പഹൽഗാമിൽ ഏറ്റുമുട്ടലിൽ മൂന്ന് തീവ്രവാദികൾ കൊല്ലപ്പെട്ടു

ശ്രീനഗർ: ജമ്മു-കശ്മീരിലെ പഹൽഗാമിൽ സുരക്ഷാസേനയുമായുള്ള ഏറ്റുമുട്ടലിൽ മൂന്ന് തീവ്രവാദികൾ കൊല്ലപ്പെട്ടു. അനന്ത് നാഗ് ജില്ലയിലെ പഹൽഗാമിലെ അവൂര ഗ്രാമത്തിലാണ് ഏറ്റുമുട്ടലുണ്ടായത്. പ്രാദേശിക തീവ്രവാദികളായ ഇവരിൽ നിന്ന് മൂന്ന് തോക്കുകൾ പിടിച്ചെടുത്തതായും സേന അറിയിച്ചു.

അവൂര ഗ്രാമത്തിൽ തീവ്രവാദികൾ ഉണ്ടെന്ന വിവരം ലഭിച്ചതിനെ തുടർന്ന് നടത്തിയ തിരിച്ചിലാണ് ഏറ്റുമുട്ടലിൽ കലാശിച്ചത്. ഏറ്റുമുട്ടലിനെക്കുറിച്ചറിഞ്ഞ് സമീപ ഗ്രാമങ്ങളിൽ നിന്നുള്ളവരും സ്ഥലത്തെത്തിയത് സ്ഥിതി ഗുരുതരമാക്കിയെന്ന് സുരക്ഷാ സേന അധികൃതർ അറിയിച്ചു.