അന്ന്​ എല്ലാവരും കുറ്റപ്പെടുത്തി, ഇപ്പോൾ നാട്​ കൈയ്യടിക്കുന്നു​; 500ലേറെ മൃതദേഹങ്ങൾ സംസ്​കരിച്ച്​ തബ്​ലീഗ്​ ജമാഅത്ത്​ പ്രവർത്തകർ

തിരുപ്പതി: 'കഴിഞ്ഞ വർഷം കോവിഡ്​ മഹാമാരിയുടെ പേരിൽ ഞങ്ങളെ പലരും കുറ്റപ്പെടുത്തി. ഇപ്പോൾ അവരെല്ലാവരും ഞങ്ങളെ അഭിനന്ദിക്കുകയാണ്​' ^ ആ​ന്ധ്രപ്രദേശിലെ തിരുപ്പതി നഗരത്തിൽ കോവിഡ്​ ബാധിച്ച്​ മരിച്ച ഒമ്പതുപേരുടെ സംസ്കാര ചടങ്ങ്​ നടത്താൻ തയാറെടുക്കുന്നതിനിടെ ജെ.എം.ഡി ഗൗസ്​ പറഞ്ഞു. തബ്​ലീഗ്​ ജമാഅത്തി​െൻറ സജീവ പ്രവർത്തകനാണ്​ അദ്ദേഹം.

തിരുപ്പതി യുനൈറ്റഡ് മുസ്‌ലിം അസോസിയേഷന് കീഴിൽ തബ്​ലീഗ്​ ജമാഅത്ത്​ അംഗങ്ങളും അല്ലാത്തവരുമായ സമാന ചിന്താഗതിക്കാരെ ഒരുമിച്ച്​ കൂട്ടി കോവിഡ് ജോയി​ൻറ്​ ആക്ഷൻ കമ്മിറ്റി രൂപീകരിച്ച്​ പ്രവർത്തനങ്ങളുമായി മുന്നോട്ടുപോവുകയാണ്​ ഇവർ.​ 2020ൽ കോവിഡ്​ മഹാമാരി പടർന്നതോടെ ജനങ്ങൾ നേരിടുന്ന പ്രശ്​നങ്ങൾക്ക്​ പരിഹാരമേകാനാണ്​ കമ്മിറ്റി രൂപീകരിക്കുന്നത്​. ഇതി​െൻറ നേതൃത്വം വഹിക്കുന്നയാളാണ്​ ഗൗസ്​.

​പ്രദേശത്ത്​ ചികിത്സാസൗകര്യങ്ങൾ ലഭിക്കാൻ ബുദ്ധിമുട്ടായതിനെ തുടർന്ന്​ ജനങ്ങൾ കോവിഡ്​ ബാധിച്ച്​ മരിച്ചവരുടെ സംസ്​കാരം നടത്താൻ തയാറാകുന്നില്ല. കൂടാതെ അനാഥർക്കും നിരാലംബരായവർക്കും അന്ത്യകർമങ്ങൾ ചെയ്യാൻ ആരുമില്ല. ഇൗ പ്രവർത്തനമെല്ലാം ഇപ്പോൾ ഗൗസി​െൻറ നേതൃത്വത്തിലാണ്​ നടക്കുന്നത്​. 60ഒാളം വളൻറിയർമാരുണ്ട്​ ഇവരുടെ കീഴിൽ.

മതവും ജാതിയും നോക്കാതെ കഴിഞ്ഞ ഒരു മാസമായി ദിവസേന കുറഞ്ഞത് 15 മൃതദേഹങ്ങളെങ്കിലും ഇവർ സംസ്​കരിക്കുന്നുണ്ട്​​. 60 അംഗങ്ങളെ മൂന്ന് ടീമുകളായി തിരിച്ചാണ്​ പ്രവർത്തനം. ഓരോ ടീമിനും ഓരോ ദിവസവും കുറഞ്ഞത് നാല്​ മൃതദേഹങ്ങളെങ്കിലും നിയോഗിക്കപ്പെടുന്നു. മൃതദേഹങ്ങൾ നിശ്ചയിച്ച ശ്​മശാനത്തിലേക്ക്​ കൊണ്ടുപോകുന്നതും ഇവർ തന്നെയാണ്​. ഓട്ടോ ഡ്രൈവർമാർ, ഹോട്ടൽ തൊഴിലാളികൾ, ദിവസവേതനക്കാർ എന്നിവരെല്ലം ഇക്കൂട്ടത്തിലുണ്ട്​. മാത്രമല്ല, ഇതിൽ ആറ്​ പേർ ഇവരു​െട ​പ്രവർത്തനം കണ്ട്​ പ്രചോദനം ഉൾ​െകാണ്ട അമുംസ്​ലികളാണ്​.

ഒാരോരുത്തരുടെയും മതത്തി​െൻറ അടിസ്ഥാത്തിലാണ് ഇവർ സംസ്കാരം നടത്തുന്നത്. ഹിന്ദുവാണെങ്കിൽ തുണിയും പുഷ്പമാലയും ചാർത്തും. ക്രിസ്ത്യാനികളാണെങ്കിൽ മൃതദേഹം ശവപ്പെട്ടിയിൽ സൂക്ഷിച്ചശേഷം പ്രാർഥിക്കാനായി പള്ളിയിൽനിന്ന്​ അച്​ഛനെ കൊണ്ടുവരും. മുസ്​ലിമാണെങ്കിൽ ഇവർ തന്നെ മയ്യിത്ത്​ നമസ്​കരിക്കും.

തബ്​ലീഗ്​ ജമാഅത്തിലെ അംഗങ്ങളടക്കം സംഭാവന ചെയ്​ത പി.പി.ഇ കിറ്റുകളാണ്​ ഇവർ ഉപയോഗിക്കുന്നത്​. ​സന്നദ്ധ ​പ്രവർത്തനവുമായി മുന്നോട്ട് പോകാൻ പൊലീസും നഗരസഭയും മറ്റ് വകുപ്പ് ഉദ്യോഗസ്ഥരും സഹായിക്കുന്നുണ്ട്​. ഇതുവരെ 534 മൃതദേഹങ്ങൾ ഇവർ സംസ്​കരിച്ചു. ഇതിൽ 184 എണ്ണം ആദ്യ തരംഗത്തിലും 350 എണ്ണം രണ്ടാം തരംഗത്തിലുമാണ്. 'ആദ്യ തരംഗത്തിൽ മരിച്ചവർ കൂടുതലും പ്രായമായവരാണ്. എന്നാൽ ഇപ്പോൾ മരിക്കുന്നവരിൽ ഭൂരിഭാഗവും ചെറുപ്പക്കാരാണ്' ^ഗൗസ്​ സാക്ഷ്യപ്പെടുത്തുന്നു.

'2020 മാർച്ചിൽ ഞങ്ങളിൽ ഉൾപ്പെട്ട രണ്ട് ^ മൂന്ന് പേർ ഡൽഹിയിലെ തബ്​ലീഗ്​ ജമാഅത്ത്​ സമ്മേളനത്തിൽ പോയിരുന്നു. അന്ന് കോവിഡ്​ വ്യാപിച്ചതോടെ​ നിരവധി പേരാണ്​ ഞങ്ങളെ കുറ്റപ്പെടുത്തിയത്​. ഇപ്പോൾ കാര്യങ്ങൾ മാറി. ആളുകൾ കാര്യങ്ങൾ മനസ്സിലാക്കി. സാഹോദര്യത്തോടും അനുകമ്പയോടും കൂടി ഇൗ ദുരിതത്തിൽനിന്ന്​ നമുക്ക്​ രക്ഷപ്പെടാനാകുമെന്ന്​ പ്രതീക്ഷിക്കാം' ^ഗൗസ്​ പറയുന്നു.