നിയമസഭ തെരഞ്ഞെടുപ്പുകളിൽ സി.പി.എം-കോൺഗ്രസ്​ സഖ്യമില്ല

ന്യൂഡൽഹി: യു.പി, ഗോവ അടക്കം അടുത്ത വർഷം നടക്കാനിരിക്കുന്ന നിയമസഭ തെരഞ്ഞെടുപ്പുകളിൽ കോൺഗ്രസുമായി സഖ്യമോ ധാരണയോ ഇല്ലെന്ന്​ സി.പി.എം. വിവിധ സംസ്​ഥാന ഘടകങ്ങളുടെ ഈ നിലപാട്​ കഴിഞ്ഞ ദിവസങ്ങളിൽ നടന്ന പോളിറ്റ്​ ബ്യൂറോ യോഗത്തിൽ റിപ്പോർട്ട്​ ചെയ്​തു.

ബി.ജെ.പിയെ നേരിടുന്നതിന്​ കോൺഗ്രസുമായി ഒന്നിച്ചുനീങ്ങുന്നതിനെക്കുറിച്ച ചർച്ച പാർട്ടിയിൽ സജീവമായി നടക്കുന്നതിനിടയിലാണിത്​. പ്രാദേശിക പാർട്ടികൾ സി.പി.എമ്മുമായി ബന്ധത്തിന്​ വലിയ താൽപര്യം കാണിക്കാത്ത സ്​ഥിതിയുണ്ട്​.

ഈ സാഹചര്യത്തിൽ മറ്റ്​ ഇടതുപാർട്ടികളുമായി ചേർന്ന്​ ഓരോ സംസ്​ഥാനത്തും സ്​ഥാനാർഥികളെ നിർത്തുന്നതിനാണ്​ സി.പി.എം ശ്രമിക്കുക.