ശ്രീനഗറിൽ മൂന്ന്​ ഭീകരരെ വധിച്ചെന്ന്​ പൊലീസ്​; കൊല്ലപ്പെട്ടവർ വിദ്യാർഥികളാണെന്ന്​ കുടുംബം

ശ്രീനഗർ: ജമ്മു കശ്​മീരിലെ ശ്രീനഗർ പാരി​ംപോറ പ്രദേശത്ത്​ നടത്തിയ ഏറ്റുമുട്ടലിൽ മൂന്ന്​ ഭീകരർ ​െകാല്ലപ്പെട്ടതായി പൊലീസ്​. ചൊവ്വാഴ്ച വൈകി​േട്ടാടെ ഭീകരർ സുരക്ഷ സേനക്ക്​ നേരെ വെടിയുതിർക്കുകയായിരുന്നുവെന്നും പൊലീസ്​ പറഞ്ഞു. രാത്രി മുഴുവൻ ഇരുകൂട്ടരും തമ്മിൽ വെടിവെപ്പ്​ തുടർന്നതായും പൊലീസ്​ കൂട്ടിച്ചേർത്തു.

അതേസമയം കൊല്ലപ്പെട്ടവർ ഭീകരവാദികളല്ലെന്നും നിരപരാധികളാണെന്നും വ്യക്തമാക്കി ശ്രീനഗറിൽ കുടുംബം പ്രതിഷേധം നടത്തി. കൊല്ലപ്പെട്ട മൂന്നുപേരും നിരപരാധികളാണെന്നും ചൊവ്വാഴ്ച കശ്​മീർ സർവകലാശാലയിൽ അപേക്ഷ സമർപ്പിക്കാൻ പോയ വിദ്യാർഥികളെയാണ്​ കൊല​െപ്പടുത്തിയതെന്നും കുടുംബം പറഞ്ഞു.

കൊല്ലപ്പെട്ടവരിൽ ഒരാൾ 11ാം ക്ലാസ്​ വിദ്യാർഥിയായിരുന്നുവെന്നും പറയുന്നു. ജമ്മുകശ്​മീർ മുൻ മുഖ്യമ​ന്ത്രി മെഹബൂബ മുഫ്​തി ഉൾപ്പെടെയുള്ളവർ കുടുംബത്തിന്‍റെ പ്രതിഷേധ വിഡിയോ ട്വിറ്ററിൽ ഷെയർ ചെയ്​തു.

മൂന്നുപേരുടെയും പേരുകൾ തീവ്രവാദികളുടെ പട്ടികയിൽ ഉൾപ്പെടുത്തിയിരുന്നില്ലെന്നും ഇതിൽ രണ്ടുപേർ തീവ്രവാദ സംഘടനകളുമായി ​േചർന്ന്​ പ്രവർത്തിച്ചിരുന്നുവെന്നും പൊലീസ്​ പറഞ്ഞു.