ന്ത്രാ​ല​യ വ​ക്​​താ​വ്​ ര​ൺ​ധീ​ർ ജ​യ്​​സ്വാ​ൾ ഡ​ൽ​ഹി​യി​ൽ പ്ര​തി​വാ​ര വാ​ർ​ത്ത​സ​മ്മേ​ള​നം വി​ളി​ച്ചു. യു.​എ​സ്​ വി​ദേ​ശ​കാ​ര്യ വി​ഭാ​ഗ​ത്തി​ന്‍റെ പ​രാ​മ​ർ​ശം അ​നു​ചി​ത​മാ​ണെ​ന്ന്​ കു​റ്റ​പ്പെ​ടു​ത്തി. ഇ​ന്ത്യ​യു​ടെ തെ​ര​ഞ്ഞെ​ടു​പ്പ്, നി​യ​മ ന​ട​പ​ടി​ക​ളി​ൽ പു​റ​ത്തു​നി​ന്ന്​ ഇ​ത്ത​ര​ത്തി​ൽ ദോ​ഷാ​രോ​പ​ണം ന​ട​ത്തു​ന്ന​ത്​ തീ​ർ​ത്തും അം​ഗീ​ക​രി​ക്കാ​നാ​വി​ല്ല.

നി​യ​മ വ്യ​വ​സ്ഥ​ക​ൾ അ​നു​സ​രി​ച്ചു മാ​ത്ര​മാ​ണ്​ ഇ​ന്ത്യ​യി​ൽ ന​ട​പ​ടി​ക​ൾ മു​ന്നോ​ട്ടു​നീ​ങ്ങു​ന്ന​ത്. സ​മാ​ന മൂ​ല്യ​ങ്ങ​ൾ വെ​ച്ചു​പു​ല​ർ​ത്തു​ന്ന​വ​ർ, പ്ര​ത്യേ​കി​ച്ച്​ ജ​നാ​ധി​പ​ത്യ രാ​ജ്യ​ങ്ങ​ൾ​ക്ക്​ ഈ ​വ​സ്തു​ത അം​ഗീ​ക​രി​ക്കു​ന്ന​തി​ൽ പ്ര​യാ​സ​മു​ണ്ടാ​കേ​ണ്ട കാ​ര്യ​മി​ല്ല.

സ്വ​ത​ന്ത്ര​വും ഊ​ഷ്മ​ള​വു​മാ​യ സ്വ​ന്തം ജ​നാ​ധി​പ​ത്യ സ്ഥാ​പ​ന​ങ്ങ​ളെ​ക്കു​റി​ച്ച്​ ഇ​ന്ത്യ​ക്ക്​ അ​ഭി​മാ​ന​മു​ണ്ടെ​ന്നും ജ​യ്​​സ്വാ​ൾ പ​റ​ഞ്ഞു. ഏ​തെ​ങ്കി​ലും വി​ധ​ത്തി​ലു​ള്ള അ​നാ​വ​ശ്യ വൈ​ദേ​ശി​ക സ്വാ​ധീ​ന​ങ്ങ​ളി​ൽ​നി​ന്ന്​ അ​വ​യെ സം​ര​ക്ഷി​ക്കാ​ൻ ഇ​ന്ത്യ പ്ര​തി​ജ്ഞാ​ബ​ദ്ധ​മാ​ണ്. പ​ര​സ്പ​ര ബ​ഹു​മാ​ന​വും ധാ​ര​ണ​യു​മാ​ണ്​ അ​ന്താ​രാ​ഷ്ട്ര ബ​ന്ധ​ങ്ങ​ളു​ടെ അ​ടി​ത്ത​റ രൂ​പ​പ്പെ​ടു​ത്തു​ന്ന​ത്.

ഓ​രോ രാ​ജ്യ​ങ്ങ​ളും മ​റ്റു​ള്ള​വ​രു​ടെ ആ​ഭ്യ​ന്ത​ര കാ​ര്യ​ങ്ങ​ളും പ​ര​മാ​ധി​കാ​ര​വും മാ​നി​ക്കു​മെ​ന്നാ​ണ്​ പ്ര​തീ​ക്ഷി​ക്കു​ന്ന​തെ​ന്നും വി​ദേ​ശ​കാ​ര്യ മ​ന്ത്രാ​ല​യ വ​ക്​​താ​വ്​ പ​റ​ഞ്ഞു. ജ​ർ​മ​നി​യു​ടെ ന​യ​ത​ന്ത്ര പ്ര​തി​നി​ധി​യെ​യും നേ​ര​ത്തെ വി​ദേ​ശ​കാ​ര്യ മ​​ന്ത്രാ​ല​യ​ത്തി​ൽ വി​ളി​ച്ചു​വ​രു​ത്തി അ​തൃ​പ്തി അ​റി​യി​ച്ചി​രു​ന്നു. തു​ട​ർ​ന്ന്​ അ​വ​ർ സ്വ​രം മ​യ​പ്പെ​ടു​ത്തി.

അ​ടി​സ്ഥാ​ന മ​നു​ഷ്യ മൂ​ല്യ​ങ്ങ​ളും സ്വാ​ത​ന്ത്ര്യ​വും ഉ​റ​പ്പു​ന​ൽ​കു​ന്ന ഇ​ന്ത്യ​ൻ ഭ​ര​ണ​ഘ​ട​ന​യി​ൽ വി​ശ്വാ​സ​മു​ണ്ടെ​ന്നും, ഏ​ഷ്യ​യി​ലെ പ്ര​ധാ​ന പ​ങ്കാ​ളി​യെ​ന്ന നി​ല​യി​ൽ ഇ​ന്ത്യ​യു​മാ​യി ജ​നാ​ധി​പ​ത്യ മൂ​ല്യ​ങ്ങ​ൾ പ​ങ്കു​വെ​ക്കു​ന്നു​വെ​ന്നും ജ​ർ​മ​നി വ്യ​ക്​​ത​മാ​ക്കി. കൂ​ടു​ത​ൽ സ​ഹ​ക​ര​ണ​ത്തി​ന്​ ര​ണ്ടു കൂ​ട്ട​ർ​ക്കും വ​ലി​യ താ​ൽ​പ​ര്യ​മു​ണ്ടെ​ന്നും ജ​ർ​മ​നി കൂ​ട്ടി​ച്ചേ​ർ​ത്തു.