തൃണമൂൽ കോൺ​ഗ്രസ്​ എം.എൽ.എ വെടിയേറ്റ്​ മരിച്ചു; പിന്നിൽ ബി.ജെ.പിയെന്ന്​ ആരോപണം

കൊൽക്കത്ത: പശ്ചിമ ബംഗാളിൽ തൃണമൂൽ കോൺ​ഗ്രസ്​ എം.എൽ.എ വെടിയേറ്റ്​ മരിച്ചു. നദിയ ജില്ലയിലെ കൃഷ്​ണഗഞ്ച്​ മണ്ഡല ത്തിലെ എം.എൽ.എ സത്യജിത്​ ബിശ്വാസാണ്​ കൊല്ലപ്പെട്ടത്​. സംഭവത്തിന്​ പിന്നിൽ ബി.ജെ.പിയാണെന്ന്​​ തൃണമൂൽ കോൺഗ്രസ്​ ആരോപിച്ചു. എന്നാൽ ആരോപണം ബി.ജെ.പി നിഷേധിച്ചിട്ടുണ്ട്​.

ബി.ജെ.പി-തൃണമൂൽ കോൺഗ്രസ്​ സംഘർഷം നിലനിൽക്കുന്ന ഇടമാണ്​ ബംഗ്ലാദേശിനോട്​ ചേർന്ന്​ നിൽക്കുന്ന ജില്ല കൂടിയായ നദിയ​. സി.ബി.​െഎ റെയ്​ഡുമായി ബന്ധപ്പെട്ട്​ കേന്ദ്രവും മമതാ ബാനർജിയും ഉടക്കിലായ സാഹചര്യത്തിൽ വരും ദിവസങ്ങളിൽ ഇത്​ വലിയ രാഷ്​ട്രീയ പ്രചാരണങ്ങൾക്ക്​ വഴിവെച്ചേക്കും.