ശിരോവസ്ത്രം: പ്രിൻസിപ്പലിന് ഭീഷണി; യുവാവ് പിടിയിൽ

ബം​ഗ​ളൂ​രു: ശി​രോ​വ​സ്ത്ര വി​ഷ​യ​ത്തി​ൽ സ്വ​കാ​ര്യ കോ​ള​ജ് പ്രി​ൻ​സി​പ്പ​ലി​നെ ഭീ​ഷ​ണി​പ്പെ​ടു​ത്തി​യ യു​വാ​വി​നെ കു​ന്ദാ​പു​ര പൊ​ലീ​സ് അ​റ​സ്റ്റ് ചെ​യ്തു. കോ​ലാ​ർ സ്വ​ദേ​ശി​യാ​യ കു​ന്ദാ​പു​ര​യി​ൽ താ​മ​സി​ക്കു​ന്ന മു​ഹ​മ്മ​ദ് ഷ​ബീ​ർ (32) ആ​ണ് പി​ടി​യി​ലാ​യ​ത്.

ഉ​ഡു​പ്പി ജി​ല്ല​യി​ലെ കു​ന്ദാ​പു​ര​യി​ലെ സ്വ​കാ​ര്യ പി.​യു കോ​ള​ജി​ലെ പ്രി​ൻ​സി​പ്പ​ലി​നെ ഭീ​ഷ​ണി​പ്പെ​ടു​ത്തി​യെ​ന്നാ​ണ് പ​രാ​തി. ശി​രോ​വ​സ്ത്രം ധ​രി​ച്ച് വി​ദ്യാ​ർ​ഥി​ക​ളെ ക്ലാ​സി​ൽ ക​യ​റാ​ൻ അ​നു​വ​ദി​ച്ചി​ല്ലെ​ങ്കി​ൽ അ​തി​ന്‍റെ പ്ര​ത്യാ​ഘാ​തം വ​ള​രെ വ​ലു​താ​യി​രി​ക്കു​മെ​ന്നാ​യി​രു​ന്നു ഭീ​ഷ​ണി. പ്രി​ൻ​സി​പ്പ​ലി​ന്‍റെ പ​രാ​തി​യെ തു​ട​ർ​ന്നാ​ണ് കു​ന്ദാ​പു​ര പൊ​ലീ​സ് യു​വാ​വി​നെ അ​റ​സ്റ്റ് ചെ​യ്ത​ത്.

ഇ​തി​നി​ടെ, ശി​വ​മൊ​ഗ്ഗ​യി​ൽ ശി​രോ​വ​സ്ത്രം ധ​രി​ച്ചെ​ത്തി​യ 43 വി​ദ്യാ​ർ​ഥി​ക​ളെ അ​ധി​കൃ​ത​ർ ത​ട​ഞ്ഞു. ഇ​തോ​ടെ ഇ​വ​ർ ക്ലാ​സു​ക​ളി​ൽ ക​യ​റി​യി​ല്ല. ഇ​തി​ൽ പ​ത്തു പേ​ർ​ക്ക് ര​ണ്ടാം വ​ർ​ഷ പി.​യു പ്രാ​ക്ടി​ക്ക​ൽ പ​രീ​ക്ഷ​യി​ലും പ​ങ്കെ​ടു​ക്കാ​നാ​യി​ല്ല.

ഭ​ദ്രാ​വ​തി ന്യൂ​ട​ൺ വ​നി​ത കോ​ള​ജി​ലെ 15 വി​ദ്യാ​ർ​ഥി​ക​ളെ​യും ശി​ര​ല​കൊ​പ്പ​യി​ലെ വ​നി​ത പി.​യു കോ​ള​ജി​ലെ 28 വി​ദ്യാ​ർ​ഥി​ക​ളെ​യു​മാ​ണ് ശി​രോ​വ​സ്ത്ര​ത്തി​ന്‍റെ പേ​രി​ൽ ക്ലാ​സി​ൽ പ്ര​വേ​ശി​പ്പി​ക്കാ​തെ ത​ട​ഞ്ഞ​ത്. ഇ​വ​രി​ൽ സ​യ​ൻ​സ് വി​ഭാ​ഗ​ത്തി​ൽ ഉ​ൾ​പ്പെ​ട്ട പ​ത്തു​പേ​ർ​ക്കാ​ണ് പ്രാ​ക്ടി​ക്ക​ൽ പ​രീ​ക്ഷ ന​ഷ്ട​മാ​യ​ത്.