ട്വിറ്റർ നോക്കിയവർ ഞെട്ടി ...! ഒരു രാഹുൽ ഗാന്ധിക്ക്​ പകരം ഒരായിരം രാഹുൽ ഗാന്ധിമാർ

ന്യൂഡൽഹി: കോൺഗ്രസിന്‍റെയും രാഹുൽ ഗാന്ധിയുടെയും നിരവധി നേതാക്കളുടെയും ട്വിറ്റർ അക്കൗണ്ടുകൾ മരവിപ്പിച്ചപ്പോൾ ഇങ്ങനെ ഒരു പ്രതിഷേധം ആരും പ്രതീക്ഷിച്ചിട്ടുണ്ടാകില്ല. ഇപ്പോൾ ട്വിറ്റർ തുറന്നാൽ നിറയെ രാഹുൽ ഗാന്ധിമാരാണ്​. ഒരു രാഹുലിന്​ പകരം ഒരായിരം രാഹുൽ! തങ്ങളുടെ ​ഡിസ്​പ്ലെ നെയിം 'രാഹുൽ ഗാന്ധി' എന്നാക്കി മാറ്റിയാണ് കോൺഗ്രസ്​ നേതാക്കളും പ്രവർത്തകരും​ ട്വിറ്ററിനും കേന്ദ്രസർക്കാറിനുമെതിരെ വേറിട്ട പ്രതിഷേധം പ്രകടിപ്പിക്കുന്നത്​.

യൂത്ത്​ കോൺഗ്രസ്​ ദേശീയ പ്രസിഡന്‍റ്​ ബി.വി. ശ്രീനിവാസ്​ ഉൾപ്പെടെയുള്ളവർ ഈ കാമ്പയിനിൽ പങ്കാളികളായി പേര്​ മാറ്റി. ദേശീയ നേതാക്കൾക്ക്​ പുറമേ വിവധ സംസ്​ഥാന, ജില്ല നേതാക്കളും പ്രവർത്തകരും പിന്തുണയ​ുമായി എത്തിയിട്ടുണ്ട്​.

പുരോഹിതനും കൂട്ടാളികളും പീഡിപ്പിച്ച്​ ​കൊന്ന ദലിത്​ പെൺകുട്ടി​യുടെ കുടുംബത്തെ സന്ദർശിച്ച്​ ചിത്രം പങ്കുവെച്ചതിന്‍റെ പേരിലായിരുന്നു രാഹുലിനെതിരെ ട്വിറ്ററിന്‍റെ നടപടി. ചിത്രം ട്വീറ്റ്​ ചെയ്​ത​തിനെതിരെ നിരവധി ബി.​ജെ.പി -ആർ.എസ്​്​.എസ്​ പ്രവർത്തകർ ട്വിറ്ററിനും രാഹുലിനുതെിരെ വിവിധ പൊലീസ്​ സ്​റ്റേഷനുകളിൽ കേസ്​ നൽകിയിരുന്നു. തുടർന്നാണ്​ കഴിഞ്ഞ ദിവസം അക്കൗണ്ട്​ മരവിപ്പിച്ചത്​.

രാഹുൽ ഗാന്ധിക്ക്​ പുറമെ മാധ്യമവിഭാഗം തലവൻ രൺദീപ്​ സു​ർജേവാല, എ.ഐ.സി.സി ജനറൽ ​െ​സക്രട്ടറിയും മുൻ മന്ത്രിയുമായ അജയ്​ മാക്കൻ, കെ.സി. വേണുഗോപാൽ, ലോക്​സഭ വിപ്പ്​ മാണിക്കം ടാഗോർ, അസം നേതാവും മുൻ കേന്ദ്രമന്ത്രിയുമായ ജിതേന്ദ്ര സിങ്​, മഹിള കോൺഗ്രസ്​ പ്രസിഡന്‍റ്​ സുഷ്​മിത ദേവ്​ എന്നിവരുടെ ട്വിറ്റർ അക്കൗണ്ടുകളും പൂട്ടിയിട്ടുണ്ട്​.

तुम्हारी हर 'दादागिरी' का जवाब
'गांधी-गिरी' से हम देते रहेंगे,

तुम्हे जिस चेहरे से सबसे ज्यादा डर लगता है,
वही बनकर, जनता की आवाज़ बनते रहेंगे#TwitterBJPseDarGaya pic.twitter.com/e7JczVu0nH

— Rahul Gandhi (@srinivasiyc) August 12, 2021

പാർട്ടിയുടെ ഔദ്യോഗിക ട്വിറ്റർ അക്കൗണ്ട്​ പൂട്ടിയതിനെതിരെ കേന്ദ്രസർക്കാറിന​ും പ്രധാനമന്ത്രി നരേന്ദ്രമോദിക്കുമെതിരെ കോൺഗ്രസ് രൂക്ഷവിമർശനം ഉന്നയിച്ചിരുന്നു. പാർട്ടിയുടെ ഇൻസ്റ്റഗ്രാം അക്കൗണ്ടിലൂടെയാണ്​ പ്രതികരണം. 'മോദിജി, നിങ്ങൾക്ക്​ എന്തൊരു പേടിയാണ്​. സത്യം, അഹിംസ, ജനങ്ങളുടെ ഇച്ഛാശക്തി എന്നിവ ഉൾക്കൊണ്ട്​ രാജ്യത്തിന്‍റെ സ്വാതന്ത്ര്യത്തിനായി കോൺഗ്രസ്​ പോരാടി. അപ്പോൾ ഞങ്ങൾ വിജയിച്ചു, വീണ്ടും വിജയിക്കും' എന്നായിരുന്നു ഇൻസ്റ്റഗ്രാമിലെ കുറിപ്പ്​.

കോൺഗ്രസിന്‍റെ ഔദ്യോഗിക ട്വിറ്റർ അക്കൗണ്ടിന്​ പുറമെ മുതിർന്ന നേതാക്കളുടെയും പ്രവർത്തകരുടെയും ഉൾപ്പെടെ 5000 ​േത്താളം അക്കൗണ്ടുകൾ ട്വിറ്റർ ബ്ലോക്ക്​ ചെയ്​തതായി കോൺഗ്രസ്​ സാമൂഹിക മാധ്യമ വിഭാഗം തലവൻ രോഹൻ ഗുപ്​ത പറഞ്ഞു. കേന്ദ്രസർക്കാറിൽനിന്നുള്ള സമ്മർദ്ദത്തിന്‍റെ ഭാഗമാണ്​ ട്വിറ്ററിന്‍റെ നടപടിയെന്നും അദ്ദേഹം കുറിച്ചു. 'കേന്ദ്രസർക്കാറിന്‍റെ സമ്മർദ്ദത്തിന്‍റെ ഭാഗമായാണ്​ ട്വിറ്ററിന്‍റെ പ്രവർത്തനം. പട്ടിക ജാതിയുടെ ദേശീയ കമീഷന്‍റെ ട്വിറ്റർ അക്കൗണ്ടുകൾ ഇതേ ചിത്രം പങ്കുവെച്ചെങ്കിലും അവ നീക്കം ചെയ്​തിട്ടില്ല' -ഗുപ്​ത പറഞ്ഞു.

രാഹുൽ ഗാന്ധിയുടെ ട്വിറ്റർ അക്കൗണ്ട്​ താൽകാലികമായി മരവിപ്പിച്ചതിന്​ പിന്നാലെയാണ്​ പാർട്ടിയുമായി ബന്ധപ്പെട്ട മറ്റ്​ അക്കൗണ്ടുകളും പൂട്ടിയത്​. ദേശീയ ശിശു സംരക്ഷണ സമിതിയുടെ പരാതിയെ തുടർന്നായിരുന്നു നടപടി. ഡൽഹിയിൽ ബലാത്സംഗത്തിന്​ ഇരയായി കൊല്ലപ്പെട്ട ബാലികയുടെ കുടുംബത്തിനൊപ്പം നിൽക്കുന്ന ചിത്രം പോസ്റ്റ്​ ചെയ്​തതിനാണ്​ രാഹുലിന്‍റെ ട്വിറ്റർ അക്കൗണ്ട്​ പൂട്ടിയത്​. പെൺകുട്ടിയുടെ സ്വകാര്യതയെ മാനിച്ചില്ലെന്ന കാരണത്താലാണ്​ അക്കൗണ്ട്​ പൂട്ടിയത്.