വഖഫിനായി തെരുവിലേക്ക്

ന്യൂ​ഡ​ൽ​ഹി: വി​വാ​ദ വ​ഖ​ഫ് ഭേ​ദ​ഗ​തി ബി​ൽ പാ​ർ​ല​മെ​ന്റി​ന്റെ ബ​ജ​റ്റ് സ​മ്മേ​ള​ന​ത്തി​ൽ പാ​സാ​ക്കു​മെ​ന്ന് കേ​ന്ദ്ര സ​ർ​ക്കാ​ർ പ്ര​ഖ്യാ​പി​ച്ച​തോ​ടെ വ​ഖ​ഫ് പി​ടി​ച്ച​ട​ക്കാ​നു​ള്ള കേ​ന്ദ്ര നീ​ക്ക​ത്തി​നെ​തി​രെ തെ​രു​വി​ലി​റ​ങ്ങാ​ൻ അ​ഖി​ലേ​ന്ത്യ മു​സ്‍ലിം വ്യ​ക്തി​നി​യ​മ ബോ​ർ​ഡ് തീ​രു​മാ​നി​ച്ചു. സ​മ​ര​ത്തി​ൽ പ​ങ്കെ​ടു​ക്കാ​നും അ​നീ​തി​ക്കും അ​ടി​ച്ച​മ​ർ​ത്ത​ലി​നു​മെ​തി​രെ ശ​ബ്ദ​മു​യ​ർ​ത്താ​നും മു​സ്‍ലിം വ്യ​ക്തി​നി​യ​മ ബോ​ർ​ഡ് പ്ര​തി​പ​ക്ഷ രാ​ഷ്ട്രീ​യ പാ​ർ​ട്ടി​ക​ളോ​ടും സി​വി​ൽ സൊ​സൈ​റ്റി പ്ര​സ്ഥാ​ന​ങ്ങ​ളോ​ടും അ​ഭ്യ​ർ​ഥി​ച്ചു.

ഇ​തി​ന്റെ ഭാ​ഗ​മാ​യി ബോ​ർ​ഡ് രാ​ജ്യ​മൊ​ട്ടു​ക്കും പ്ര​ഖ്യാ​പി​ച്ച പ്ര​ക്ഷോ​ഭ​ങ്ങ​ൾ​ക്ക് പി​ന്തു​ണ​യു​മാ​യി ജം​ഇ​യ്യ​തു​ൽ ഉ​ല​മാ​യെ ഹി​ന്ദ്, ജ​മാ​അ​ത്തെ ഇ​സ്‍ലാ​മി ഹി​ന്ദ് അ​ട​ക്ക​മു​ള്ള മു​സ്‍ലിം സം​ഘ​ട​ന​ക​ളും രം​ഗ​ത്തു​വ​ന്നു. വി​വാ​ദ ബി​ല്ലി​നെ പി​ന്തു​ണ​ച്ച് പ​ച്ച​ക്കൊ​ടി കാ​ട്ടി​യ എ​ൻ.​ഡി.​എ സ​ഖ്യ​ക​ക്ഷി​ക​ളാ​യ തെ​ലു​ഗു​​ദേ​ശം പാ​ർ​ട്ടി​ക്കും ജ​ന​താ​ദ​ൾ-​യു​വി​നു​മെ​തി​രെ അ​വ​രു​ടെ ത​ട്ട​ക​ങ്ങ​ളി​ൽ സ​മ​രം ന​ട​ത്തി സ​മ്മ​ർ​ദം ശ​ക്ത​മാ​ക്കു​മെ​ന്നും മു​സ്‍ലിം വ്യ​ക്തി​നി​യ​മ ബോ​ർ​ഡ് വ്യ​ക്ത​മാ​ക്കി. തി​ങ്ക​ളാ​ഴ്ച ആ​രം​ഭി​ക്കു​ന്ന ബ​ജ​റ്റ് സ​മ്മേ​ള​ന​ത്തി​ന്റെ ര​ണ്ടാം പാ​ദ​ത്തി​ൽ ബി​ൽ പാ​സാ​ക്കു​മെ​ന്ന് കേ​ന്ദ്ര ന്യൂ​ന​പ​ക്ഷ മ​ന്ത്രി കി​ര​ൺ റി​ജി​ജു വ്യ​ക്ത​മാ​ക്കി​യ സാ​ഹ​ച​ര്യ​ത്തി​ൽ മു​സ്‍ലിം സ​മു​ദാ​യ​ത്തി​ന്റെ പ്ര​തി​ഷേ​ധം പാ​ർ​ല​മെ​ന്റി​ന് മു​ന്നി​ൽ തു​ട​ങ്ങാ​നാ​ണ് അ​ഖി​ലേ​ന്ത്യ മു​സ്‍ലിം വ്യ​ക്തി​നി​യ​മ ബോ​ർ​ഡി​ന്റെ തീ​രു​മാ​നം.

എ​ൻ.​ഡി.​എ ഘ​ട​ക​ക​ക്ഷി​യാ​യ തെ​ലു​ഗു​​ദേ​ശം പാ​ർ​ട്ടി ബി​ല്ലി​നെ പി​ന്തു​ണ​ച്ച​തി​ൽ പ്ര​തി​ഷേ​ധി​ച്ച് ശ​നി​യാ​ഴ്ച വി​ജ​യ​വാ​ഡ​യി​ൽ ധ​ർ​ണ സം​ഘ​ടി​പ്പി​ച്ച വ്യ​ക്തി​നി​യ​മ ബോ​ർ​ഡ്, വി​വാ​ദ തീ​രു​മാ​ന​വു​മാ​യി മു​ന്നോ​ട്ടു​പോ​യാ​ൽ മു​സ്‍ലിം വോ​ട്ട​ർ​മാ​രു​ടെ പി​ന്തു​ണ ന​ഷ്ട​മാ​കു​മെ​ന്ന് ച​ന്ദ്ര​ബാ​ബു നാ​യി​ഡു​വി​ന് മു​ന്ന​റി​യി​പ്പ് ന​ൽ​കി. ജ​ന​താ​ദ​ൾ-​യു​വി​നെ​യും നി​തീ​ഷ് കു​മാ​റി​നെ​യും പ്ര​തി​ഷേ​ധ​മ​റി​യി​ക്കാ​ൻ തി​ങ്ക​ളാ​ഴ്ച പ​ട്ന​യി​ലും ബോ​ർ​ഡ് പ്ര​തി​ഷേ​ധ​മൊ​രു​ക്കു​ന്നു​ണ്ട്. 13ന് ​ന്യൂ​ഡ​ൽ​ഹി​യി​ലെ ജ​ന്ത​ർ​മ​ന്ത​റി​ലും പ്ര​തി​ഷേ​ധം സം​ഘ​ടി​പ്പി​ക്കു​മെ​ന്ന് അ​ഖി​ലേ​ന്ത്യ മു​സ്‍ലിം വ്യ​ക്തി​നി​യ​മ ബോ​ർ​ഡ് വ​ക്താ​വ് ഡോ. ​സ​യ്യി​ദ് ഖാ​സിം റ​സൂ​ൽ ഇ​ല്യാ​സ് പ​റ​ഞ്ഞു.

പ്രക്ഷോഭത്തിൽ ബോർഡിനൊപ്പം -ജമാഅത്തെ ഇസ്‍ലാമി

ന്യൂ​ഡ​ൽ​ഹി: വ​ഖ​ഫി​നാ​യി ദേ​ശ​വ്യാ​പ​ക പ്ര​ക്ഷോ​ഭ​ത്തി​നി​റ​ങ്ങാ​നു​ള്ള അ​ഖി​​ലേ​ന്ത്യ മു​സ്‍ലിം വ്യ​ക്തി നി​യ​മ ബോ​ർ​ഡി​ന്റെ തീ​രു​മാ​ന​ത്തെ പി​ന്തു​ണ​ക്കു​ക​യാ​ണെ​ന്ന് ജ​മാ​അ​ത്തെ ഇ​സ്‍ലാ​മി ഹി​ന്ദ് ഉ​പാ​ധ്യ​ക്ഷ​ൻ മു​ഹ​മ്മ​ദ് സ​ലീം വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. 13ന് ​ജ​ന്ത​ർ മ​ന്ത​റി​ൽ ബോ​ർ​ഡ് ഒ​രു​ക്കു​ന്ന പ്ര​തി​ഷേ​ധ​ത്തി​ൽ മ​റ്റു മു​സ്‍ലിം സം​ഘ​ട​ന​ക​ൾ​ക്കൊ​പ്പം പ​​ങ്കെ​ടു​ക്കു​മെ​ന്നും മു​ഹ​മ്മ​ദ് സ​ലീം പ​റ​ഞ്ഞു.

വ​ഖ​ഫ് സ്വ​ത്തു​ക്ക​ൾ സ​ർ​ക്കാ​ർ സ്വ​ത്ത​ല്ലെ​ന്നും അ​വ​ക്കു​മേ​ലു​ള്ള സ​ർ​ക്കാ​ർ നി​യ​ന്ത്ര​ണം സ്വീ​കാ​ര്യ​മ​ല്ലെ​ന്നും മു​ഹ​മ്മ​ദ് സ​ലീം പ​റ​ഞ്ഞു. ബി​ൽ പാ​സാ​ക്കി​യാ​ൽ ജ​നാ​ധി​പ​ത്യ​പ​ര​വും സ​മാ​ധാ​ന​പ​ര​വു​മാ​യ മാ​ർ​ഗ​ങ്ങ​ളി​ലൂ​ടെ നേ​രി​ടു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

തെരുവിലിറങ്ങാൻ നിർബന്ധിതമായി -ജംഇയ്യതുൽ ഉലമായെ ഹിന്ദ്

ന്യൂ​ഡ​ൽ​ഹി: സ്വ​ന്തം അ​വ​കാ​ശ​ങ്ങ​ൾ തി​രി​ച്ചു​പി​ടി​ക്കാ​ൻ മു​സ്‍ലിം​ക​ൾ തെ​രു​വി​ലി​റ​ങ്ങാ​ൻ നി​ർ​ബ​ന്ധി​ത​മാ​യെ​ന്ന് വ്യ​ക്ത​മാ​ക്കി അ​ഖി​ലേ​ന്ത്യ മു​സ്‍ലിം വ്യ​ക്തി നി​യ​മ ബോ​ർ​ഡി​ന്റെ പ്ര​ക്ഷോ​ഭ​ത്തി​ന് ജം​ഇ​യ്യ​തു​ൽ ഉ​ല​മാ​യെ ഹി​ന്ദ് പി​ന്തു​ണ പ്ര​ഖ്യാ​പി​ച്ചു. ബി​ൽ പാ​ർ​ല​മെ​ന്റി​ൽ പാ​സാ​യാ​ൽ അ​തി​നെ​തി​രെ വി​വി​ധ ഹൈ​കോ​ട​തി​ക​ളെ സ​മീ​പി​ക്കാ​ൻ ജം​ഇ​യ്യ​ത് തീ​രു​മാ​നി​ച്ചി​ട്ടു​ണ്ടെ​ന്നും പ്ര​സി​ഡ​ന്റ് മൗ​ലാ​ന അ​ർ​ശ​ദ് മ​ദ​നി വ്യ​ക്ത​മാ​ക്കി.

എ​ന്നാ​ൽ, വ​ഖ​ഫ് സ്വ​ത്തു​ക്ക​ളു​മാ​യി ബ​ന്ധ​പ്പെ​ട്ട മു​സ്‍ലിം​ക​ളു​ടെ ആ​ശ​ങ്ക അ​വ​ഗ​ണി​ക്കു​ക​യും ഭ​ര​ണ​ഘ​ട​നാ​വി​രു​ദ്ധ​മാ​യ നി​യ​മം ബ​ല​പ്ര​യോ​ഗ​ത്തി​ലൂ​ടെ അ​ടി​ച്ചേ​ൽ​പി​ക്കു​ക​യും ചെ​യ്യു​മ്പോ​ൾ സ​മ​ര​വു​മാ​യി തെ​രു​വി​ലി​റ​ങ്ങു​ക​യ​ല്ലാ​തെ വ​ഴി​യി​ല്ല. സ​ർ​ക്കാ​റി​നെ വ​സ്തു​ത ബോ​ധ്യ​പ്പെ​ടു​ത്താ​ൻ ജ​നാ​ധി​പ​ത്യ മാ​ർ​ഗ​ങ്ങ​ളി​ലൂ​ടെ സാ​ധ്യ​മാ​യ എ​ല്ലാ ശ്ര​മ​ങ്ങ​ളും ന​ട​ത്തി​യ​ശേ​ഷ​മാ​ണ് ഇ​ത്ത​ര​മൊ​രു തീ​രു​മാ​നം എ​ടു​ക്കേ​ണ്ടി​വ​ന്ന​തെ​ന്നും മ​ദ​നി കൂ​ട്ടി​ച്ചേ​ർ​ത്തു.