![voter id voter id](https://www.madhyamam.com/h-upload/2021/01/24/855145-voter-id.webp)
വോട്ടർ കാർഡ് ഇനി ഡൗൺലോഡ് ചെയ്തു സൂക്ഷിക്കാം
text_fieldsന്യൂഡൽഹി: വോട്ടർ തിരിച്ചറിയൽ കാർഡ് ഇനി പൗരന്മാർക്ക് ഡൗൺലോഡ് ചെയ്തു സൂക്ഷിക്കാം. പുതിയ സംവിധാനം കേന്ദ്ര നിയമമന്ത്രി രവിശങ്കർ പ്രസാദ് ദേശീയ വോട്ടേഴ്സ് ദിനമായ ജനുവരി 25 തിങ്കളാഴ്ച പുറത്തിറക്കും.
ഓൺലൈനിൽനിന്ന് പി.ഡി.എഫ് ഫോർമാറ്റിൽ ഡൗൺലോഡ് ചെയ്യാവുന്നതാണ്. പുതിയ അഞ്ചു വോട്ടർമാർക്ക് ഇ-വോട്ടർ ഐഡി കാർഡ് നൽകിയാണ് മന്ത്രി 'ഇ-എപിക്' പരിപാടി ഉദ്ഘാടനം ചെയ്യുകയെന്ന് കമീഷൻ വാർത്തക്കുറിപ്പിൽ അറിയിച്ചു.
ലളിതമായി വോട്ടർ ഐഡി ജനങ്ങളിലേക്ക് എത്തിക്കുകയെന്നതാണ് ഈ പദ്ധതികൊണ്ട് ഉദ്ദേശിക്കുന്നതെന്നും മന്ത്രാലയം പറഞ്ഞു. നിലവിൽ ആധാർ കാർഡും പാൻകാർഡും ഡ്രൈവിങ് ലൈസൻസും ഡിജിറ്റൽ ഫോർമാറ്റിൽ ലഭ്യമാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.