കൊളുക്കുമലയിൽ സഞ്ചാരികളെ എത്തിച്ച ​ചെന്നൈ ട്രക്കിങ്​ ക്ലബ്​​ പൂട്ടി: ഒരാൾ കസ്​റ്റഡിയിൽ

ചെന്നൈ: കൊളുക്കുമലയിൽ സഞ്ചാരികളെ എത്തിച്ച ചെന്നൈ ട്രക്കിങ്​ ക്ലബി​​​െൻറ ഒാഫിസ്​ പൂട്ടി സംഘാടകർ മുങ്ങി. ചെന്നൈ ഇ.സി.ആർ റോഡിലെ പാലാവക്കത്തുള്ള കെട്ടിടത്തിന്​ മുന്നിലുണ്ടായിരുന്ന ബോർഡും എടുത്തുമാറ്റിയിട്ടുണ്ട്​. ഇതിനിടെ ട്രക്കിങ്​ ക്ലബിലെ പ്രധാന സംഘാടകനായ രാജേഷ്​ പൊലീസ്​ കസ്​റ്റഡിയിലുണ്ടെന്ന്​ സൂചനകളുണ്ട്​. നീലാങ്കര പൊലീസ്​ സ്​റ്റേഷൻ പരിധിയിലുള്ള സ്​ഥാപനം​ പൊലീസ്​ നിരീക്ഷണത്തിലാണ്​. 

സന്നദ്ധസേവന, കായിക, പ്രകൃതി സംരക്ഷണ ബോധവത്​കരണ രംഗത്ത്​ സജീവമെന്ന്​ അവകാശപ്പെടുന്ന ചെന്നൈ ട്രക്കിങ്​ ക്ലബ്​ 2008ൽ ബെൽജിയം സ്വദേശി പീറ്റർ വാൻ ഗെയ്​ത്താണ്​ സ്​ഥാപിച്ചത്​. 40,000ത്തോള​ം അംഗങ്ങളുള്ള ക്ലബ്​ വർഷം മുഴുവൻ സാഹസിക വിനോദങ്ങളും വാരാന്ത്യങ്ങളിൽ സന്നദ്ധസേവന പ്രവർത്തനങ്ങളും കൊണ്ട്​ യുവജനങ്ങൾക്കിടയിൽ അറിയപ്പെട്ടിരുന്നു. ​

എന്നാൽ, അനധികൃത വനയാ​ത്രകളാണ്​ ഇവർ സംഘടിപ്പിച്ചിരു​ന്നതെന്ന്​ തമിഴ്​നാട്​ പൊലീസ്​ പറഞ്ഞു. പരി​ശീലനം ലഭിച്ച വഴികാട്ടിക​േളാ രക്ഷാമാർഗങ്ങളോ ലഭ്യമാക്കിയിരുന്നില്ല.അതേസമയം അനധികൃത ട്രക്കിങ്ങിനെതിരെ കർശന നടപടിയെടുക്കുമെന്ന്​ മുഖ്യമന്ത്രി എടപ്പാടി കെ. പളനിസാമി പറഞ്ഞു. അപകടത്തിൽപ്പെട്ടവർ മുൻകൂർ അനുമതിയില്ലാതെയാണ്​ വനത്തിൽ​ പ്രവേശിച്ചതെന്നും അദ്ദേഹം പറഞ്ഞു. പരിക്കേറ്റവർക്ക്​ മെച്ചപ്പെട്ട ചികിത്സ ലഭ്യമാക്കിയിട്ടുണ്ട്​.

വേനൽക്കാല ട്രക്കിങ്​ അപകടകരം
ചെന്നൈ:  വനപ്രദേശങ്ങളിലെ വേനൽക്കാല ട്രക്കിങ്​  അപകടകരമെന്നു വനം വകുപ്പ്​ . ​ഫെബ്രുവരി മുതൽ ജൂൺ വരെയുള്ള കാലത്ത്​ കാട്ടുതീയും മറ്റും സർവസാധാരണമാണെന്ന്​​ മധുര സർക്കിൾ വനംവകുപ്പ്​ കൺസർവേറ്റർ ആ.കെ. ജഗനിയ പറഞ്ഞു. സമീപ സംസ്​ഥാനങ്ങളിൽനിന്നുൾപ്പെടെ ട്രക്കിങ്​ ഗ്രൂപ്പുകൾ മധുര, തേനി തുടങ്ങിയ മേഖലകളിലെ വനപ്രദേശങ്ങളിൽ അനധികൃതമായി കടക്കുന്നുണ്ട്​. കേരളത്തിലെ മൂന്നാർ സൂര്യനെല്ലിയിൽനിന്ന് തേനി ഡിവിഷനിൽപെട്ട കൊളുക്കുമലയിലേക്ക്​ നിരവധി ട്രക്കിങ്​ സംഘങ്ങളാണ്​ എത്തുന്നത്​​.​ 

പരിശീലനം നേടിയ ഗൈഡുകളുടെ അഭാവം മിക്ക ട്രക്കിങ് സംഘങ്ങളെയും പല അപകടത്തിലും പെടുത്തിയിട്ടുണ്ട്​​. ടൂർ ഗ്രൂപ്പുകളും റിസോർട്ടുകളും സഞ്ചാരികളെ ആകർഷിക്കാനായി പാക്കേജിൽ ട്രക്കിങ്​ വാഗ്​ദാനം ചെയ്യുന്നുണ്ട്​. എന്നാൽ, വനംവകുപ്പി​​​െൻറ അനുമതി ഇവരിൽ പലർക്കുമില്ലെന്നത്​  സഞ്ചാരികൾ ശ്രദ്ധിക്കാറില്ല.  കേരളത്തിനോട്​ ചേർന്നു കിടക്കുന്ന അഗമലൈ വെസ്​റ്റ്​, പെരിയത്തുകൊ​​െമ്പയ്​, ഉൗത്തം പാറെ, ഉലകരുതിയാർ തുടങ്ങി വനപ്രദേശങ്ങൾ വൻ കാട്ടുതീ സാധ്യതയുള്ള മേഖലകളിലാണ്​​ തമിഴ്​നാട്​ വനംവകുപ്പ്​ പെടുത്തിയിരിക്കുന്നത്​.  പടർന്നുനിൽക്കുന്ന ഇഞ്ചിപ്പുല്ലും കനത്ത കാറ്റും തീ വേഗം പടർന്നുപിടിക്കാൻ ഇടയാക്കും. 

വർഷകാലത്തും ശൈത്യകാലത്തും വനത്തിൽ ആനകളുടെ സുഗമ സഞ്ചാരവും മണ്ണിടിച്ചിലും സർവസാധാരണമായതിനാൽ ഇക്കാലത്തും ട്രക്കിങ്​ വളരെ കരുത​ലോടെ വേണം. വനംവകുപ്പി​​​െൻറ വഴികാട്ടികളില്ലാതെ ​ഇൗ മേഖലകളിൽ ട്രക്കിങ്ങിന്​ പോകരുതെന്നും തമിഴ്​നാട്​ വനംവകുപ്പ്​ അധികൃതർ മുന്നറിയിപ്പ്​ നൽകുന്നു.​

പൊള്ളലേറ്റ മലയാളി മധുര ആശുപത്രിയിൽ 
കോ​യ​മ്പ​ത്തൂ​ർ: പൊ​ള്ള​ലേ​റ്റ മ​ല​യാ​ളി​യെ മ​ധു​ര ഗ​വ. രാ​ജാ​ജി ആ​ശു​പ​ത്രി​യി​ൽ നി​ന്ന്​ സ്വ​കാ​ര്യ ആ​ശു​പ​ത്രി​യി​ലേ​ക്ക്​ മാ​റ്റി. കോ​ട്ട​യം സ്വ​ദേ​ശി ജോ​സ​ഫ്​ ജോ​ർ​ജി​​​െൻറ മ​ക​ൾ മീ​ന ജോ​ർ​ജാ​ണ്​ (19) ചി​കി​ത്സ​യി​ലു​ള്ള​ത്. 30 ശ​ത​മാ​നം പൊ​ള്ള​ലേ​റ്റ ഇ​വ​രെ കു​ടും​ബാം​ഗ​ങ്ങ​ൾ മു​ൻ​കൈ​യെ​ടു​ത്താ​ണ്​ മ​ധു​ര കെ.​കെ. ന​ഗ​റി​ലെ അ​പ്പോ​ളോ ​സ്​​പെ​ഷാ​ലി​റ്റി ആ​ശു​പ​ത്രി​യി​ലേ​ക്ക്​​ മാ​റ്റി​യ​ത്.